നെ​ല്ലി​യാ​മ്പ​തി:ത​രി​ശുര​ഹി​ത ഫാം ​എ​ന്ന ല​ക്ഷ്യ​ത്തി​ലേ​ക്ക് നെ​ല്ലി​യാ​മ്പ​തി ഓ​റ​ഞ്ച് ഫാം. ​ചോ​ക്ക​ലേ​റ്റ് ഉ​ൾ​പ്പെ​ടെ ഉ​ണ്ടാ​ക്കാ​ൻ സാ​ധി​ക്കു​ന്ന വി​ള എ​ന്നനി​ല​ക്ക് കൊ​ക്കോ കൃ​ഷി ത​നിവി​ള​യാ​യും ഇ​ട​വി​ള​യാ​യും ഏ​ക​ദേ​ശം15 ഹെ​ക്ട​ർ സ്ഥ​ല​ത്ത് വ്യാ​പി​പ്പി​ക്കു​ന്ന​തി​ന്‍റെ തൈന​ടീ​ൽ ഉ​ദ്ഘാ​ട​നം ചെ​യ്തു.

പാ​ഷ​ൻഫ്രൂ​ട്ട് മെ​യി​ൻ ബ്ലോ​ക്കി​ന്‍റെ മു​ൻ​വ​ശ​ത്താ​യി ​വി​വി​ധ ഇ​നം ചെ​റി തൈ​ക​ൾ ന​ട്ട് പു​തു​താ​യി കൃഷി ആ​രം​ഭി​ച്ചു. പോ​ളി ഹൗ​സി​നു​ള്ളി​ൽ ഹൈ​ടെ​ക് കൃ​ഷിരീ​തി അ​നു​വ​ർ​ത്തി​ച്ച് കാ​ർ​ഷി​ക സ​ർ​വക​ലാ​ശാ​ല പു​റ​ത്തി​റ​ക്കി​യ കെപിസിഎ​ച്ച് -1 എ​ന്ന ഹൈ​ബ്രി​ഡ് ഇ​നം സ​ലാ​ഡ് കു​ക്കു​ംബർ കൃ​ഷി​യു​ടെ വി​ത്ത് ന​ടീ​ൽ നിർവഹിച്ചു.

ഈ ​വ​ർ​ഷ​ത്തെ ബ​ട്ട​ർ ബീ​ൻ​സ് കൃ​ഷി​യു​ടെ ന​ടീ​ൽ, ഫാം ​ടൂ​റി​സം പ​രി​പാ​ടി കൂ​ടു​ത​ൽ പ​രി​പോ​ഷി​പ്പി​ക്കു​ന്ന​തി​നാ​യി ആ​മ്പ​ൽകു​ള​ത്തി​നു സ​മീ​പ​ത്താ​യി പ്ര​ത്യേ​കം സ​ജ്ജ​മാ​ക്കി​യ പൂ​മ്പാ​റ്റ​യു​ടെ മാ​തൃ​ക​യി​ലു​ള്ള സെ​ൽ​ഫീ പോ​യി​ന്‍റ്, ഡി​സം​ബ​ർ - ജ​നുവ​രി മാ​സ​ത്തി​ൽ ന​ട​ത്താ​ൻ ഉ​ദ്ദേ​ശി​ക്കു​ന്ന ഫാം ​ഫെ​സ്റ്റി​ന്‍റെ മു​ന്നോ​ടി​യാ​യി ന​ഴ്സ​റി​യി​ൽ വി​ല്പന​യ്ക്കാ​യി ഗു​ണ​മേ​ന്മ​യു​ള്ള​തും വൈ​വി​ധ്യ​മാ​ർ​ന്ന​തും ആ​യ വി​വി​ധ​യി​നം ന​ടീ​ൽ വ​സ്തു​ക്ക​ൾ, പ്ര​വ​ർ​ധനം ന​ട​ത്തു​ന്ന പ്ര​വ​ർ​ത്ത​ന​ത്തി​ന് ഓ​ർ​ക്കി​ഡ് തൈ​ക​ൾ ന​ടീ​ൽ, തു​ട​ങ്ങി​യ പ​ദ്ധ​തി​ക​ളു​ടെ ഉ​ദ്ഘാ​ട​ന​വും നെ​ല്ലി​യാ​മ്പ​തി ഫാ​മി​ൽന​ട​ത്തി.

ഓ​രോ പ്ലോ​ട്ടു​ക​ളു​ടെ​യും ചാ​ർ​ജ് ഉ​ള്ള കൃ​ഷി അ​സി​സ്റ്റന്‍റുമാ​രാ​യ സി.​ നാ​രാ​യ​ണ​ൻകു​ട്ടി, വി.എസ്. മ​ഹേ​ഷ്, വ​സീം, കൃ​ഷ്ണ​കു​മാ​ർ, ജി​നേ​ഷ്, കൃ​ഷ്ണ​ദാ​സ്, ആ​തി​ര എ​ന്നി​വ​രു​ടെ നേ​തൃ​ത്വ​ത്തി​ലാ​ണ് പു​തി​യ പ​ദ്ധ​തി​ക​ൾ ന​ട​ത്തു​ന്ന​ത്.

ഫാം ​ഫെ​സ്റ്റി​ന് മു​ന്നോ​ടി​യാ​യി വൈ​വി​ധ്യ​മാ​ർ​ന്ന ഫാം ബ്യൂ​ട്ടി​ഫി​ക്കേ​ഷ​ൻ, പു​തു​മ​യു​ള്ളതും ഗു​ണ​മേ​ന്മ​യു​ള്ളതുമായ ന​ടീ​ൽ വ​സ്തു​ക്ക​ളു​ടെ ഉ​ത്പാ​ദ​നം, ഹൈ​ടെ​ക് ഓ​പ്പ​ൺ പ്രി​സി​ഷ​ൻ ഫാ​മിം​ഗ് കൃ​ഷി​ക​ൾ, ടി​ഷ്യൂ ക​ൾ​ച്ച​ർ ബ​നാ​ന ഹ​ർ​ഡ​നി​ംഗ്, വി​യ​റ്റ്നാം മോ​ഡ​ൽ കു​രു​മു​ള​ക് കൃ​ഷി, വൈ​വി​ധ്യ​മാ​ർ​ന്ന മൂ​ല്യ​വ​ർ​ധിത ഉ​ത്​പ​ന്ന​ങ്ങ​ളു​ടെ നി​ർ​മാണം മു​ത​ലാ​യ പ്ര​വ​ർ​ത്ത​ന​ങ്ങ​ൾ ഫാ​മി​ൽ ഊ​ർ​ജിത​മാ​യി പു​രോ​ഗ​മി​ച്ചു വ​രു​ന്നു.

വി​വി​ധ ഇ​നം സ്വ​ദേ​ശി വി​ദേ​ശി ഇ​നം പ​ഴ​വ​ർ​ഗ​ങ്ങ​ളു​ടെ​യും പ​ച്ച​ക്ക​റി​ക​ളു​ടെ​യും വി​ത്ത് മു​ത​ൽ സം​സ്ക​ര​ണ​വും മൂ​ല്യ വ​ർ​ധ​ന​യും ഉ​ൾ​പ്പെ​ടെ പ​ഠി​ക്കാ​നും മ​ന​സ്സി​ലാ​ക്കാ​നും പ്രാ​യോ​ഗി​ക പ​രി​ജ്ഞാ​നം നേ​ടാ​നും പ​റ്റു​ന്ന രീ​തി​യി​ൽ മാ​റ്റി​യെ​ടു​ക്കു​ക​യാ​ണെന്ന് ഫാം ​സൂ​പ്ര​ണ്ട് പി. ​സാ​ജി​ദ​ലി പ​റ​ഞ്ഞു.