കാ​യം​കു​ളം: ചേ​രാ​വ​ള്ളി ഉ​ൾ​പ്പെ​ടെ ന​ഗ​ര​ത്തി​ന്‍റെ തെ​ക്ക് കി​ഴ​ക്ക​ൻ പ്ര​ദേ​ശ​ങ്ങ​ളി​ല്‍ കാ​ട്ടു​പ​ന്നി പ​ട്ടാ​പ്പ​ക​ൽ വ്യാ​പ​ക​ ആ​ക്ര​മ​ണം ന​ട​ത്തി പ​രി​ഭ്രാ​ന്തി പ​ര​ത്തി​യ കാ​ട്ടു​പ​ന്നി​യെ ഒ​ടു​വി​ല്‍ വെ​ടിവ​ച്ച് കൊ​ന്നു. കാ​ട്ടു​പ​ന്നി​യു​ടെ ആ​ക്ര​മ​ണ​ത്തി​ല്‍ വ​യോ​ധി​ക​നും ന​ഗ​ര​സ​ഭാ കൗ​ണ്‍​സി​ല​ര്‍​ക്കും പ​രി​ക്കേ​റ്റു.

ന​ഗ​ര​സ​ഭ​യിലെ 25-ാം വാ​ര്‍​ഡി​ലാ​ണ് കാ​ട്ടു​പ​ന്നി​യു​ടെ ആ​ക്ര​മ​ണം ആ​ദ്യ​മു​ണ്ടാ​യ​ത്. ചേ​രാ​വ​ള്ളി വ​ലി​യ വീ​ട്ടി​ല്‍ ശ​ശി​കു​മാ​റി (63) നാ​ണ് പ​ന്നി​യു​ടെ ആ​ക്ര​മ​ണ​ത്തി​ല്‍ പ​രി​ക്കേ​റ്റ​ത്. ഇ​യാ​ളെ താ​ലൂ​ക്കാ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. പു​ല​ര്‍​ച്ചെ ആ​റി​ന് കാ​ട്ടു​പ​ന്നി​യെ ചേ​രാ​വ​ള്ളി പ്ര​ദേ​ശ​ത്ത് ക​ണ്ടി​രു​ന്ന​താ​യി വി​വരം ല​ഭി​ച്ച​തി​നെത്തുടർന്ന് ന​ഗ​ര​സ​ഭാ ചെ​യ​ര്‍​പേ​ഴ്‌​സ​ണ്‍ പി. ​ശ​ശി​ക​ല​യെ വി​വ​രം അ​റി​യി​ച്ചു.

തു​ട​ര്‍​ന്ന് ചെ​യ​ര്‍​പേ​ഴ്‌​സ​ണ്‍ പോ​ലീ​സ്, അ​ഗ്നി​ര​ക്ഷാ സേ​ന, വ​നം വ​കു​പ്പ് എ​ന്നി​വ​രെ ബ​ന്ധ​പ്പെ​ട്ടു. വ​നം വ​കു​പ്പി​ന്‍റെ നി​ര്‍​ദേ​ശ പ്ര​ക​രം ലൈ​സ​ന്‍​സ്ഡ് ഷൂ​ട്ട​റാ​യ സു​രേ​ഷ് എ​ത്തി ഒ​ന്നാം​കു​റ്റി മു​രു​ക്കു​മൂ​ട് ഭാ​ഗ​ത്തുവച്ച് വെ​ടി​വ​ച്ച് വീ​ഴ്ത്തി. കാ​ട്ടു​പ​ന്നി​യു​ടെ ആ​ക്ര​മ​ണ​ത്തി​ൽ കൗ​ണ്‍​സി​ല​ര്‍ ബി​ജു ന​സ​റു​ള്ള​യ്ക്ക് മുറിവേറ്റു.

ആ​ഴ്ച​ക​ള്‍​ക്ക് മു​മ്പ് ക​ണ്ട​ല്ലൂ​രി​ലും ചേ​രാ​വ​ള​ളി​യി​ലും കാ​ട്ടു​പ​ന്നി​യു​ടെ ശ​ല്യം ഉ​ണ്ടാ​യ സാ​ഹ​ച​ര്യ​ത്തി​ല്‍ അ​ന്നും പ​ന്നി​യെ വ​ന​പാ​ല​ക​ര്‍ വെടിവച്ച് കൊ​ന്നി​രു​ന്നു.