നെ​ടു​ങ്ക​ണ്ടം: ത​ല​ച്ചോ​റി​ലേ​ക്കു​ള്ള ഞ​ര​മ്പി​ല്‍ കു​മി​ള​ക​ള്‍ രൂ​പ​പ്പെ​ട്ട് പൊ​ട്ടു​ന്ന അ​പൂ​ര്‍​വ രോ​ഗം ബാ​ധി​ച്ച യു​വാ​വി​ന്‍റെ ചി​കി​ത്സ​യ്ക്കാ​യി നാ​ട് കൈ​കോ​ര്‍​ത്ത​പ്പോ​ള്‍ ഒ​രു ദി​വ​സം കൊ​ണ്ട് സ​മാ​ഹ​രി​ച്ച​ത് അ​ഞ്ച​ര ല​ക്ഷം രൂ​പ.

നോ​ണ്‍ സ്റ്റോപ്പ് ഗാ​ന​മേ​ള, ജ​ന​കീ​യ ലേ​ലം, വി​വി​ധ മ​ത്സ​ര​ങ്ങ​ള്‍, ആ​ക്രി ച​ല​ഞ്ച്, മ​റ്റു സം​ഭാ​വ​ന​ക​ള്‍ തു​ട​ങ്ങി​യ​വ​യി​ലൂ​ടെ​യാ​ണ് ഈ ​തു​ക സ​മാ​ഹ​രി​ച്ച​ത്. താ​ന്നി​മൂ​ട് കോ​യി​ക്കേ​രി വ​ട​ക്കേ​തി​ല്‍ ടി​ജി​ന്‍ തോ​മ​സി​നാ​യാ​ണ് ചി​കി​ത്സാസ​ഹാ​യ സ​മി​തി​യു​ടെ നേ​തൃ​ത്വ​ത്തി​ല്‍ വി​വി​ധ പ​രി​പാ​ടി​ക​ള്‍ സം​ഘ​ടി​പ്പി​ച്ച​ത്.

ടി​ജി​ന്‍റെ ഓ​പ്പ​റേ​ഷ​നു​വേ​ണ്ടി മാ​ത്രം 20 ല​ക്ഷ​ത്തോ​ളം രൂ​പ​യാ​ണ് ആ​വ​ശ്യം. ഈ ​തു​ക ക​ണ്ടെ​ത്തു​ന്ന​തി​നാ​യാ​ണ് ഗാ​ന​മേ​ള​യും മ​റ്റു പ​രി​പാ​ടി​ക​ളും സം​ഘ​ടി​പ്പി​ച്ച​ത്.

നെ​ടു​ങ്ക​ണ്ടം പ​ടി​ഞ്ഞാ​റേ​ക്ക​വ​ല​യി​ല്‍ ഞാ​യ​റാ​ഴ്ച രാ​വി​ലെ ഒ​മ്പ​തു മു​ത​ല്‍ വോ​യി​സ് ഓ​ഫ് ഇ​ടു​ക്കി​യു​ടെ 25ഓ​ളം ക​ലാ​കാ​ര​ന്‍​മാ​ര്‍ ന​ട​ത്തി​യ ഗാ​ന​മേ​ള​യ്ക്കി​ടെ സ​മി​തി​യു​ടെ നേ​തൃ​ത്വ​ത്തി​ല്‍ ന​ട​ത്തി​യ ബ​ക്ക​റ്റ് പി​രി​വി​ലൂ​ടെ 1,35,065 രൂ​പ ല​ഭി​ച്ചു. വൈ​കു​ന്നേ​രം താ​ന്നി​മൂ​ട് ന​വ​യു​ഗ ക്ല​ബ് സം​ഭാ​വ​ന ന​ല്‍​കി​യ പോ​ത്തി​നെ ലേ​ലം ചെ​യ്ത​തി​ലൂ​ടെ 2,10,000 രൂ​പ​യും ല​ഭി​ച്ചു. വൈ​കു​ന്നേ​രം ആ​റി​ന് ആ​രം​ഭി​ച്ച ലേ​ലം രാ​ത്രി 12ഓ​ടെ​യാ​ണ് സ​മാ​പി​ച്ച​ത്.

ക​ന​ത്ത മ​ഴ​യ്ക്കി​ട​യി​ലും വ​ലി​യ ആ​വേ​ശ​ത്തോ​ടെ​യാ​ണ് പ്ര​ദേ​ശ​വാ​സി​ക​ള്‍ ലേ​ല​ത്തി​ല്‍ പ​ങ്കെ​ടു​ത്ത​ത്. ര​ണ്ടു കോ​ഴി​ക​ളെ ലേ​ലം ചെ​യ്ത​തി​ലൂ​ടെ 44,000 രൂ​പ​യും ലോ​ട്ട​റി ലേ​ല​ത്തി​ലൂ​ടെ 8,400 രൂ​പ​യും സ്റ്റൗ ​ലേ​ലം ചെ​യ്ത​തി​ലൂ​ടെ 2,500 രൂ​പ​യും ല​ഭി​ച്ചു.

ഇ​തി​നി​ടെ താ​ന്നി​മൂ​ട് ട​ര്‍​ഫ് കോ​ര്‍​ട്ടി​ല്‍ ഈ​ഗി​ള്‍ ക്രി​ക്ക​റ്റ് ടീം ​ന​ട​ത്തി​യ മ​ത്സ​ര​ത്തി​ലൂ​ടെ ല​ഭി​ച്ച 26,300 രൂ​പ​യും, ടെ​ന്നീ​സ് ക്രി​ക്ക​റ്റ് ക്ല​ബ് സം​ഭാ​വ​ന ന​ല്‍​കി​യ 20,000 രൂ​പ​യും ചു​മ​ട്ടു​തൊ​ഴി​ലാ​ളി​ക​ളു​ടെ സം​ഭാ​വ​ന​യാ​യി 5,000 രൂ​പ​യും സ​ഹാ​യ സ​മി​തി ഭാ​ര​വാ​ഹി​ക​ള്‍​ക്ക് കൈ​മാ​റി.

ഒ​രാ​ഴ്ച​യാ​യി താ​ന്നി​മൂ​ട് ന​വ​യു​ഗ ആ​ര്‍​ട്‌​സ് ആ​ൻഡ് സ്‌​പോ​ര്‍​ട്‌​സ് ക്ല​ബി​ന്‍റെ നേ​തൃ​ത്വ​ത്തി​ല്‍ ടി​ജി​ന്‍റെ ചി​കി​ത്സ​യ്ക്കാ​യി ആ​ക്രി​ച്ച​ല​ഞ്ച്, ക​പ്പ വി​ല്‍​പ്പ​ന തു​ട​ങ്ങി​യ നി​ര​വ​ധി പ്ര​വ​ര്‍​ത്ത​ന​ങ്ങ​ള്‍ ന​ട​ത്തി​യി​രു​ന്നു.

ഇ​തി​ലൂ​ടെ ല​ഭി​ച്ച 1,00,000 രൂ​പ​യും കൈ​മാ​റി. 5,51,265 രൂ​പ​യാ​ണ് ഞാ​യ​റാ​ഴ്ച ന​ട​ത്തി​യ വി​വി​ധ പ​രി​പാ​ടി​ക​ളി​ലൂ​ടെ ടി​ജി​ന്‍ ചി​കി​ത്സാ സ​ഹാ​യ സ​മി​തി​ക്ക് ല​ഭി​ച്ച​ത്.

ഗാ​ന​മേ​ള പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ഡി. ​ജ​യ​കു​മാ​റും ജ​ന​കീ​യ ലേ​ലം മ​ര്‍​ച്ച​ന്‍റ്​സ് അ​സോ​സി​യേ​ഷ​ന്‍ പ്ര​സി​ഡന്‍റ് ആ​ര്‍. സു​രേ​ഷും ഉ​ദ്ഘാ​ട​നം ചെ​യ്തു. വി​വി​ധ രാ​ഷ്ട്രീ​യക​ക്ഷി നേ​താ​ക്ക​ള്‍, സ​ഹാ​യ​സ​മി​തി ഭാ​ര​വാ​ഹി​ക​ള്‍, ഗ്രാ​മ​പ​ഞ്ചാ​യ​ത്ത് അം​ഗ​ങ്ങ​ള്‍, വ്യാ​പാ​രി സം​ഘ​ട​നാ പ്ര​തി​നി​ധി​ക​ള്‍, ക്ല​ബ് ഭാ​ര​വാ​ഹി​ക​ള്‍ തു​ട​ങ്ങി​യ​വ​ർ പ​രി​പാ​ടി​ക​ള്‍​ക്ക് നേ​തൃ​ത്വം ന​ല്‍​കി.