കുഞ്ഞുയമാലിനെ കുളിപ്പിക്കുകയും എടുത്തുനിൽക്കുകയും ചെയ്യുന്ന മെസിയുടെ ചിത്രം സോഷ്യൽ മീഡിയയിൽ ഇപ്പോൾ തരംഗമാണ്. ഏറ്റവും രസകരം, 2024 യുവേഫ യൂറോ കപ്പിൽ യമാലിന്റെ ഗോളിൽ ഫ്രാൻസിനെതിരേ സ്പെയിൻ തിരിച്ചുവരവ് ജയം (2-1) കുറിച്ചതും, മെസിയുടെ ഗോളിൽ കോപ്പ അമേരിക്ക സെമിയിൽ കാനഡയെ കീഴടക്കി (2-0) അർജന്റീന ഫൈനലിൽ പ്രവേശിച്ചതും മണിക്കൂറുകളുടെ മാത്രം വ്യത്യാസത്തിലായിരുന്നു എന്നതാണ്...
പെയിന്ററിന്റെയും വെയ്റ്ററസിന്റെയും മകൻ മൊറോക്കൻ വംശജനായ മൗനീർ നസ്രോയിയുടെയും ഗ്വിനിയക്കാരിയായ ഷീല എബാനയുടെയും മകനായി 2007 ജൂലൈ 13ന് ബാഴ്സലോണയിലാണ് ലമെയ്ൻ യമാലിന്റെ ജനനം. ബിൽഡിംഗ് പെയിന്ററായിരുന്നു മൗനീർ, ഷീല എബാന വെയ്റ്ററസും.
നാലാം വയസിൽ ഫുട്ബോളിനു പിന്നാലെയുള്ള ഓട്ടം യമാൽ ആരംഭിച്ചു. ഉരുളുന്ന പന്തിനു പിന്നാലെയുള്ള ആ ഓട്ടം ചെന്നെത്തിയത് എഫ്സി ബാഴ്സലോണയുടെ കുട്ടിക്ലബ്ബായ ലാ മാസിയയിൽ. അണ്ടർ 15 മുതൽ സ്പെയിനിനുവേണ്ടി പന്ത് തട്ടിത്തുടങ്ങി. 2023ൽ ബാഴ്സലോണ ബി ടീമിലും സീനിയർ ടീമിലും, ഇപ്പോൾ ലോകത്തിന്റെ നെറുകയിലും...