മ​ങ്കൊ​മ്പ്: കാ​വാ​ലം വി​ല്ലേ​ജ് ഓ​ഫീ​സി​ലെ താ​ത്കാ​ലി​ക ജീവനക്കാരിയെ മാ​നു​ഷി​ക പ​രി​ഗ​ണ​ന​ക​ളി​ല്ലാ​തെ ഒ​ഴി​വാ​ക്കി രാ​ഷ്ട്രീ​യ നി​യ​മ​ന​ങ്ങ​ള്‍ ന​ട​ത്താ​നു​ള്ള നീ​ക്കം വി​വാ​ദ​മാ​കു​ന്നു. 22 വ​ര്‍​ഷ​മാ​യി താ​ത്കാ​ലി​ക തൂ​പ്പു​കാ​രി​യാ​യി ജോ​ലി​ചെ​യ്തു വ​രു​ന്ന കാ​വാ​ലം കി​ഴ​ക്കേ​ ചേ​ന്നങ്കരി സ്വ​ദേ​ശി ലി​ല്ലി​ക്കു​ട്ടി സെ​ബാ​സ്റ്റ്യ​നെ ആ​സൂ​ത്രി​ത നീ​ക്ക​ങ്ങ​ളി​ലൂ​ടെ പു​റ​ത്താ​ക്കി​യ​താ​യാ​ണ് പ​രാ​തി. പ​ക​രം സി​ഡി​എ​സ് നേ​താ​വി​ന്‍റെ അ​ടു​ത്ത ബ​ന്ധു​വി​നെ​യാ​ണ​ത്രേ നി​യ​മി​ക്കു​ന്ന​ത്.

കു​ടും​ബ​ത്തി​ലു​ണ്ടാ​യ ദു​ര​നു​ഭ​വ​ങ്ങ​ള്‍ മൂ​ലം ഏ​താ​നും മാ​സ​ം ലി​ല്ലി​ക്കു​ട്ടി ജോ​ലി​യി​ല്‍​നി​ന്നു വി​ട്ടു​നി​ന്നി​രു​ന്നു. അ​വ​ധി അ​പേ​ക്ഷ മേ​ലു​ദ്യോ​ഗ​സ്ഥ​ര്‍​ക്ക് എ​ഴു​തി ന​ല്‍​കു​ന്ന​തുസം​ബ​ന്ധി​ച്ച് ചോ​ദി​ച്ച​പ്പോ​ള്‍, അ​പേ​ക്ഷ​യു​ടെ​യൊ​ന്നും ആ​വ​ശ്യ​മി​ല്ലെ​ന്നും ആ​റു​മാ​സ​ത്തി​നു​ള്ളി​ല്‍ ജോ​ലി​യി​ല്‍ തി​രി​കെ പ്ര​വേ​ശി​ച്ചാ​ല്‍ മ​തി​യാ​കു​മെ​ന്നു​മാ​ണ​ത്രേ വി​ല്ലേ​ജ് ഓഫീ​സ​ര്‍ അ​റി​യി​ച്ച​ത്.

വി​ല്ലേ​ജ് ഓ​ഫീ​സ​റു​ടെ വാ​ക്ക് വി​ശ്വ​സി​ച്ച് 2024 സെ​പ്റ്റം​ബ​ര്‍ 21 മു​ത​ല്‍ ലി​ല്ലി​ക്കു​ട്ടി അ​വ​ധി​യെ​ടു​ത്തു. പി​ന്നീ​ട് സ്ഥ​ലം മാ​റി​പ്പോ​യ വി​ല്ലേ​ജ് ഓ​ഫീ​സ​റു​ടെ അ​ടു​ത്ത ഒ​രു ബ​ന്ധു​വി​നെ​ത്ത​ന്നെ ആ​റു​മാ​സ​ത്തി​നു​ള്ളി​ല്‍ മാ​റി​ക്കൊ​ടു​ക്കാ​മെ​ന്ന ധാ​ര​ണ​യോ​ടെ ലി​ല്ലി​ക്കു​ട്ടി​യു​ടെ സ്ഥാ​ന​ത്ത് ജോ​ലി​ക്കാ​യി നി​യോ​ഗി​ച്ചു. ആ​റു​മാ​സ​ത്തി​ല​ധി​കം അ​വ​ധി നീ​ണ്ടാ​ല്‍ കു​ടും​ബ​ശ്രീ​വ​ഴി പു​തി​യ ആ​ളെ നി​യ​മി​ക്കാ​നി​ട​യു​ണ്ടെ​ന്ന മു​ന്ന​റി​യി​പ്പും ലി​ല്ലി​ക്കു​ട്ടി​ക്കു ല​ഭി​ച്ചു.

അ​വ​ധി​യി​ലാ​യി​രു​ന്ന സ​മ​യ​ത്ത് ലി​ല്ലി​ക്കു​ട്ടി​യു​ടെ മ​ക​ന്‍ മ​ര​ണ​മ​ട​ഞ്ഞു. വൈ​ദി​ക​നാ​യി​രു​ന്ന മ​ക​ന്‍റെ മ​ര​ണാ​ന​ന്ത​ര ക​ര്‍​മ​ങ്ങ​ള്‍​ക്കുശേ​ഷം ലി​ല്ലി​ക്കു​ട്ടി തി​രി​കെ ജോ​ലി​ക്കാ​യെ​ത്തി​യി​രു​ന്നെ​ങ്കി​ലും ഒ​ന്നു​ര​ണ്ടു മാ​സ​ത്തെ സാ​വ​കാ​ശം കൂ​ടി എ​ടു​ത്തു മ​ന​സ് സ്വ​സ്ഥ​മാ​ക്കി ജോ​ലി​ക്കു വ​ന്നാ​ല്‍ മ​തി​യെ​ന്ന ഉ​പ​ദേ​ശ​മാ​ണ​പ്പോ​ള്‍ ബ​ന്ധ​പ്പെ​ട്ട​വ​ര്‍ ന​ല്‍​കി​യ​ത്. അ​ത​നു​സ​രി​ച്ച് ഈ ​മാ​സ​മാ​ദ്യം വി​ല്ലേ​ജ് ഓ​ഫീ​സി​ലെ​ത്തി​യ​പ്പോ​ള്‍ കു​ട്ട​നാ​ട് ത​ഹ​സീ​ല്‍​ദാ​രെ ക​ണ്ട​തി​നു​ശേ​ഷം ജോ​ലി​യി​ല്‍ പ്ര​വേ​ശി​ക്കാ​മെ​ന്നു​ള്ള അ​നു​ഭാ​വ​പൂ​ര്‍​ണ​മാ​യ സ​മീ​പ​ന​മാ​യി​രു​ന്നു പു​തു​താ​യി ചാ​ര്‍​ജെ​ടു​ത്ത വി​ല്ലേ​ജ് ഓ​ഫീ​സ​റു​ടേ​ത്. പ​ക്ഷേ, താ​ലൂ​ക്ക് ഓ​ഫീ​സി​ലെ​ത്തി​യ​തോ​ടെ കാ​ര്യ​ങ്ങ​ളെ​ല്ലാം കീ​ഴ്‌​മേ​ല്‍​ മ​റി​ഞ്ഞു.

ജോ​ലി​യി​ല്‍​നി​ന്നു വി​ട്ടു​നി​ന്ന സ​മ​യ​ത്തെ ശ​മ്പ​ള​ത്തി​നു തു​ല്യ​മാ​യ തു​ക ബ​ന്ധ​പ്പെ​ട്ട​വ​രെ ഏ​ല്‍​പ്പി​ക്കു​ക​യാ​ണെ​ങ്കി​ല്‍ ജോ​ലി​യി​ല്‍ പു​നഃ​പ്ര​വേ​ശി​പ്പി​ക്കു​ന്ന​തു പ​രി​ഗ​ണി​ക്കാ​മെ​ന്ന ത​ര​ത്തി​ലു​ള്ള മ​റു​പ​ടി​യാ​ണ് ലി​ല്ലി​ക്കു​ട്ടി​ക്കു ല​ഭി​ച്ച​ത്. വ​ര്‍​ഷ​ങ്ങ​ളു​ടെ സ​ര്‍​വീ​സു​ണ്ടെ​ങ്കി​ലും താ​ത്കാലി​ക നി​യ​മ​ന​മാ​യ​തി​നാ​ല്‍ എ​ണ്ണാ​യി​രം രൂ​പ മാ​ത്ര​മാ​ണ് ലി​ല്ലി​ക്കു​ട്ടി​ക്കു കി​ട്ടി​ക്കൊ​ണ്ടി​രു​ന്ന മാ​സശമ്പ​ളം. എ​ണ്ണാ​യി​രം വ​ച്ച് ഏ​താ​നും മാ​സ​ത്തെ തു​ക ഒ​രു​മി​ച്ചു പെ​ട്ടെ​ന്നു ക​ണ്ടെ​ത്തി​യേ​ല്‍​പ്പി​ക്കു​ക​യെ​ന്ന​തു വി​ധ​വ​യും നി​രാ​ലം​ബ​യു​മാ​യ ലി​ല്ലി​ക്കു​ട്ടി​യെ സം​ബ​ന്ധി​ച്ചു തീ​ര്‍​ത്തും അ​സാ​ധ്യ​മാ​യി​രു​ന്നു.

ഏ​തു​വി​ധേ​ന​യെ​ങ്കി​ലും ക​ടം വാ​ങ്ങി പ​ണം കൊ​ടു​ത്താ​ല​ത് പി​ന്നീ​ട് തി​രി​ച്ചു​കി​ട്ടു​മെ​ന്ന കാ​ര്യ​ത്തി​ലൊ​രു​റ​പ്പു​ന​ല്‍​കാ​ന്‍ പോ​ലും ആ​രും ത​യാ​റാ​യി​ല്ല. ഈ ​സാ​ഹ​ച​ര്യ​ത്തി​ല്‍ നി​സ​ഹാ​യ​ത​യോ​ടെ മ​ട​ങ്ങു​ക​യാ​യി​രു​ന്നു ലി​ല്ലി​ക്കു​ട്ടി.

തൂ​പ്പു​കാ​രി​യെ​ന്ന പ​ദ​വി​യേ ഉ​ള്ളു​വെ​ങ്കി​ലും കാ​വാ​ലം വി​ല്ലേ​ജ് ഓഫീ​സി​ന്‍റെ ന​വീ​ക​ര​ണ വേ​ള​യി​ലും കെ​ട്ടി​ടം മാ​റി​യ​പ്പോ​ഴു​മെ​ല്ലാം ഏ​റ്റ​വും അ​ധി​കം ത്യാ​ഗ​ങ്ങ​ള്‍ സ​ഹി​ച്ച് ഏ​റെ അ​ത്മാ​ര്‍​ഥ​ത​യോ​ടെ സ​മ​യ​വും കാ​ല​വു​മൊ​ന്നും നോ​ക്കാ​തെ ഒ​രു കു​ടും​ബാം​ഗ​ത്തെ​പ്പോ​ലെ ജോ​ലി​ ചെ​യ്തി​ട്ടു​ള്ള ജീ​വ​ന​ക്കാ​രി​യെ​ന്നാ​ണ് ലി​ല്ലി​ക്കു​ട്ടി​യെ​ക്കു​റി​ച്ച് സ​ഹ​പ്ര​വ​ര്‍​ത്ത​ക​രാ​യി​രു​ന്ന​വ​രെ​ല്ലാം സാ​ക്ഷ്യ​പ്പെ​ടു​ത്തു​ന്ന​ത്. നാ​ട്ടു​കാ​രി​യാ​യ ജീ​വ​ന​ക്കാ​രി​യെ​ക്കു​റി​ച്ച് നാ​ട്ടു​കാ​ര്‍​ക്കും ഇ​തൊ​ക്ക​ത്ത​ന്നെ​യാ​ണു പ​റ​യാ​നു​ള്ള​ത്.

രാ​ഷ്ട്രീ​യ ഇ​ട​പെ​ട​ലു​ക​ളും ചു​രു​ക്കം ചി​ല ഉ​ദ്യോ​ഗ​സ്ഥ​രു​ടെ ധാ​ര്‍​ഷ്ട്യ​വും സ്വ​ജ​ന​പ​ക്ഷ​പാ​ത​വും നി​യ​മ​ത്തി​ന്‍റെ നൂ​ലാ​മാ​ല​ക​ളു​മൊ​ക്കെ മാ​റ്റി​വ​ച്ച് ലി​ല്ലി​ക്കു​ട്ടി​യെ തി​രി​കെ​യെ​ടു​ക്ക​ണ​മെ​ന്ന നി​ല​പാ​ടാ​ണ് സ​ഹ​പ്ര​വ​ര്‍​ത്ത​ക​ര്‍​ക്കെ​ല്ലാം.