ന​ഷ്ട​പ്പെ​ട്ട മൊ​ബൈ​ല്‍ തി​രി​കെ കി​ട്ടി, വി​ദേ​ശ​ത്ത് പോ​കാ​നി​രു​ന്ന ന​ഴ്സി​ന് ജീ​വി​ത​വും
Sunday, July 14, 2024 4:31 AM IST
കൊ​ച്ചി: ന​ഷ്ട​പ്പെ​ട്ട മൊ​ബൈ​ല്‍​ഫോ​ണ്‍ തി​രി​കെ കി​ട്ടി​യ​പ്പോ​ൾ ദി​വ്യ​യു​ടെ സ​ന്തോ​ഷ​ത്തി​ന് അ​തി​രി​ല്ലാ​യി​രു​ന്നു. ര​ണ്ടാ​ഴ്ച​യ്ക്ക​കം ന്യൂ​സി​ലാ​ൻ​ഡി​ലേ​ക്ക് പോ​കാ​നി​രി​ക്കു​ന്ന തൃ​ശൂ​ർ സ്വ​ദേ​ശി​നി ദി​വ്യ തി​ല​ക​ന്‍റെ ജോ​ലി സം​ബ​ന്ധ​മാ​യ സ​ക​ല രേ​ഖ​ക​ളും ഈ ​ഫോ​ണി​ലാ​ണ് സൂ​ക്ഷി​ച്ചി​രു​ന്ന​ത്.

പോ​ലീ​സി​ൽ ന​ല്കി​യ പ​രാ​തി​യെ തു​ട​ർ​ന്ന് അ​ന്വേ​ഷ​ണം ന​ട​ക്കു​ന്ന​തി​നി​ടെ ഇ​വ​ർ സ​ഞ്ച​രി​ച്ച ഓ​ട്ടോ​റി​ക്ഷ​യി​ൽ നി​ന്നും ല​ഭി​ച്ച ഫോ​ൺ ഓ​ട്ടോ​ഡ്രൈ​വ​ർ പോ​ലീ​സ് സ്റ്റേ​ഷ​നി​ൽ എ​ൽ​പ്പി​ക്കു​ക​യാ​യി​രു​ന്നു.

മാ​താ​പി​താ​ക്ക​ള്‍​ക്കൊ​പ്പം കൊ​ച്ചി​യി​ല്‍ ഷോ​പ്പിം​ഗി​നാ​യി വ​ന്ന​പ്പോ​ഴാ​ണ് വെ​ള്ളി​യാ​ഴ്ച വൈ​കു​ന്നേ​രം ആ​റോ​ടെ ദി​വ്യ​യു​ടെ മൊ​ബൈ​ൽ ഫോ​ൺ ന​ഷ്ട​മാ​യ​ത്. അ​ബു​ദാ​ബി​യി​ല്‍ ന​ഴ്‌​സാ​യി​രു​ന്ന ദി​വ്യ ര​ണ്ടാ​ഴ്ച​യ്ക്ക​കം ന്യൂ​സി​ലാ​ന്‍​ഡി​ലെ ആ​ശു​പ​ത്രി​യി​ല്‍ ജോ​ലി​യി​ല്‍ പ്ര​വേ​ശി​ക്കാ​നി​രി​ക്കു​ക​യാ​യി​രു​ന്നു.

ആ​ശു​പ​ത്രി​യി​ല്‍ നി​ന്ന് ല​ഭി​ച്ച അ​റി​യി​പ്പ് ഉ​ള്‍​പ്പെ​ടെ​യു​ള്ള രേ​ഖ​ക​ളും മ​റ്റ് വി​വ​ര​ങ്ങ​ളു​മെ​ല്ലാം ഈ ​ഫോ​ണി​ലാ​ണ് സൂ​ക്ഷി​ച്ചി​രു​ന്ന​ത്. ഷോ​പ്പിം​ഗി​നു ശേ​ഷം കെ​എ​സ്ആ​ര്‍​ടി​സി ബ​സി​ല്‍ ക​യ​റി ഇ​രി​ക്കു​ന്പോ​ഴാ​ണ് ഫോ​ണ്‍ ന​ഷ്ട​മാ​യ വി​വ​രം യു​വ​തി അ​റി​യു​ന്ന​ത്. പ​രി​ഭ്രാ​ന്ത​യാ​യ യു​വ​തി​യും കു​ടും​ബ​വും ഉ​ട​ന്‍ എ​റ​ണാ​കു​ളം സെ​ന്‍​ട്ര​ല്‍ പോ​ലീ​സി​ല്‍ വി​വ​രം അ​റി​യി​ച്ചു.


മേ​ന​ക​യി​ല്‍ നി​ന്ന് കെ​എ​സ്ആ​ര്‍​ടി​സി ബ​സ് സ്റ്റാ​ന്‍​ഡി​ലേ​ക്ക് ഓ​ട്ടോ​റി​ക്ഷ​യി​ലാ​ണ് യു​വ​തി​യും കു​ടും​ബ​വും എ​ത്തി​യ​ത്. തു​ട​ര്‍​ന്ന് എ​റ​ണാ​കു​ളം സെ​ന്‍​ട്ര​ല്‍ പോ​ലീ​സ് ഇ​ന്‍​സ്പെ​ക്ട​ര്‍ സി. ​അ​നൂ​പി​ന്‍റെ നേ​തൃ​ത്വ​ത്തി​ല്‍ എ​എ​സ്‌​ഐ യു.​കെ. സു​രേ​ഷ്, സി​പി​ഒ ആ​ന്‍റ​ണി എ​ന്നി​വ​ര്‍ ഫോ​ണി​നാ​യു​ള്ള അ​ന്വേ​ഷ​ണം ആ​രം​ഭി​ച്ചു.

ഫോ​ണി​ന്‍റെ ലൊ​ക്കേ​ഷ​ന്‍ എ​ടു​ത്ത​പ്പോ​ള്‍ വ​ല്ലാ​ര്‍​പാ​ട​മാ​ണ് കാ​ണി​ച്ച​ത്. അ​ന്വേ​ഷ​ണം ന​ട​ക്കു​ന്ന​തി​നി​ടെ ഓ​ട്ടോ ഡ്രൈ​വ​റാ​യ വ​ല്ലാ​ര്‍​പാ​ടം സ്വ​ദേ​ശി ജ​യ​കു​മാ​ര്‍ ത​ന്‍റെ ഓ​ട്ടോ​റി​ക്ഷ​യി​ല്‍ നി​ന്നും ക​ണ്ടെ​ത്തി​യ ഫോ​ണു​മാ​യി എ​റ​ണാ​കു​ളം സെ​ന്‍​ട്ര​ല്‍ പോ​ലീ​സ് സ്റ്റേ​ഷ​നി​ലെ​ത്തി.

ഓ​ട്ടം ക​ഴി​ഞ്ഞ് വീ​ട്ടി​ലെ​ത്തി​യ ജ​യ​കു​മാ​ര്‍ മ​ക​ളു​മാ​യി ഓ​ട്ടോ​യി​ല്‍ പു​റ​ത്തേ​ക്കു പോ​ക​വേ​യാ​ണ് ശ​ബ്ദം കു​റ​ച്ചി​ട്ടി​രു​ന്ന ഫോ​ണ്‍ മ​ക​ളു​ടെ ശ്ര​ദ്ധ​യി​ല്‍​പ്പെ​ട്ട​ത്. ഇ​തി​നി​ടെ പോ​ലീ​സ് ആ ​ന​മ്പ​റി​ലേ​ക്ക് പ​ല ത​വ​ണ ബ​ന്ധ​പ്പെ​ട്ടി​രു​ന്നു. പോ​ലീ​സി​ന്‍റെ സാ​ന്നി​ധ്യ​ത്തി​ല്‍ ദി​വ്യ​യ്ക്ക് ഫോ​ണ്‍ കൈ​മാ​റി.