നെ​ടു​ങ്ക​ണ്ടം: ഇ​ടു​ക്കി രൂ​പ​താ ദി​നാ​ച​ര​ണ​ത്തി​ന് പ്രൗ​ഢോ​ജ്വ​ല​മാ​യ പ​രി​സ​മാ​പ്തി. നൂ​റു​ക​ണ​ക്കി​ന് വി​ശ്വാ​സി​ക​ളു​ടെ പ​ങ്കാ​ളി​ത്ത​ത്തോ​ടെ ന​ട​ത്തി​യ സ​മൂ​ഹ ബ​ലി​യോ​ടും പൊ​തു​സ​മ്മേ​ള​ന​ത്തോ​ടും കൂ​ടി​യാ​ണ് രൂ​പ​താ ദി​നം സ​മാ​പി​ച്ച​ത്. സ​മൂ​ഹ​ബ​ലി​ക്ക് മു​ന്നോ​ടി​യാ​യി നെ​ടു​ങ്ക​ണ്ടം സെ​ന്‍റ് സെ​ബാ​സ്റ്റ്യ​ൻ​സ് ഹ​യ​ർ സെ​ക്ക​ൻ​ഡ​റി സ്കൂ​ൾ ഓ​ഡി​റ്റോ​റി​യ​ത്തി​ൽനി​ന്നും ആ​രം​ഭി​ച്ച പ്ര​ദ​ക്ഷി​ണം ശ്ര​ദ്ധേ​യ​മാ​യി.

മാ​ലാ​ഖ വേ​ഷ​ധാ​രി​ക​ളാ​യ കു​ട്ടി​ക​ളു​ടെ​യും അ​ൾ​ത്താ​ര ബാ​ല​സം​ഘ​ത്തി​ന്‍റെ​യും അ​ക​ന്പ​ടി​യോ​ടെ മെ​ത്രാ​ൻ​മാ​രും വൈ​ദി​ക​രും ദേ​വാ​ല​യ​ത്തി​ൽ എ​ത്തി​ച്ചേ​ർ​ന്നു.

രൂ​പ​താ മെ​ത്രാ​ൻ മാ​ർ ജോ​ണ്‍ നെ​ല്ലി​ക്കു​ന്നേ​ൽ സ​മൂ​ഹ​ബ​ലി​ക്ക് മു​ഖ്യ കാ​ർ​മി​ക​ത്വം വ​ഹി​ച്ചു.
വി​ശു​ദ്ധ കു​ർ​ബാ​ന​യി​ൽ ജ​ഗ​ദ​ൽ​പുർ രൂ​പ​താ മെ​ത്രാ​ൻ മാ​ർ ജോ​സ​ഫ് കൊ​ല്ലം​പ​റ​ന്പി​ലും രൂ​പ​ത​യി​ലെ മു​ഴു​വ​ൻ വൈ​ദി​ക​രും സ​ഹ​കാ​ർ​മി​ക​രാ​യി. സ​മ​ർ​പ്പി​ത സ​മൂ​ഹ​ങ്ങ​ളു​ടെ സു​പ്പീ​രി​യ​ർ​മാ​രും അ​ത്മാ​യ പ്ര​തി​നി​ധി​ക​ളും ജ​ന​പ്ര​തി​നി​ധി​ക​ളും രൂ​പ​താ ദി​ന​ത്തി​ൽ പ​ങ്കാ​ളി​ക​ളാ​യി.