ബൈബിള്‍ കണ്‍വന്‍ഷന്‍ ദൈവജനത്തിന് നവീകരണത്തിനുള്ള വേദി: മാര്‍ തോമസ് തറയില്‍
1509686
Friday, January 31, 2025 2:38 AM IST
ചങ്ങനാശേരി: അതിരൂപത ബൈബിള്‍ കണ്‍വന്‍ഷന്‍ ദൈവജനത്തിന് മാനസാന്തരത്തിനും നവീകരണത്തിനുമുള്ള ശരിയായ പ്രബോധനവേദിയാണെന്ന് ആര്‍ച്ച്ബിഷപ് മാര്‍ തോമസ് തറയില്‍. ചങ്ങനാശേരി അതിരൂപത ജൂബിലിവര്‍ഷ ബൈബിള്‍ കണ്‍വന്‍ഷനു മുന്നോടിയായി നടന്ന വിളംബര സമ്മേളനം ഉദ്ഘാടനം ചെയ്യുകയായിരുന്നു ആര്‍ച്ച്ബിഷപ്. ബൈബിള്‍ അപ്പോസ്തലേറ്റ് ഡയറക്ടര്‍ ഫാ. ജോര്‍ജ് മാന്തുരുത്തില്‍ അധ്യക്ഷത വഹിച്ചു.
ഫാ. തോമസ് പ്ലാപ്പറമ്പില്‍, പാസ്റ്ററല്‍ കൗണ്‍സില്‍ സെക്രട്ടറി ഡോ. രേഖാ മാത്യൂസ്, ഡോ. റൂബിള്‍ രാജ്, ചെറിയാന്‍ നെല്ലുവേലി, ജോബി തൂമ്പുങ്കല്‍, സൈബി അക്കര, സി.വി. ജോണ്‍, പ്രഫ. ജോസഫ് ടിറ്റോ, ടോമിച്ചന്‍ അയ്യരുകുളങ്ങര, എ.ജെ. ജോസഫ്, ടോമിച്ചന്‍ കൈതക്കളം, ഡോ. ആന്‍റണി മാത്യൂസ്, പ്രഫ. ജോയി അഞ്ചനാട്ട്, ഇ.ജെ. ജോസഫ്, ജോമി കാവാലം, ലാലിച്ചന്‍ മുക്കാടന്‍, സിസ്റ്റര്‍ ചെറുപുഷ്പം എന്നിവര്‍ പ്രസംഗിച്ചു.