വൈക്കം: റോ​ഡ​രി​കി​ൽ നി​ർ​ത്തി​യി​ട്ടി​രു​ന്ന പെ​ട്ടി​ഓ​ട്ടോ മു​ന്നോ​ട്ട് എ​ടു​ക്കു​ന്ന​തി​നി​ടെ പി​ന്നാ​ലെ വ​ന്ന സ്വ​കാ​ര്യ ബ​സ് പെ​ട്ടി ഓ​ട്ടോ​യു​ടെ പി​റ​കി​ൽ ഇ​ടി​ച്ചു​ണ്ടാ​യ അ​പ​ക​ട​ത്തി​ൽ പെ​ട്ടി ഓ​ട്ടോ ഡ്രൈ​വ​ർ മ​രി​ച്ചു. ചേ​ർ​ത്ത​ല വ​യ​ലാ​ർ സ്വ​ദേ​ശി മു​ഹ​മ്മ​ദ്‌ അ​ന​സാ(40)​ണ് മ​രി​ച്ച​ത്. ഇ​യാ​ളു​ടെ കൂ​ട്ടു വ്യാ​പാ​രി ആ​ല​പ്പു​ഴ സ്വ​ദേ​ശി സ​നീ​ഷി(45) നെ ​സാ​ര​മാ​യ പ​രു​ക്കു​ക​ളോ​ടെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഇ​ന്ന​ലെ വൈ​കു​ന്നേ​രം അ​ഞ്ചോ​ടെ മു​സ്ലീം പ​ള്ളി​ക്ക് സ​മീ​പ​മാ​യി​രു​ന്നു അ​പ​ക​ടം. പെ​ട്ടി ഓ​ട്ടോ​യു​ടെ പി​ന്നി​ൽ ബ​സ്

ത​ട്ടി​യ​തി​നെ തു​ട​ർ​ന്ന് ഓ​ട്ടോ നി​യ​ന്ത്ര​ണം വി​ട്ട് റോ​ഡ​രി​കി​ലെ പോ​സ്റ്റി​ലും മ​ര​ത്തി​ലു​മി​ടി​ക്കു​ക​യാ​യി​രു​ന്നു. റോ​ഡ​രി​കി​ൽ പെ​ട്ടി വ​ണ്ടി​യി​ൽ ചെ​റു​നാ​ര​ങ്ങാ വ്യാ​പാ​രം ന​ട​ത്തി​യ ശേ​ഷം തി​രി​ച്ചു പോ​കു​ന്ന​തി​നാ​യി ഇ​രു​വ​രും വാ​ഹ​നം മു​ന്നോ​ട്ട് എ​ടു​ക്കു​ന്ന​തി​നി​ടെ വൈ​ക്ക​ത്ത് നി​ന്നും പൂ​ത്തോ​ട്ട​ഭാ​ഗ​ത്തേ​ക്ക് പോ​കു​ക​യാ​യി​രു​ന്ന പീ​റ്റേ​ഴ്സ​ണെ​ന്ന സ്വ​കാ​ര്യ ബ​സാ​ണ് പി​ന്നി​ൽ ഇ​ടി​ച്ച​ത്. ഇ​ടി​യു​ടെ ആ​ഘാ​ത​ത്തി​ൽ നി​യ​ന്ത്ര​ണം വി​ട്ട ഓ​ട്ടോ റോ​ഡ​രി​കി​ലെ പോ​സ്റ്റി​ലും മ​ര​ത്തി​ലു​മി​ടി​ക്കു​ക​യും അ​ന​സ് ഓ​ട്ടോ​യി​ൽ നി​ന്നും തെ​റി​ച്ച് റോ​ഡി​ൽ ത​ല​യി​ടി​ച്ച് വീ​ഴു​ക​യു​മാ​യി​രു​ന്നു. ഉ​ട​ൻ ഇ​യാ​ളെ ചെ​മ്മ​നാ​ക​രി​യി​ലെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

സാ​ര​മാ​യി പ​രി​ക്കേ​റ്റ സ​നീ​ഷി​നെ വൈ​ക്കം താ​ലൂ​ക്ക് ആ​ശു​പ​ത്രി​യി​ൽ പ്ര​വേ​ശി​പ്പി​ച്ച ശേ​ഷം വി​ദ​ഗ്ധ ചി​കി​ൽ​സ​യ്ക്കാ​യി കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റി. വൈ​ക്കം പോ​ലീ​സ് മേ​ൽ​ന​ട​പ​ടി സ്വീ​ക​രി​ച്ചു.