റി​യാ​ദ്: മ​ല​യാ​ള​ത്തി​ന്‍റെ മ​ഹാ​സാ​ഹി​ത്യ​കാ​ര​ൻ എം.​ടി. വാ​സു​ദേ​വ​ൻ നാ​യ​രോ​ടു​ള്ള ആ​ദ​രസൂ​ച​ക​മാ​യി റി​യാ​ദ് ചി​ല്ല​യു​ടെ എ​ന്‍റെ വാ​യ​ന ജ​നു​വ​രി ല​ക്കം എം​ടി​യു​ടെ ക​ഥ​ക​ൾ വാ​യി​ച്ചും ഡോ​ക്യൂ​മെ​ന്‍റ​റി​യും സി​നി​മ​ക​ളും ക​ണ്ടും "എം.​ടി സ്മൃ​തി, കൃ​തി' എ​ന്ന ത​ല​ക്കെ​ട്ടി​ൽ ന​ട​ത്തി.

അ​ദ്ദേ​ഹ​ത്തി​ന്‍റെ ബാ​ല്യ കാ​ലം നീ​ന്തി തു​ടി​ച്ച കു​മാ​ര​ന​ല്ലൂ​രി​ലെ കു​ള​ങ്ങ​ളെ​ക്കു​റി​ച്ചും മ​ണ​ലൂ​റ്റി വ​റ്റി വ​ര​ണ്ട നി​ള​യെ​ക്കു​റി​ച്ചും എം​.എ. റ​ഹ്‌​മാ​ൻ അ​വ​ത​രി​പ്പി​ച്ച "കു​മാ​ര​ന​ല്ലൂ​രി​ലെ കു​ള​ങ്ങ​ൾ' എ​ന്ന ഡോ​ക്യു ഫി​ക്ഷ​ൻ പ്ര​ദ​ർ​ശി​പ്പി​ച്ചു കൊ​ണ്ടാ​ണ് എം​ടി "സ്മൃ​തി കൃ​തി'​ക്ക് തു​ട​ക്കം കു​റി​ച്ച​ത്.

തു​ട​ർ​ന്ന് എം​ടിയു​ടെ ആ​ത്മാം​ശ​മു​ള്ള ക​ഥ​യാ​യ "ക​ഡു​ഗ​ണ്ണാ​വ ഒ​രു യാ​ത്ര​ക്കു​റി​പ്പ്' ജോ​മോ​ൻ സ്റ്റി​ഫ​നും "രേ​ഖ​യി​ൽ ഇ​ല്ലാ​ത്ത ച​രി​ത്രം' എ​ന്ന ചെ​റു​ക​ഥ മൂ​സ കൊ​മ്പ​നും അ​വ​ത​രി​പ്പി​ച്ചു.


എം​ടിയു​ടെ ചെ​റു​ക​ഥ​ക​ളെ കോ​ർ​ത്തി​ണ​ക്കി​യു​ള്ള ആ​ന്തോ​ള​ജി സീ​രീ​സാ​യ മ​നോ​ര​ഥ​ങ്ങ​ളി​ലെ ശ്യാ​മ​പ്ര​സാ​ദ് സം​വി​ധാ​നം ചെ​യ്ത് പാ​ർ​വ​തി തി​രു​വോ​ത്തും ന​രേ​നും പ്ര​ധാ​ന ക​ഥാപാ​ത്ര​ങ്ങ​ളെ അ​വ​ത​രി​പ്പി​ച്ച സ്ത്രീ ​ശാ​ക്തീ​ക​ര​ണ​ത്തി​ന്‍റെ പ്രാ​ധാ​ന്യം വി​ളി​ച്ചോ​തു​ന്ന "കാ​ഴ്‌​ച'യും ​

ഒ​രു പൂ​ച്ച​യി​ലൂ​ടെ ജീ​വി​ത വി​മ​ർ​ശ​വും സാ​മ്രാ​ജ്യ​ത്വ​ത്തി​ന്‍റെ അ​ധി​നി​വേ​ശ​പ​ര​ത​യും അ​വ​ത​രി​പ്പി​ക്കു​ന്ന മ​ഹേ​ഷ് നാ​രാ​യ​ണ​ൻ സം​വി​ധാ​നം ചെ​യ്ത് ഫ​ഹ​ദ്‌ ഫാ​സി​ലും ന​ദി​യ മൊ​യ്തു​വും പ്ര​ധാ​ന ക​ഥാ പ​ത്ര​ങ്ങ​ളെ അ​വ​ത​രി​പ്പി​ച്ച "ഷെ​ർ​ലോക്കും' പ്ര​ദ​ർ​ശി​പ്പി​ച്ചു.

സീ​ബ കൂ​വോ​ട് മോ​ഡ​റേ​റ്റ​ർ ആ​യി​രു​ന്നു. വി​പി​ൻ കു​മാ​ർ എം​ടി ഒ​രു മു​ഖ​വു​ര അ​വ​ത​രി​പ്പി​ച്ചു. വി​ദ്യ വി​പി​ൻ ഉ​പ​സം​ഹാ​രം ന​ട​ത്തി.