തൊ​ടു​പു​ഴ: നി​യ​ന്ത്ര​ണം വി​ട്ട കാ​ർ മ​ര​ത്തി​ലി​ടി​ച്ച് വീ​ട്ട​മ്മ മ​രി​ച്ചു. ബ​ന്ധു​വാ​യ അ​ഭി​ഭാ​ഷ​ക​യ്ക്കും മ​ക​നും ഗു​രു​ത​ര​മാ​യി പ​രി​ക്കേ​റ്റു. കു​ട​യ​ത്തൂ​ർ ശ​രം​കു​ത്തി പ​ടി​പ്പു​ര​യ്ക്ക​ൽ പ​രേ​ത​നാ​യ റി​ട്ട.​ അ​ധ്യാ​പ​ക​ൻ പി.​വി.​ജോ​സ​ഫി​ന്‍റെ മ​ക​ളും റി​ട്ട.​ ഏ​ജി​സ് ഓ​ഫീ​സ​റു​മാ​യ മേ​രി ജോ​സ​ഫാ (രാ​ജ​മ്മ- 76) ണ് മ​രി​ച്ച​ത്.

മേ​രി​യു​ടെ സ​ഹോ​ദ​ര​ൻ പ​രേ​ത​നാ​യ ജോ​സ​ഫ് ആ​ർ.​ രാ​ജ​ന്‍റെ ഭാ​ര്യ അ​ഡ്വ.​ ഗ്രേ​സി കു​ര്യാ​ക്കോ​സ് (60), മ​ക​ൻ ടെ​ഡ് (29) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ഇ​ന്ന​ലെ പു​ല​ർ​ച്ചെ മൂ​ന്നോ​ടെ തൊ​ടു​പു​ഴ വെ​ങ്ങ​ല്ലൂ​ർ ഷാ​പ്പും​പ​ടി​യി​ലാ​യി​രു​ന്നു അ​പ​ക​ടം. നി​യ​ന്ത്ര​ണംവി​ട്ട കാ​ർ വ​ഴി​യോ​ര​ത്തെ മ​ര​ത്തി​ൽ ഇ​ടി​ച്ചു ക​യ​റു​ക​യാ​യി​രു​ന്നു. വാ​ഹ​ന​മോ​ടി​ച്ചി​രു​ന്ന ടെ​ഡ് ഉ​റ​ങ്ങി​പ്പോ​യ​താ​ണ് അ​പ​ക​ട​ത്തി​നി​ട​യാ​ക്കി​യ​തെ​ന്നാ​ണ് സൂ​ച​ന. പ​രി​ക്കേ​റ്റ​വ​രെ വെ​ങ്ങ​ല്ലൂ​രി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചെ​ങ്കി​ലും മേ​രി​യു​ടെ ജീ​വ​ൻ ര​ക്ഷി​ക്കാ​നാ​യി​ല്ല.

കോ​ത​മം​ഗ​ല​ത്തെ പ​ള്ളി​യി​ൽ ന​ട​ന്ന പെ​രു​ന്നാ​ൾ ആ​ഘോ​ഷ​ത്തി​ൽ പ​ങ്കെ​ടു​ക്കാ​ൻ പോ​യി മ​ട​ങ്ങിവ​രി​ക​യാ​യി​രു​ന്നു ഇ​വ​ർ. ബ​ന്ധുവീ​ട്ടി​ൽനി​ന്നും ഇ​ന്ന​ലെ പു​ല​ർ​ച്ചെ ത​ന്നെ വീ​ട്ടി​ലേ​യ്ക്കു തി​രി​ക്കു​ക​യാ​യി​രു​ന്നു. കാ​റി​ന്‍റെ മു​ൻ ഭാ​ഗം ത​ക​ർ​ന്നു. ബോ​ണ​റ്റി​ൽനി​ന്നും പു​ക ഉ​യ​ർ​ന്ന​തി​നെത്തു​ട​ർ​ന്ന് തൊ​ടു​പു​ഴ​യി​ൽനി​ന്നു​ള്ള അ​ഗ്നി​ര​ക്ഷാ സേ​ന സ്ഥ​ല​ത്തെ​ത്തി രക്ഷാപ്രവർത്തനം നടത്തി.

മേ​രി​യു​ടെ മൃ​ത​ദേ​ഹം തൊ​ടു​പു​ഴ ജി​ല്ലാ ആ​ശു​പ​ത്രി​യി​ൽ പോ​സ്റ്റു​മോ​ർ​ട്ട​ത്തി​നു ശേ​ഷം ബ​ന്ധു​ക്ക​ൾ​ക്ക് വി​ട്ടു കൊ​ടു​ത്തു. സം​സ്കാ​രം ഇ​ന്ന് വൈ​കു​ന്നേ​രം നാ​ലി​ന് മ​ല​ങ്ക​ര സെ​ന്‍റ് ആ​ൻ​ഡ്രൂ​സ് സി​എ​സ്ഐ പ​ള്ളി​യി​ൽ.