►ശരത് കമൽ, പി.വി. സിന്ധു◄
ഉദ്ഘാടന ചടങ്ങിലെ പരേഡിൽ ഇന്ത്യൻ ദേശീയ പതാകയേന്തുന്നത് പുരുഷ ടേബിൾ ടെന്നീസ് താരം ശരത് കമലും വനിതാ ബ്ഡമിന്റണ് സൂപ്പർ താരം പി.വി. സിന്ധുവുമാണ്. കഴിഞ്ഞ രണ്ട് ഒളിന്പിക്സിലും (2016 റിയൊ വെള്ളി, 2020 ടോക്കിയോ വെങ്കലം) മെഡൽ നേടിയ താരമാണ് സിന്ധു.
ചരിത്രത്തിൽ ഇതുവരെ ഒരു എഡിഷനിലും മെഡൽ നേട്ടം രണ്ടക്കത്തിലെത്തിക്കാൻ ഇന്ത്യക്കു സാധിച്ചിട്ടില്ല. 202 ടോക്കിയോയിൽ ഒരു സ്വർണം, രണ്ട് വെള്ളി, നാലു വെങ്കലം എന്നിങ്ങനെ ഏഴ് മെഡൽ നേടിയതാണ് ഇതുവരെ ഇന്ത്യയുടെ ഏറ്റവും മികച്ച പ്രകടനം. പാരീസിൽ മെഡൽ നേട്ടം രണ്ടക്കത്തിൽ എത്തിക്കുക എന്നതാണ് ഇന്ത്യൻ ലക്ഷ്യം.
►206 രാജ്യങ്ങൾ, 32 ഇനങ്ങൾ◄
ലോക കായികമാമാങ്കമെന്ന വിശേഷണം അടിവരയിട്ട് 206 രാജ്യങ്ങളിൽനിന്നുള്ള കായിക താരങ്ങൾ പാരീസ് ഒളിന്പിക്സിൽ പങ്കെടുക്കും. 10,714 കായിക താരങ്ങളാണ് പാരീസിൽ മെഡൽ സ്വപ്നങ്ങളുമായി എത്തിയിരിക്കുന്നത്. 32 ഇനങ്ങളിലായി 329 മത്സരങ്ങൾ പാരീസ് ഒളിന്പിക്സിൽ അരങ്ങേറും.
2020 ടോക്കിയോ ഒളിന്പിക്സിൽ 39 സ്വർണവും 41 വെള്ളിയും 33 വെങ്കലവുമായി ആകെ 113 മെഡലുകളോടെ അമേരിക്ക ചാന്പ്യൻപട്ടം കരസ്ഥമാക്കിയിരുന്നു. ചൈനയെ (38 സ്വർണം, 32 വെള്ളി, 19 വെങ്കലം) രണ്ടാം സ്ഥാനത്തേക്കു പിന്തള്ളിയായിരുന്നു അമേരിക്കയുടെ നേട്ടം. പാരീസിലും അമേരിക്കയും ചൈനയും തമ്മിലായിരിക്കും പ്രധാനമായും മെഡൽ പോരാട്ടമരങ്ങേറുക.
►ബ്രേക്ക്ഡാൻസ് ◄
യുവജനതയെ ആകർഷിക്കാൻ പാരീസ് ഒളിന്പിക്സിൽ ബ്രേക്ക്ഡാൻസ് മത്സരയിനമാക്കിയെന്നതും ശ്രദ്ധേയം. ഇതാദ്യമായാണ് ബ്രേക്ക്ഡാൻസ് ഒളിന്പിക്സിൽ ഉൾപ്പെടുന്നത്. 2020 ടോക്കിയോ ഒളിന്പിക്സിൽ അരങ്ങേറിയ സ്പോർട്ട് ക്ലൈംബിംഗ്, സ്കേറ്റ്ബോർഡിംഗ്, സർഫിംഗ് ഇനങ്ങൾ പാരീസിലുമുണ്ടെന്നതും ശ്രദ്ധേയം.