ബി​വ​റേ​ജ് പ​രി​സ​ര​ത്ത് അ​ന​ധി​കൃ​ത പാ​ർ​ക്കിം​ഗ്; വഴിമുട്ടി യാത്രക്കാർ
Wednesday, September 18, 2024 3:48 AM IST
പോ​ത്താ​നി​ക്കാ​ട്: ബി​വ​റേ​ജ് കോ​ർ​പ്പ​റേ​ഷ​ന്‍റെ പോ​ത്താ​നി​ക്കാ​ടു​ള്ള ഔ​ട്ട്‌‌‌‌​ലെ​റ്റി​ന്‍റെ പ​രി​സ​ര​ത്തു​ള്ള അ​ന​ധി​കൃ​ത വാ​ഹ​ന പാ​ർ​ക്കിം​ഗ് ഗ​താ​ഗ​ത ത​ട​സം സൃ​ഷ്ടി​ക്കു​ന്നു. തി​ര​ക്കേ​റി​യ ക​ക്ക​ടാ​ശേ​രി - കാ​ളി​യാ​ർ റോ​ഡ​രി​കി​ൽ സ​ർ​ക്കാ​ർ ആ​ശു​പ​ത്രി ക​വ​ല​യ്ക്കും പ​ന്പ് ക​വ​ല​യ്ക്കും മ​ധ്യേ​യാ​ണ് വി​ദേ​ശ​മ​ദ്യ ചി​ല്ല​റ വി​ൽ​പ്പ​ന​ശാ​ല പ്ര​വ​ർ​ത്തി​ക്കു​ന്ന​ത്.

എം​വി​ഐ​പി വ​ല​തു​ക​ര ക​നാ​ൽ ക്രോ​സ് ചെ​യ്യു​ന്ന ഈ ​ക​വ​ല​യി​ൽ പ്ര​വ​ർ​ത്തി ദി​വ​സ​ങ്ങ​ളി​ൽ രാ​വി​ലെ 9.30 മു​ത​ൽ വാ​ഹ​ന​ങ്ങ​ളു​ടേ​യും ജ​ന​ങ്ങ​ളു​ടെ​യും തി​ര​ക്കു​കൂ​ടും. രാ​ത്രി 8.30വ​രെ​യു​ള്ള വാ​ഹ​ന​ങ്ങ​ളു​ടെ തി​ര​ക്കി​നി​ട​യി​ൽ മ​ദ്യം വാ​ങ്ങു​വാ​ൻ വ​രു​ന്ന​വ​രു​ടെ നീ​ണ്ട​നി​ര​യും പ​തി​വാ​ണ്.

മ​ദ്യ​വി​ൽ​പ്പ​ന​ശാ​ല​യോ​ട​നു​ബ​ന്ധി​ച്ച് ചെ​റു​ക​ടി​ക​ള​ട​ക്കം മ​റ്റു പ​ല​ത​ര​ത്തി​ലു​ള്ള ക​ച്ച​വ​ട​ങ്ങ​ളും ഇ​വി​ടെ പൊ​ടി​പൊ​ടി​ക്കു​ന്നു​ണ്ട്. ലോ​ട്ട​റി​ക​ച്ച​വ​ട​ക്കാ​രും പ​ച്ച​മീ​ൻ വി​ൽ​പ്പ​ന​ക്കാ​രും തു​ട​ങ്ങി കൈ​നോ​ട്ട​ക്കാ​ർ വ​രെ വി​ഹാ​ര കേ​ന്ദ്ര​മാ​ക്കി​മാ​റ്റി​യി​രി​ക്കു​ക​യാ​ണി​വി​ടെ.

റോ​ഡി​ന്‍റെ ഇ​രു​വ​ശ​ങ്ങ​ളി​ലു​മാ​യി ത​ല​ങ്ങും വി​ല​ങ്ങും വാ​ഹ​ന​ങ്ങ​ൾ പാ​ർ​ക്കു ചെ​യ്യു​ന്ന​തു​മൂ​ലം പ​ല​പ്പോ​ഴും ദീ​ർ​ഘ​നേ​രം ഗ​താ​ഗ​ത ത​ട​സ​മു​ണ്ടാ​കും. മ​ദ്യ​ശാ​ല​യ്ക്ക് അ​വ​ധി​യു​ള്ള​തി​ന്‍റെ ത​ലേ​ദി​വ​സ​മാ​ണ് തി​ര​ക്ക് ഏ​റ്റ​വും കൂ​ടു​ത​ലാ​യി അ​നു​ഭ​വ​പ്പെ​ടു​ന്ന​ത്. വൈ​കു​ന്നേ​ര​ങ്ങ​ളി​ൽ പ​ട്രോ​ളിം​ഗി​നു വ​രു​ന്ന പോ​ലീ​സു​കാ​ർ മ​ദ്യ​പ​രെ ഊ​തി​ക്കു​ക​യും ഹെ​ൽ​മ​റ്റ്, സീ​റ്റ് ബ​ൽ​റ്റ് തു​ട​ങ്ങി​യ പ​രി​ശോ​ധ​ന​ക​ൾ ന​ട​ത്താ​റു​ണ്ടെ​ങ്കി​ലും അ​ശാ​സ്ത്രീ​യ​മാ​യ പാ​ർ​ക്കിം​ഗ് ഗൗ​നി​ക്കാ​റി​ല്ലെ​ന്നാ​ണ് പ​രാ​തി ഉ​യ​ർ​ന്നി​രി​ക്കു​ന്ന​ത്.


ദി​വ​സേ​ന ശ​രാ​ശ​രി 15 ല​ക്ഷം രൂ​പ​യു​ടെ വി​ൽ​പ്പ​ന ന​ട​ക്കു​ന്ന ഈ ​വി​ദേ​ശ മ​ദ്യ​ശാ​ല ഇ​വി​ടെ​നി​ന്നും മാ​റ്റ​ണ​മെ​ന്നാ​വ​ശ്യ​പ്പെ​ട്ട് ഭ​ക്ത​സം​ഘ​ട​ന​ക​ളും മ​ദ്യ​വി​രു​ദ്ധ സ​മി​തി​ക​ളും നി​ര​വ​ധി പ്ര​ക്ഷോ​ഭ​ങ്ങ​ൾ ന​ട​ത്തി​യി​ട്ടു​ണ്ട്. അ​ധി​കൃ​ത​ർ അ​നു​കൂ​ല സ​മീ​പ​നം സ്വീ​ക​രി​ക്കാ​ത്ത​തു​മൂ​ലം മ​ദ്യ​ശാ​ല ഇ​പ്പോ​ഴും ഇ​വി​ടെ​ത്ത​ന്നെ തു​ട​രു​ക​യാ​ണ്.

വി​ദേ​ശ മ​ദ്യ വി​ൽ​പ്പ​ന​ശാ​ല തി​ര​ക്കു കു​റ​ഞ്ഞ മ​റ്റേ​തെ​ങ്കി​ലും ഭാ​ഗ​ത്തേ​യ്ക്കു മാ​റ്റു​ക​യോ, അ​ശാ​സ്ത്രീ​യ​മാ​യ വാ​ഹ​ന പാ​ർ​ക്കിം​ഗ് നി​രോ​ധി​ക്കു​ക​യോ ചെ​യ്യു​ന്ന​തി​ന് അ​ധി​കൃ​ത​ർ ത​യാ​റാ​ക​ണ​മെ​ന്നാ​ണ് ജ​ന​ങ്ങ​ളു​ടെ ആ​വ​ശ്യം.