പി.എസ്. ശ്രീധരന്‍പിള്ളയ്ക്ക് ഡോക്ടറേറ്റ്
Friday, December 20, 2024 2:16 AM IST
ഡോണാപോള (ഗോവ): സാഹിത്യരംഗത്തെ സമഗ്ര സംഭാവനകള്‍ പരിഗണിച്ച് ഗോവ ഗവര്‍ണര്‍ പി.എസ്. ശ്രീധരൻപിള്ളയ്ക്ക് ഡോക്ടറേറ്റ്.
ബംഗളൂരു അലയന്‍സ് യൂണിവേഴ്‌സിറ്റിയാണ് ഡോക്ടറേറ്റ് നല്‍കുന്നത്. ഈ മാസം 22നു യൂണിവേഴ്‌സിറ്റി കാമ്പസില്‍ നടക്കുന്ന ചടങ്ങില്‍ ഡോക്ടറേറ്റ് സമ്മാനിക്കും.
സാഹിത്യ സംഭാവനകള്‍ പരിഗണിച്ച് ഇതു മൂന്നാം തവണയാണ് ഗവര്‍ണര്‍ പി.എസ്. ശ്രീധരന്‍പിള്ളയ്ക്ക് ഡോക്ടറേറ്റ് ലഭിക്കുന്നത്. രാജസ്ഥാനിലെ ജെജെടി യൂണിവേഴ്‌സിറ്റി, ഒഡീഷയിലെ എഎസ്ബിഎം യൂണിവേഴ്‌സിറ്റി എന്നിവയാണ് ഇതിനുമുമ്പ് അദ്ദേഹത്തിനു ഓണററി ഡോക്ടറേറ്റ് നല്‍കി ആദരിച്ചത്.
കവിത, കഥ, ലേഖന സമാഹാരങ്ങള്‍, പഠനങ്ങള്‍, വിവവര്‍ത്തനങ്ങള്‍, അടക്കം ഇംഗ്ലീഷിലും മലയാളത്തിലുമായി 246 പുസ്തകങ്ങള്‍ അദ്ദേഹം രചിച്ചിട്ടുണ്ട്. ശ്രീധരന്‍പിള്ളയുടെ പുസ്തകങ്ങള്‍ ഹിന്ദി, കന്നട, തെലുങ്ക്, കൊങ്കിണി, ആസാമീസ്, ബംഗാളി, ഒഡിയ ഭാഷകളിലേക്ക് വിവര്‍ത്തനം ചെയ്തിട്ടുണ്ട്.