ചേ​ര്‍​ത്ത​ല: റോ​മി​ൽ​നി​ന്ന് എ​ത്തി​ച്ച വി​ശു​ദ്ധ സെ​ബ​സ്ത്യാ​നോ​സി​ന്‍റെ തി​രു​ശേ​ഷി​പ്പ് അ​ർ​ത്തു​ങ്ക​ൽ ബ​സി​ലി​ക്ക​യി​ൽ ഇ​ന്ന് പ്ര​തി​ഷ്ഠി​ക്കും. ആ​ല​പ്പു​ഴ ബി​ഷ​പ് ഡോ. ​ജ​യിം​സ് റാ​ഫേ​ൽ ആ​നാ​പ​റ​മ്പി​ലി​ന്‍റെ പ്ര​ത്യേ​ക ശിപാ​ർ​ശ​പ്ര​കാ​ര​മാ​ണ് തി​രു​ശേ​ഷി​പ്പ് അ​ർ​ത്തു​ങ്ക​ലി​ൽ എ​ത്തി​ക്കു​ന്ന​തു​മാ​യി ബ​ന്ധ​പ്പെ​ട്ട ന​ട​പ​ടി​ക്ര​മ​ങ്ങ​ൾ ന​ട​ത്തി​യ​ത്.

റോ​മി​ലെ വി​ശു​ദ്ധ സെ​ബ​സ്ത്യാ​നോ​സി​ന്‍റെ നാ​മ​ത്തി​ലു​ള്ള ബ​സി​ലി​ക്ക​യി​ൽ സൂ​ക്ഷി​ച്ചി​രി​ക്കു​ന്ന വി​ശു​ദ്ധ​ന്‍റെ തി​രു​ശേ​ഷി​പ്പാ​ണ് ദ​ക്ഷി​ണേ​ന്ത്യ​യി​ലെ പ്ര​സി​ദ്ധ തീ​ർ​ഥാ​ട​ന​കേ​ന്ദ്ര​മാ​യ അ​ർ​ത്തു​ങ്ക​ൽ ബ​സി​ലി​ക്ക​യി​ൽ പ്ര​തി​ഷ്ഠി​ക്കു​ന്ന​ത്. റോ​മി​ലെ വി​ശു​ദ്ധ സെ​ബ​സ്ത്യാ​നോ​സി​ന്‍റെ ബ​സി​ലി​ക്ക​യി​ലു​ള്ള വി​ശു​ദ്ധ​ന്‍റെ ക​ല്ല​റ ആ​ദ്യ​മാ​യി തു​റ​ക്കു​ന്ന​ത് എ​ഡി 1511 ൽ ​ആ​ണ്. 513 വ​ർ​ഷ​ങ്ങ​ൾ​ക്കു​ശേ​ഷ​മാ​ണ് 2024ൽ ​വീ​ണ്ടും തു​റ​ന്ന​ത്. ഇ​വി​ടെ​നി​ന്നു ശേ​ഖ​രി​ച്ച വി​ശു​ദ്ധ​ന്‍റെ തി​രു​ശേ​ഷി​പ്പി​ന്‍റെ ഒ​രു ഭാ​ഗ​മാ​ണ് അ​ർ​ത്തു​ങ്ക​ല്‍ ബ​സി​ലി​ക്ക​യി​ൽ എ​ത്തി​ക്കു​ന്ന​ത്.

റോ​മി​ലെ വി​ശു​ദ്ധ സെ​ബ​സ്ത്യാ​നോ​സ് ബ​സി​ലി​ക്ക റെ​ക്ട​ർ ഫാ.​സ്‌​തെ​ഫാ​നോ തം​ബു​രു​വും ഫാ.​ക​ർ​ലോ ജൊ​വാ​നി​യും തി​രു​ശേ​ഷി​പ്പി​നെ അ​നു​ഗ​മി​ക്കു​ന്നു​ണ്ട്. സം​ഘം ശ​നി​യാ​ഴ്ച കേ​ര​ള​ത്തി​ൽ എ​ത്തി​ച്ചേ​ര്‍​ന്നു. ആ​ല​പ്പു​ഴ രൂ​പ​ത​യി​ൽ വി​ശു​ദ്ധ സെ​ബ​സ്ത്യാ​നോ​സി​ന്‍റെ നാ​മ​ത്തി​ലു​ള്ള വി​വി​ധ ദേ​വാ​ല​യ​ങ്ങ​ളി​ലും ക​പ്പേ​ള​ക​ളി​ലും പ്ര​ദ​ക്ഷി​ണം ന​ട​ത്തി​യ ​ശേ​ഷം ഇന്നു വൈ​കു​ന്നേ​രം മൂ​ന്നി​ന് പ​ള്ളി​ത്തോ​ട് സെ​ന്‍റ് സെ​ബാ​സ്റ്റ്യ​ൻ​സ് ദേ​വാ​ല​യ​ത്തി​ൽ എ​ത്തി​ച്ചേ​രും.

അ​വി​ടെ​നി​ന്ന് നി​ര​വ​ധി വാ​ഹ​ന​ങ്ങ​ളു​ടെ അ​ക​മ്പ​ടി​യോ​ടെ തി​രു​ശേ​ഷി​പ്പു പ്ര​യാ​ണം അ​ർ​ത്തു​ങ്ക​ൽ ബ​സി​ലി​ക്ക​യി​ലേ​ക്ക് പു​റ​പ്പെ​ടും. വൈ​കു​ന്നേ​രം അ​ഞ്ചി​ന് അ​ർ​ത്തു​ങ്ക​ൽ ബ​സി​ലി​ക്ക​യി​ൽ സ​മൂ​ഹ​ബ​ലി​യ​ർ​പ്പ​ണം ന​ട​ക്കും. തു​ട​ർ​ന്ന് ബ​സി​ലി​ക്ക​യി​ൽ വി​ശു​ദ്ധ​ന്‍റെ തി​രു​ശേ​ഷി​പ്പ് സ്ഥി​ര​മാ​യി സ്ഥാ​പി​ക്കു​മെ​ന്ന് ബ​സി​ലി​ക്ക റെ​ക്ട​ർ ഫാ. ​യേ​ശു​ദാ​സ് കാ​ട്ടു​ങ്ക​ൽ​ത​യ്യി​ൽ പ​റ​ഞ്ഞു.

​ശു​ദ്ധ​ന്‍റെ രൂ​പം അ​ർ​ത്തു​ങ്ക​ലി​ൽ എ​ത്തി​യതിനു പിന്നിലെ ഐ​തി​ഹ്യം

റോ​മി​ൽ പ​ട​ർ​ന്നു​പി​ടി​ച്ച പ്ലേ​ഗ് ബാ​ധ​യെ​ത്തുട​ർ​ന്ന് വി​ശു​ദ്ധ സെ​ബാ​സ്ത്യാ​നോ​സി​ന്‍റെ മാ​ധ്യ​സ്ഥ്യം അ​പേ​ക്ഷി​ച്ചു പ്രാ​ർ​ഥി​ച്ച ഇ​റ്റ​ലി​യി​ലെ മി​ലാ​നി​ലെ വി​ശ്വാ​സി​ക​ൾ വി​ശു​ദ്ധ സെ​ബ​സ്ത്യാ​നോ​സി​ന്‍റെ തു​രു​സ്വ​രൂ​പം നി​ർ​മി​ച്ച് ലോ​കം​മു​ഴു​വ​ൻ സ​ഞ്ച​രി​ക്കാ​ൻ തീ​രു​മാ​നി​ച്ചു.

1645ൽ ​ഇ​വ​ർ സ​ഞ്ച​രി​ച്ച ക​പ്പ​ൽ അ​ർ​ത്തു​ങ്ക​ലി​ൽ എ​ത്തു​ക​യും പു​റം​ക​ട​ലി​ൽ ക​ട​ൽക്ഷോ​ഭ​ത്തി​ൽ​പ്പെ​ടു​ക​യും ചെ​യ്തു. ക​ട​ൽ ശാ​ന്ത​മാ​യ​പ്പോ​ൾ ക​പ്പ​ലി​ലു​ള്ള​വ​ർ വി​ശു​ദ്ധ​ന്‍റെ രൂ​പം അ​ന്ന് അ​ർ​ത്തു​ങ്ക​ലി​ൽ ഉ​ണ്ടാ​യി​രു​ന്ന പ്രാ​ർ​ഥ​നാ​ല​യ​ത്തി​ൽ എ​ത്തി​ച്ച് അ​വി​ടെ സ്ഥാ​പി​ക്കു​ക​യാ​യി​രു​ന്നു എ​ന്നാ​ണ് ഐ​തി​ഹ്യം.

അ​ന്നു​മു​ത​ൽ എ​ല്ലാ​വ​ർ​ഷ​വും​ ജ​നു​വ​രി 10 മു​ത​ൽ 27 വ​രെ ​അ​ർ​ത്തു​ങ്ക​ൽ പ​ള്ളി​യി​ൽ വി​ശു​ദ്ധ സെ​ബാ​സ്ത്യാ​നോ​സി​ന്‍റെ തി​രു​നാ​ൾ ആ​ഘോ​ഷ​പൂ​ർ​വം ന​ട​ത്തി​വ​രു​ന്നു.