മ​ണ്ണാ​ർ​ക്കാ​ട്: ജ​ല​സേ​ച​ന വ​കു​പ്പി​ന്‍റെ കീ​ഴി​ലു​ള്ള ഡാ​മു​ക​ൾ കേ​ന്ദ്രീ​ക​രി​ച്ചു​ള്ള പു​തി​യ വി​നോ​ദ സ​ഞ്ചാ​ര ന​യം കാ​ഞ്ഞി​ര​പ്പു​ഴ​യു​ടെ വി​നോ​ദ സ​ഞ്ചാ​ര​മേ​ഖ​ല​യ്ക്ക് ഏ​റെ ഗു​ണം ചെ​യ്യും. സ്വ​കാ​ര്യ സ്ഥാ​പ​ന​ങ്ങ​ൾ​ക്കും സൊ​സൈ​റ്റി​ക​ൾ​ക്കു​മെ​ല്ലാം വി​നോ​ദ സ​ഞ്ചാ​ര പ​ദ്ധ​തി​ക​ളി​ൽ പ​ങ്കാ​ളി​യാ​കാ​മെ​ന്ന നി​ർ​ദേ​ശം നി​ല​വി​ൽ ജ​ല​സേ​ച​ന വ​കു​പ്പി​ന്‍റെ പ​രിഗ​ണ​ന​യി​ലു​ള്ള കാ​ഞ്ഞി​ര​പ്പു​ഴ ഹോ​ർ​ട്ടി​ക​ൾ​ച്ച​ർ ഗാ​ർ​ഡ​ൻ ആ​ൻ​ഡ് വാ​ട്ട​ർ​തീം പാ​ർ​ക്ക് പ​ദ്ധ​തി​യു​ടെ കാ​ര്യ​ത്തി​ലും പ്ര​തീ​ക്ഷ​യേ​കു​ന്നു.

ഇ​ടു​ക്കി​യി​ലെ ഈ​സ്റ്റേ​ൺ ടൂ​റി​സം കോ ​ഓ​പ്പ​റേ​റ്റീ​വ് സൊ​സൈ​റ്റി​യും കോ​ഴി​ക്കോ​ട് എ​ഫ്എ​സ്ഐ​ടി​യും ചേ​ർ​ന്ന് കാ​ഞ്ഞി​ര​പ്പു​ഴ​യെ സം​സ്ഥാ​ന​ത്തെ ത​ന്നെ വ​ലി​യ ടൂ​റി​സ്റ്റ് കേ​ന്ദ്ര​മാ​യി മാ​റ്റു​ന്ന​തി​ന് ആ​ദ്യം മു​ന്നോ​ട്ട് വ​രി​ക​യും നൂ​റ് കോ​ടി​യു​ടെ മാ​സ്റ്റ​ർ പ്ലാ​ൻ ത​യാ​റാ​ക്കി ഉ​ദ്യാ​ന​ക​മ്മി​റ്റി​ക്ക് സ​മ​ർ​പ്പി​ക്കു​ക​യും ഇ​ത് കെ. ​ശാ​ന്ത​കു​മാ​രി എം​എ​ൽ​എ ജ​ല​സേ​ച​ന വ​കു​പ്പ് മ​ന്ത്രി റോ​ഷി അ​ഗ​സ്റ്റി​ന് കൈ​മാ​റു​ക​യും ചെ​യ്തി​രു​ന്നു. പു​തി​യ ഉ​ത്ത​ര​വി​ന്‍റെ പ​ശ്ചാ​ത്ത​ല​ത്തി​ൽ പ്ലാ​നി​ൽ മാ​ലി​ന്യ സം​സ്ക​ര​ണ പ്ലാ​ന്‍റ് കൂ​ടി ഉ​ൾ​പ്പെ​ടു​ത്തി പ​ദ്ധ​തി പു​തു​ക്കി ഈ​സ്റ്റേ​ൺ ടൂ​റി​സം കോ- ​ഓ​പ്പ​റേ​റ്റീ​വ് സൊ​സൈ​റ്റി കേ​ര​ള ഇ​റി​ഗേ​ഷ​ൻ ഇ​ൻ​ഫ്രാ​സ്ട്ര​ക്ച​ർ ഡെ​വി​ല​പ്പ​മെ​ന്‍റ് കോ​ർ​പ്പ​റേ​ഷ​ന് നേ​രി​ട്ട് സ​മ​ർ​പ്പി​ക്കു​ക​യും കി​ഡ്‌​ക്‌ സി​ഇ​ഒ ജ​ല​സേ​ച​ന വ​കു​പ്പി​ന് കൈ​മാ​റു​ക​യും ചെ​യ്ത‌ി​ട്ടു​ണ്ട്. പു​തി​യ സാ​ഹ​ച​ര്യ​ത്തി​ൽ വ​കു​പ്പ് താ​ത്പ​ര്യ​പ​ത്രം ക്ഷ​ണി​ച്ച് എ​ത്ര​യും വേ​ഗം മാ​സ്റ്റ​ർ പ്ലാ​നി​ന് അം​ഗീ​കാ​രം ല​ഭ്യ​മാ​ക്കു​മെ​ന്നാ​ണ് ക​രു​തു​ന്ന​ത്.

കാ​ഞ്ഞി​ര​പ്പു​ഴ​യു​ടെ പ്ര​കൃ​തി​സൗ​ന്ദ​ര്യ​വും വി​നോ​ദ​സ​ഞ്ചാ​രി​ക​ളു​ടെ വ​ർ​ധ​ന​വും ക​ണ​ക്കി​ലെടു​ത്താ​ണ് പു​തി​യ പ​ദ്ധ​തി​യു​മാ​യി അ​ധി​കൃ​ത​ർ മു​ന്നോ​ട്ടു പോ​കു​ന്ന​ത്. സ്വ​കാ​ര്യ പ​ങ്കാളി​ത്ത​ത്തോ​ടെ​യു​ള്ള വി​നോ​ദ​സ​ഞ്ചാ​ര വി​ക​സ​നം സാ​ധ്യ​മാ​കു​ന്ന ത​ര​ത്തി​ലു​ള്ള പു​തി​യ ന​യം ജ​ല​സേ​ച​ന വ​കു​പ്പി​ന്‍റെ ഡാ​മു​ക​ളോ​ട് ചേ​ർ​ന്ന് കി​ട​ക്കു​ന്ന സ്ഥ​ല​ങ്ങ​ളും മ​റ്റ് ഉ​പ​യോ​ഗ ശൂ​ന്യ​മാ​യ സ്ഥ​ല​ങ്ങ​ളും വി​നോ​ദ സ​ഞ്ചാ​ര കേ​ന്ദ്ര​മാ​യി മാ​റാ​നും വ​ഴി​യൊ​രു​ക്കും. കാ​ഞ്ഞി​ര​പ്പു​ഴ ഡാം ​ഉ​ദ്യാ​ന​ത്തി​ന് ഇ​രു​വ​ശ​ത്തും ജ​ല​സേ​ച​ന വ​കു​പ്പ് ഓ​ഫീസ് പ​രി​സ​ര​ത്തു​മാ​യി ഏ​ക​ദേ​ശം അ​മ്പ​ത് ഏ​ക്ക​റോ​ളം സ്ഥ​ല​മാ​ണ് വെ​റു​തെ കി​ട​ക്കു​ന്ന​ത്.

ഇ​വി​ട​ങ്ങ​ളി​ലെ​ല്ലാം പ​ദ്ധ​തി​ക​ൾ വ​ന്നാ​ൽ ഉ​ദ്യാ​ന​ത്തി​ന്‍റെ മു​ഖ​ച്ഛാ​യ ത​ന്നെ മാ​റും. നി​ല​വി​ൽ ഒ​മ്പതേ​ക്ക​റോ​ളം സ്ഥ​ല​ത്താ​ണ് ഉ​ദ്യാ​നം സ്ഥി​തി ചെ​യ്യു​ന്ന​ത്. കെ. ​ശാ​ന്ത​കു​മാ​രി എം​എ​ൽ​എ ചെ​യ​ർ​മാ​നും, ജി​ല്ലാ ക​ളക്ട​ർ ഡോ. ​എ​സ്. ചിത്ര എൻജി​നീ​യ​ർ സെ​ക്ര​ട്ട​റി​യു​മാ​യു​ള്ള മാ​നേ​ജ്മെ​ന്‍റ് ക​മ്മി​റ്റി​യാ​ണ് ഉ​ദ്യാ​ന​പ്ര​വ​ർത്ത​നം ഏ​കോ​പി​പ്പി​ക്കു​ന്ന​ത്.