വൈ​പ്പി​ൻ: കു​ടി​വെ​ള്ളം കി​ട്ടാ​ക്ക​നിയാ​യ​തോ​ടെ മ​ഞ്ഞ​ന​ക്കാ​ട് നിവാസികൾ വാ​ട്ട​ർ അ​ഥോറിറ്റി ഓ​ഫീ​സ് വ​ള​ഞ്ഞ് കു​ത്തി​യിരു​പ്പ് സ​മ​രം ന​ട​ത്തി. ഞാ​റ​ക്ക​ൽ പ​ഞ്ചാ​യ​ത്തി​ലെ മ​ഞ്ഞ​ന​ക്കാ​ട് കി​ഴ​ക്കേ അ​പ്പ​ങ്ങാ​ട് പ്ര​ദേ​ശ​ത്തെ വീ​ട്ട​മ്മ​മാ​രും കു​ട്ടി​ക​ളും അ​ട​ക്ക​മു​ള്ള​വരാണ് മാ​ലി​പ്പു​റ​ത്തെ ഓ​ഫീ​സിനു മുന്നിൽ സമരം നടത്തിയത്.

ക​ഴി​ഞ്ഞ മൂ​ന്നാ​ഴ്ച​യാ​യി ഇ​വിടേക്ക് കു​ടി​വെ​ള്ളം എത്തുന്നി​ല്ലെന്ന് ഇവർ ആരോപിക്കുന്നു. തു​ട​ർ​ന്ന് പ​ഞ്ചാ​ത്തം​ഗ​മാ​യ എ​ൻ.​എ. ജോ​ർ​ജിന്‍റെ നേ​തൃ​ത്വ​ത്തി​ൽ രാ​വി​ലെ 9.30 ആ​രം​ഭി​ച്ച സ​മ​രം വാ​ട്ട​ർ അ​ഥോ​റി​ട്ടി എ​ക്സി​ക്യൂ​ട്ടീ​വ് എ​ൻ​ജി​നീ​യ​ർ അ​ട​ക്ക​മു​ള്ള​വ​രുമായി ച​ർ​ച്ച ന​ട​ത്തി ഉ​റ​പ്പു​ക​ൾ ന​ൽ​കി​യ​തി​നെ തു​ട​ർ​ന്നാ​ണ് പി​ൻ​വ​ലി​ച്ച​ത്. ഉ​ൾ​പ്ര​ദേ​ശ​ങ്ങ​ളി​ലെ ലൈ​നു​ക​ളി​ൽ ത​ട​സ​ങ്ങ​ളി​ല്ലെ​ന്നാ​ണ് പ​രി​ശോ​ധ​ന​യി​ൽ ക​ണ്ടെ​ത്തി​യ​ത്. അ​തേ​സ​മ​യം മ​ഞ്ഞ​ന​ക്കാ​ട് ക​ലു​ങ്കിന​ടി​യി​ൽ ക​ണ്ടെ​ത്തി​യ ത​ക​രാ​ർ പ​രി​ഹ​രി​ച്ചു. ഇ​ന്ന് ഉ​ച്ച​യ്ക്കു ശേ​ഷം വെ​ള്ളമെത്തിയില്ലെങ്കിൽ ടാ​ങ്ക​റി​ൽ വെ​ള്ള​മെ​ത്തി​ച്ച് പൈ​പ്പ് ലൈ​നി​ലേ​ക്ക് പ​മ്പു ചെ​യ്യാ​മെ​ന്നും, ശേ​ഷം മെ​യി​ൻ റോ​ഡി​ൽനി​ന്നും മ​ഞ്ഞ​ന​ക്കാ​ട്ടേ​ക്ക് വെ​ള്ളം ക​ട​ത്തി​വി​ടു​ന്ന ഭാ​ഗം തു​റ​ന്ന് പ​രി​ശോ​ധി​ക്കാ​മെ​ന്നുമാണ് അ​ധി​കൃ​തരുടെ ഉ​റ​പ്പ്.

കൂ​ടാ​തെ പെ​രു​മ്പി​ള്ളി​യി​ൽ എ​ത്തിനി​ൽ​ക്കു​ന്ന ഹ​ഡ്കോ ​ലൈ​നി​ൽ നി​ന്ന് അ​പ്പ​ങ്ങാ​ട് ക​നാ​ലി​ലൂ​ടെ മ​ഞ്ഞ​ന​ക്കാ​ട്ടേ​ക്ക് ഒ​രു ഇ​ന്‍റ​ർ​ലി​ങ്ക് ക​ണ​ക്ഷ​ൻ ന​ൽ​കാ​മെ​ന്നും ധാ​ര​ണ​യു​ണ്ട്. നാ​യ​ര​മ്പ​ലം ബൂ​സ്റ്റ​ർ പ​മ്പു ഹൗ​സി​ലും, പ​റ​വൂ​ർ പ​മ്പ് ഹൗ​സി​ലും ര​ണ്ടു മ​ണി​ക്കൂ​ർ ഇ​ട​വി​ട്ട് മ​ർ​ദ്ദം പ​രി​ശോ​ധി​ച്ച് ഫ​ലം വാ​ർ​ഡ് മെ​മ്പ​ർ​ക്ക് കൈ​മാ​റാ​മെ​ന്നും ഉ​റ​പ്പു ന​ൽ​കി​യ​തി​ന് ശേ​ഷ​മാ​ണ് സ​മ​ര​ക്കാ​ർ പി​രി​ഞ്ഞു പോ​യ​ത്.