മാവേലി​ക്ക​ര: ന​വ​കേ​ര​ള സ​ദ​സി​നു വേ​ദി​യാ​കു​ന്ന മാ​വേ​ലി​ക്ക​ര ഗ​വ. ബോ​യ്‌​സ് സ്‌​കൂ​ൾ മൈ​താ​ന​ത്തി​ലെ മ​തി​ലി​നു സ​മീ​പ​ത്തെ മ​ര​വും മ​ര​ക്കൊ​മ്പും മു​റി​ച്ചുമാ​റ്റി. ന​വ​കേ​ര​ള സ​ദ​സി​നു വേ​ദി​യാ​കു​ന്ന സ്‌​കൂ​ൾ മൈ​താ​ന​ത്തു അ​പ​ക​ട അ​വ​സ്‌​ഥ​യി​ൽ നി​ൽ​ക്കു​ന്ന തെ​ങ്ങ്, പ്ലാ​വ് തു​ട​ങ്ങി​യ മ​ര​ങ്ങ​ളു​ടെ ശി​ഖ​ര​ങ്ങ​ൾ വെ​ട്ടി മാ​റ്റ​ണ​മെ​ന്ന ന​ഗ​ര​സ​ഭാ ക്ലീ​ൻ സി​റ്റി മാ​നേ​ജ​രു​ടെ റി​പ്പോ​ർ​ട്ടി​ന്‍റെ അ​ടി​സ്‌​ഥാ​ന​ത്തി​ൽ ത​ദ്ദേ​ശ സ്വ​യം​ഭ​ര​ണവ​കു​പ്പ് ജോ​യി​ന്‍റ് ഡ​യ​റ​ക്‌​ട​റാ​ണു അ​ടി​യ​ന്തര​മാ​യി ന​ട​പ​ടി സ്വീ​ക​രി​ക്കാ​നാ​യി ന​ഗ​ര​സ​ഭ സെ​ക്ര​ട്ട​റി​ക്കു നി​ർ​ദേ​ശം ന​ൽ​കി​യ​ത്. ഏ​റെ ആ​ളു​ക​ൾ എ​ത്തി​ച്ചേ​രു​ന്ന ന​വ​കേ​ര​ള സ​ദ​സി​ൽ അ​പ​ക​ടം ഉ​ണ്ടാ​കാ​തി​രി​ക്കാ​ൻ ദു​ര​ന്ത​നി​വാ​ര​ണ വ്യ​വ​സ്ഥ​പ്ര​കാ​രം ന​ട​പ​ടി സ്വീ​ക​രി​ക്കാ​ൻ സെ​ക്ര​ട്ട​റി​യെ ചു​മ​ത​ല​പ്പെ​ടു​ത്തി​യാ​ണ് ഉ​ത്ത​ര​വ്.

ച​ട്ട​പ്ര​കാ​രം മ​രം മു​റി​ക്ക​ണ​മെ​ങ്കി​ൽ ട്രീ ​ക​മ്മി​റ്റി വി​ളി​ച്ചുചേ​ർ​ത്തു തീ​രു​മാ​ന​മെ​ടു​ത്തു വ​നം വ​കു​പ്പി​നെ അ​റി​യി​ച്ചു വേ​ണം തു​ട​ർ​ന​ട​പ​ടി​ക​ൾ സ്വീ​ക​രി​ക്കാ​ൻ ട്രീ ​ക​മ്മി​റ്റി​യു​ടെ അ​ധ്യ​ക്ഷ​ൻ ന​ഗ​ര​സ​ഭാ ചെ​യ​ർ​മാനാ​ണ്.

സ്‌​കൂ​ൾ വ​ള​പ്പി​ലെ മ​ര​മോ കൊ​മ്പോ വെ​ട്ടി​മാ​റ്റു​ന്ന​തി​ന് അ​പേ​ക്ഷ ല​ഭി​ച്ച​താ​യി ശ്ര​ദ്ധ​യി​ൽ​പ്പെ​ട്ടി​ട്ടി​ല്ലെ​ന്ന് ന​ഗ​ര​സ​ഭാ ചെ​യ​ർ​മാ​ൻ കെ. വി. ശ്രീ​കു​മാ​ർ പ​റ​ഞ്ഞു. സ്‌​കൂ​ൾ മൈ​താ​ന​ത്ത് ആ​ർ​ക്കും ത​ട​സം ഇ​ല്ലാ​തെനി​ന്ന മ​രം മു​റി​ച്ച​തു ധാ​ർ​ഷ്ട്യ​മാ​ണെ​ന്നും അ​ധി​കാ​ര ദു​ർ​വി​ന​യോ​ഗ​മാ​ണെ​ന്നും ബി​ജെ​പി മ​ണ്ഡ​ലം പ്ര​സി​ഡ​ന്‍റ് കെ.​കെ.​അ​നൂ​പ് ആ​രോ​പി​ച്ചു.