നവീകരിച്ച എഡിബിഎ ബാസ്കറ്റ്ബോള് കോര്‍ട്ട് ഉദ്ഘാടനം
1508793
Monday, January 27, 2025 11:59 PM IST
ആലപ്പുഴ: ആലപ്പി ഡിസ്ട്രിക്ട് ബാസ്കറ്റ്ബോള് അസോസിയേഷന്‍റെ (എഡിബിഎ) ആഭിമുഖ്യത്തില്‍ നവീകരിച്ച ബാസ്കറ്റ്ബോള് കോര്‍ട്ടിന്‍റെ ഉദ്ഘാടനം സിന്തൈറ്റ് ഇന്‍ഡസ്ട്രീസ് ലിമിറ്റഡ് ചെയര്‍മാന്‍ ഡോ. വിജു ജേക്കബ്, മുന്‍ ഇന്ത്യന്‍ ക്യാപ്റ്റന്‍ അണ്‍വിന്‍ ജെ. ആന്‍റണി എന്നിവര്‍ ചേര്‍ന്ന് നിര്‍വഹിച്ചു.
പട്ടണ ചത്വരത്തിലുള്ള എഡിബിഎ ബാസ്കറ്റ്ബോള് കോര്‍ട്ടില്‍ നടത്തിയ സമ്മേളനത്തില്‍ എഡിബിഎ പ്രസിഡന്‍റ് ജേക്കബ് ജോസഫ് അധ്യക്ഷത വഹിച്ചു. കെബിഎ ലൈഫ് പ്രസിഡന്‍റ് പി.ജെ. സണ്ണി, ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്‍റ് പി.ജെ. ജോസഫ്, എക്‌സ്‌പെഡിറ്റേഴ്‌സ് ആസിഫ് ഇഖ്ബാല്‍, അജികുമാര്‍, സ്റ്റാര്‍ട്ടിംഗ് ഫൈവ് കോശി ഏബ്രഹാം ഇലഞ്ഞിക്കല്‍, പി. ജേക്കബ്, ടീം റീബൗണ്ട് സെക്രട്ടറി അഡ്വ. കെ.എ. സലിം, കെബിഎ അസോസിയേറ്റ് സെക്രട്ടറി റോണി മാത്യു, എഡിബിഎ സെക്രട്ടറി ബി. സുബാഷ്, വൈസ് പ്രസിഡന്‍റ് അഡ്വ. പ്രിയദര്‍ശന്‍ തമ്പി, എക്സിക്യൂട്ടീവ് അംഗം ഹസീന അമന്‍ തുടങ്ങിയവര്‍ പ്രസംഗിച്ചു.