ഒ​റ്റ​യ്ക്ക് താ​മ​സി​ക്കു​ന്ന​വ​രു​ടെ വീ​ടു​ക​ൾ പോ​ലീ​സ് നി​രീ​ക്ഷിക്കുന്നു
Sunday, July 14, 2024 4:53 AM IST
ആ​ലു​വ: വീ​ടു​ക​ളി​ൽ ഒ​റ്റ​യ്ക്ക് താ​മ​സി​ക്കു​ന്ന​വ​രു​ടെ വി​വ​ര​ങ്ങ​ൾ ജി​ല്ല​യി​ലെ റ​സി​ഡ​ന്‍റ്സ് അ​സോ​സി​യേ​ഷ​നു​ക​ളു​ടെ സ​ഹാ​യ​ത്തോ​ടെ പോ​ലീ​സ് ശേ​ഖ​രി​ക്കു​ന്നു. ഇ​ത്ത​രം വീ​ടു​ക​ൾ കേ​ന്ദ്രീ​ക​രി​ച്ച് ന​ട​ക്കു​ന്ന കു​റ്റ​കൃ​ത്യ​ങ്ങ​ൾ ത​ട​യാ​നാ​യി പ്ര​ത്യേ​ക നി​രീ​ക്ഷ​ണ സം​വി​ധാ​നം ഒ​രു​ക്കാ​നാ​ണ് വി​വ​ര​ശേ​ഖ​ര​ണ​മെ​ന്ന് റൂ​റ​ൽ എ​സ്പി അ​റി​യി​ച്ചു.

ആ​ലു​വ​യി​ൽ ജി​ല്ലാ പോ​ലീ​സ് മേ​ധാ​വി വി​ളി​ച്ചു ചേ​ർ​ത്ത റ​സി​ഡ​ന്‍റ്സ് അ​സോ​സി​യേ​ഷ​നു​ക​ളു​ടെ ജി​ല്ലാ​ത​ല യോ​ഗ​ത്തി​ലാ​ണ് ഈ ​തീ​രു​മാ​നം. നി​ര​വ​ധി കേ​സു​ക​ളി​ൽ സി​സി​ടി​വി ദൃ​ശ്യ​ങ്ങ​ൾ നി​ർ​ണാ​യ​ക​മാ​യ​തി​നാ​ൽ കൂ​ടു​ത​ൽ നി​രീ​ക്ഷ​ണ കാ​മ​റ​ക​ൾ അ​സോ​സി​യേ​ഷ​നു​ക​ൾ സ്ഥാ​പി​ക്കാ​നും യോ​ഗ​ത്തി​ൽ തീ​രു​മാ​ന​മാ​യി.


സൈ​ബ​ർ ത​ട്ടി​പ്പ്, മ​യ​ക്ക് മ​രു​ന്ന് വ്യാ​പ​നം എ​ന്നി​വ​ക്കെ​തി​രെ ബോ​ധ​വ​ൽ​ക്ക​ര​ണ പ്ര​വ​ർ​ത്ത​ന​ങ്ങ​ൾ ന​ട​ത്തും. ക​ലാ​ല​യ​ങ്ങ​ളി​ലും വി​ദ്യാ​ല​യ​ങ്ങ​ളി​ലും സ്ഥാ​പി​ച്ചി​ട്ടു​ള്ള പ​രാ​തി​പ്പെ​ട്ടി കൂ​ടു​ത​ൽ സ്ഥ​ല​ങ്ങ​ളി​ലേ​ക്ക് വ്യാ​പി​പ്പി​ക്കാ​നും യോ​ഗം തീ​രു​മാ​നി​ച്ചു.

ജി​ല്ലാ പോ​ലീ​സ് മേ​ധാ​വി വൈ​ഭ​വ് സ​ക്സേ​ന, എ​എ​സ്പി, ഡി​വൈ​എ​സ്പിമാ​ർ തു​ട​ങ്ങി​യ​വ​രും യോ​ഗ​ത്തി​ൽ പ​ങ്കെ​ടു​ത്തു.