ചമ്പക്കുളം പഞ്ചായത്തില്‍ പകല്‍വീട് നിര്‍മിക്കണം
1509681
Friday, January 31, 2025 2:38 AM IST
മങ്കൊമ്പ്: വാര്‍ധക്യത്തില്‍ വീടുകളില്‍ ഒറ്റപ്പെടുന്നവര്‍ക്ക് വിരസത ഒഴിവാക്കുന്നതിനും വിനോദത്തില്‍ ഏര്‍പ്പെടുന്നതിനും കഴിയുന്ന തരത്തില്‍ ചമ്പക്കുളം പഞ്ചായത്തില്‍ പകല്‍വീടുകള്‍ നിര്‍മിക്കണമെന്ന് കേരള സ്റ്റേറ്റ് സര്‍വീസ് പെന്‍ഷനേഴ്‌സ് യൂണിയന്‍ ചമ്പക്കുളം യൂണിറ്റ് സമ്മേളനം ആവശ്യപ്പെട്ടു.
പഞ്ചായത്ത് പ്രസിഡന്‍റ് ടി.ജി. ജലജകുമാരി സമ്മേളനം ഉദ്ഘാടനം ചെയ്തു. യൂണിറ്റ് പ്രസിഡന്‍റ് ടി.എസ്. പ്രദീപ്കുമാര്‍ അധ്യക്ഷത വഹിച്ചു. സെക്രട്ടറി അഗസ്റ്റിന്‍ ജോസ് റിപ്പോര്‍ട്ടും ട്രഷറര്‍ കെ.ആര്‍. മംഗളാനന്ദന്‍ കണക്കും അവതരിപ്പിച്ചു, ബ്ലോക്ക് വൈസ് പ്രഡിഡന്‍റുമാരായ ബി. കമലമ്മ, പി.കെ. ഭാര്‍ഗവന്‍ എന്നിവര്‍ പ്രസംഗിച്ചു.
സംസ്ഥാന സ്‌കൂള്‍ കലോത്സവത്തില്‍ ഭാരതനാട്യത്തിനും കുച്ചുപ്പുടിക്കും എ ഗ്രേഡ് നേടിയ ബി. അദ്വൈദ്, കാനോയിംഗ്-കയാക്കിംഗിലും ഡ്രാഗണ്‍ ബോട്ട് റേസിലും ഗോള്‍ഡ് മെഡല്‍ നേടിയ അര്‍ജുന്‍ അനില്‍കുമാര്‍, സില്‍വര്‍ മെഡല്‍ നേടിയ അജയ് ഗോപകുമാര്‍, ജില്ലാ കേരളോത്സവത്തില്‍ കാര്‍ട്ടൂണ്‍ മത്സരത്തില്‍ ഒന്നാം സ്ഥാനം നേടിയ എം. യദു എന്നിവരെ അനുമോദിച്ചു.