ഫോ​ർ​ട്ടു​കൊ​ച്ചി: ആ​ല​പ്പു​ഴ-​എ​റ​ണാ​കു​ളം ജി​ല്ല​ക​ളെ ബ​ന്ധി​പ്പി​ക്കു​ന്ന കു​മ്പ​ള​ങ്ങി ജ​ന​താ -അ​രൂ​ർ അ​മ്മ​നേ​ഴം ഫെ​റി ബോ​ട്ട് സ​ർ​വീ​സ് ഇ​ന്നു​ പു​ന​രാ​രം​ഭി​ക്കും. ഫെ​റി​യും റോ​ഡും ശോ​ച​നീ​യാ​വ​സ്ഥ​യി​ലാ​യ​തോ​ടെ വ​ർ​ഷ​ങ്ങ​ളാ​യി സ​ർ​വീ​സ് നി​ർ​ത്തി​വ​ച്ചിരുന്ന ജ​ന​താ ഫെ​റി കു​ന്പ​ള​ങ്ങി - അ​രൂ​ർ കെ​ൽ​ട്രോ​ൺ പാ​ലം നി​ർ​മാ​ണ ജോ​ലി ആ​രം​ഭി​ച്ച​തോ​ടെ​യാ​ണ് അ​റ്റ​കു​റ്റ​പ്പ​ണി ന​ട​ത്തി ഇ​ന്നു​മു​ത​ൽ സ​ർ​വീ​സ് ആ​രം​ഭി​ക്കു​ന്ന​ത്.

ഇ​ന്നു രാ​വി​ലെ ആ​റി​ന് ഇ​രു​പ​ഞ്ചാ​യ​ത്ത് അ​ധി​കൃ​ത​രു​ടെ​യും സാ​ന്നി​ധ്യ​ത്തി​ൽ ആ​ദ്യ​ സ​ർ​വീ​സ് ആ​രം​ഭി​ക്കും. 6.30 മു​ത​ൽ രാ​ത്രി എ​ട്ടു​ വ​രെ​യാ​ണ് സ​ർ​വീ​സ് സ​മ​യം. കെ​ൽ​ട്രോ​ൺ ഫെ​റി​യി​ൽ നി​ന്നു ബോ​ട്ടും ച​ങ്ങാ​ട​വും ന​ട​ത്തി​യ പ​രീ​ക്ഷ​ണ ഓ​ട്ടം വി​ജ​യ​ക​ര​മാ​യി. കു​മ്പ​ള​ങ്ങി ജ​ന​ത ഫെ​റി​യും ഫെ​റി​യി​ലേ​ക്കു​ള്ള റോ​ഡും പ​ഞ്ചാ​യ​ത്ത് പ്ര​സി​ഡ​ന്‍റ് സൂ​സ​ൻ ജോ​സ​ഫും വാ​ർ​ഡ് മെ​മ്പ​ർ​മാ​രാ​യ ലീ​ജാ തോ​മ​സ്, ബെ​യ്സി​ൽ എ​ന്നി​വ​രും സ​ന്ദ​ർ​ശി​ച്ചു.

ബോ​ട്ട് അ​ടു​പ്പി​ക്കു​ന്ന​തി​നു ഇ​രു​ഫെ​റി​ക​ളു​ടെ​യും തീ​രം ആ​ഴം​കൂ​ട്ടു​ന്ന ജോ​ലി​ക​ളും പൂ​ർ​ത്തി​യാ​യി. പാ​ല​ത്തി​ന്‍റെ നി​ർ​മാ​ണ​വു​മാ​യി ബ​ന്ധ​പ്പെ​ട്ടു ര​ണ്ടാ​ഴ്ച‌ മു​ന്പ് കെ​ൽ​ട്രോ​ൺ ഫെ​റി​യി​ൽ സ​ർ​വീ​സ് ന​ട​ത്തി​യി​രു​ന്ന ബോ​ട്ടി​ന്‍റെ ച​ങ്ങാ​ടം ഒ​ഴി​വാ​ക്കി​യി​രു​ന്നു.

ഇ​തു​മൂ​ലം, വാ​ഹ​ന​യാ​ത്രി​ക​ർ​ക്ക്എ​ഴു​പു​ന്ന​യി​ലൂ​ടെ​യും ഇ​ട​ക്കൊ​ച്ചി​യി​ലൂ​ടെ​യും സ​ഞ്ച​രി​ച്ചു ഹൈ​വേ​യി​ൽ എ​ത്തേ​ണ്ട അ​വ​സ്‌​ഥ​യാ​യി​രു​ന്നു. ജ​ന​താ ഫെ​റി ച​ങ്ങാ​ടം സ​ർ​വി​സ് തു​ട​ങ്ങു​ന്ന​തോ​ടെ ഈ​പ്ര​ശ്ന​ത്തി​ന് പ​രി​ഹാ​ര​മാ​കും. എ​ന്നാ​ൽ അ​രൂ​ർ ക​ര​യി​ൽ ജെ​ട്ടി​യു​ടെ പ്ലാ​റ്റ്ഫോം ഉ​യ​ർ​ത്താ​നു​ള്ള പ്ര​വൃ​ത്തി​ക​ൾ ഇ​തു​വ​രെ​യും ന​ട​ത്തി​യി​ട്ടി​ല്ല. നി​ല​വി​ൽ റെ​യി​ലു​ക​ൾ നീ​ട്ടി സ​ർ​വീ​സ് തു​ട​ങ്ങാ​നാ​ണ് ക​രാ​റു​കാ​രു​ടെ ശ്ര​മം.