ആ​സാം സ്വ​ദേ​ശി​യു​ടേ​ത് കൊ​ല​പാ​ത​ക​മെ​ന്ന് പോ​സ്റ്റു​മോ​ർ​ട്ടം റി​പ്പോ​ർ​ട്ട്
Wednesday, October 9, 2024 8:25 AM IST
മൂ​വാ​റ്റു​പു​ഴ: മു​ട​വൂ​ർ ത​വ​ള​ക്ക​വ​ല​യി​ൽ ഇ​ത​ര സം​സ്ഥാ​ന തൊ​ഴി​ലാ​ളി​യെ മ​രി​ച്ചനി​ല​യി​ൽ ക​ണ്ടെ​ത്തി​യ​ത് കൊ​ല​പാ​ത​ക​മെ​ന്ന് പോ​സ്റ്റു​മോ​ർ​ട്ടം റി​പ്പോ​ർ​ട്ട്. ആ​സാം സ്വ​ദേ​ശി ബാ​ബു​ൾ ഹു​സൈ(40)​നെ​യാ​ണ് ഇ​ന്ന​ലെ ത​വ​ള​ക്ക​വ​ല കൊ​ച്ചു​കു​ടി​യി​ൽ തോ​മ​സ് പോ​ളി​ന്‍റെ ഉ​ട​മ​സ്ഥ​ത​യി​ലു​ള്ള വീ​ടി​ന്‍റെ ടെ​റ​സി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ​ത്.

വീ​ടി​ന്‍റെ ഔ​ട്ട് ഹൗ​സി​ൽ താ​മ​സി​ച്ചി​രു​ന്ന ബാ​ബു​ളി​നെ തോ​മ​സി​ന്‍റെ സ​ഹോ​ദ​ര​ൻ വ​ർ​ഗീ​സാ​ണ് മ​രി​ച്ചനി​ല​യി​ൽ ക​ണ്ട​ത്. മ​രി​ച്ച ബാ​ബു​ളി​ന്‍റെ ഭാ​ര്യ​യും, ഭാ​ര്യ സ​ഹോ​ദ​രി​യും, കു​ട്ടി​യു​മാ​ണ് ഇ​വി​ടെ താ​മ​സി​ച്ചി​രു​ന്ന​ത്. മൃ​ത​ദേ​ഹ​ത്തി​ന് അ​ഞ്ചു ദി​വ​സ​ത്തി​ന​ടു​ത്ത് പ​ഴ​ക്ക​മു​ണ്ട്. ആ​ളെ തി​രി​ച്ച​റി​യാ​ൻ സാ​ധി​ക്കാ​ത്ത നി​ല​യി​ൽ പു​ഴു​വ​രി​ച്ച നി​ല​യി​ലു​മാ​യി​രു​ന്നു.


അ​സ്വാ​ഭാ​വി​ക മ​ര​ണ​ത്തെ തു​ട​ർ​ന്ന് ക​ള​മ​ശേ​രി മെ​ഡി​ക്ക​ൽ കോ​ള​ജി​ലാ​ണ് പോ​സ്റ്റ്മോ​ർ​ട്ടം ന​ട​ത്തി​യ​ത്. ബാ​ബു​ളി​ന്‍റെ മ​ര​ണ​ത്തെ തു​ട​ർ​ന്ന് ഭാ​ര്യ അ​ട​ക്ക​മു​ള്ള ബ​ന്ധു​ക്ക​ളെ കാ​ണാ​നി​ല്ലാ​യി​രു​ന്നു. ഇ​വ​ർ​ക്കാ​യി പോ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി.