ഡാ​ള​സ്: ഡാ​ള​സി​ലെ ഒ​രു സ്ട്രി​പ്പ് ക്ല​ബി​ൽ ഫെ​ഡ​റ​ൽ ഏ​ജ​ന്‍റു​മാ​രും നി​യ​മ​പാ​ല​ക​രും സം​യു​ക്ത​മാ​യി ന​ട​ത്തി​യ റെ​യ്ഡി​ൽ 41 പേ​ർ അ​റ​സ്റ്റി​ലാ​യി. മ​നു​ഷ്യ​ക്ക​ട​ത്ത്, അ​ന​ധി​കൃ​ത ജോ​ലി എ​ന്നി​വ സം​ബ​ന്ധി​ച്ച അ​ന്വേ​ഷ​ണ​ത്തി​ന്‍റെ ഭാ​ഗ​മാ​യാ​ണ് ന​ട​പ​ടി.

ഡാ​ള​സി​ലെ "ഷി​ക്കാ​സ് ബോ​ണി​റ്റാ​സ് ക​ബ​റേ' എ​ന്ന ക്ല​ബി​ൽ ക​ഴി​ഞ്ഞാ​ഴ്ച ഹോം​ലാ​ൻ​ഡ് സെ​ക്യൂ​രി​റ്റി ഇ​ൻ​വെ​സ്റ്റി​ഗേ​ഷ​ൻ​സ്(​എ​ച്ച്എ​സ്ഐ) ഡാ​ള​സി​ന്‍റെ നേ​തൃ​ത്വ​ത്തി​ൽ ക്രി​മി​ന​ൽ സെ​ർ​ച്ച് വാ​റ​ന്‍റ് ഉ​പ​യോ​ഗി​ച്ച് റെ​യ്ഡ് ന​ട​ത്തി.

41 അ​ന​ധി​കൃ​ത കു​ടി​യേ​റ്റ​ക്കാ​ർ അ​റ​സ്റ്റി​ലാ​യി. ഇ​വ​രി​ൽ 29 പേ​ർ ക്ല​ബി​ൽ അ​ന​ധി​കൃ​ത​മാ​യി ജോ​ലി ചെ​യ്തി​രു​ന്ന​താ​യി സം​ശ​യി​ക്കു​ന്നു. ഏ​ക​ദേ​ശം 30,000 ഡോ​ള​ർ പ​ണ​വും ബി​സി​ന​സ് രേ​ഖ​ക​ളും പി​ടി​ച്ചെ​ടു​ത്തു.


ഈ ​ക്ല​ബി​ലെ ലൈം​ഗി​ക​ക്ക​ട​ത്ത് ഓ​പ്പ​റേ​ഷ​ൻ ത​ക​ർ​ക്കാ​ൻ ക​ഴി​ഞ്ഞ​താ​യി എ​ച്ച്എ​സ്ഐ ഡാ​ള​സ് സ്പെ​ഷ്യ​ൽ ഏ​ജന്‍റ് ഇ​ൻ ചാ​ർ​ജ് ട്രേ​വി​സ് പി​ക്കാ​ർ​ഡ് അ​റി​യി​ച്ചു.

അ​റ​സ്റ്റി​ലാ​യ​വ​രി​ൽ അ​ഞ്ച് പേ​ർ​ക്ക് യു​എ​സി​ലേ​ക്ക് അ​ന​ധി​കൃ​ത​മാ​യി പ്ര​വേ​ശി​ച്ച​തു​മാ​യി ബ​ന്ധ​പ്പെ​ട്ട് മു​ൻ​പ് ക്രി​മി​ന​ൽ കേ​സു​ക​ളു​ണ്ട്. ഒ​രാ​ൾ പ​ത്ത് ത​വ​ണ​യെ​ങ്കി​ലും അ​ന​ധി​കൃ​ത​മാ​യി രാ​ജ്യ​ത്തേ​ക്ക് പ്ര​വേ​ശി​ച്ച​യാ​ളാ​ണ്.