ആ​ല​പ്പു​ഴ: ന്യു ​ഇ​ന്ത്യ ലി​റ്റ​റ​സി പ്രോ​ഗ്രാ​മി​ന്‍റെ ഭാ​ഗ​മാ​യ ഉ​ല്ലാ​സ് പ​ദ്ധ​തി​യി​ലൂ​ടെ ജി​ല്ല​യി​ലെ 187 കേ​ന്ദ്ര​ങ്ങ​ളി​ലാ​യി 4896 പേ​ർ സാ​ക്ഷ​ര​ത പ​രീ​ക്ഷ എ​ഴു​തി.

ഇ​തി​ൽ 3918 സ്ത്രീ​ക​ൾ, പ​ട്ടി​ക​ജാ​തി വി​ഭാ​ഗ​ത്തി​ൽനി​ന്ന് 983 പേ​ർ, പ​ട്ടി​കവ​ർ​ഗ വി​ഭാ​ഗ​ത്തി​ൽ നി​ന്ന് 48 പേ​ർ എ​ന്നി​ങ്ങ​നെ പ​രീ​ക്ഷ എ​ഴു​തി.

തെ​ക്കേ​ക്ക​ര പ​ഞ്ചാ​യ​ത്തി​ൽ പ​രീ​ക്ഷ എ​ഴു​തി​യ ഗോ​പി​നാ​ഥ​പി​ള്ള​യാ​ണ് (86) ഏ​റ്റ​വും പ്രാ​യം കൂ​ടി​യ പ​ഠി​താ​വ്. പ​ള്ളി​പ്പു​റം പ​ഞ്ചാ​യ​ത്തി​ലെ പാ​പ്പി ഗൗ​രി (85), നെ​ടു​മു​ടി​യി​ലെ ത​ങ്ക​മ്മ (85), ബു​ധ​നൂ​രി​ലെ പാ​റു​ക്കു​ട്ടി​യ​മ്മ (85), ചേ​ർ​ത്ത​ല ന​ഗ​ര​സ​ഭ​യി​ലെ ചി​ന്ന​മ്മ (84), ചെ​ങ്ങ​ന്നൂ​ർ ന​ഗ​ര​സ​ഭ​യി​ലെ പ​ങ്ക​ജാ​ക്ഷി​യ​മ്മ (84) എ​ന്നി​വ​രും പ്രാ​യം കൂ​ടി​യ പ​ഠി​താ​ക്ക​ളു​ടെ പ​ട്ടി​ക​യി​ലുണ്ട്. ത​ണ്ണീ​ർ​മു​ക്കം പ​ഞ്ചാ​യ​ത്ത് ബ​ഡ്സ് സ്കൂ​ളി​ൽ പ​രീ​ക്ഷ എ​ഴു​തി​യ അ​രു​ണാ​ണ് (17) പ്രാ​യം കു​റ​ഞ്ഞ പ​ഠി​താ​വ്. പാ​ണാ​വ​ള്ളി പ​ഞ്ചാ​യ​ത്തി​ലെ അ​സീ​സി സ്പെ​ഷൽ സ്കൂ​ളി​ൽ 12 പേ​ർ പ​രീ​ക്ഷ എ​ഴു​തി. ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ നേ​തൃ​ത്വ​ത്തി​ലാ​ണ് പ​രീ​ക്ഷ ന​ട​ത്തി​യ​ത്.

മാ​വേ​ലി​ക്ക​ര ന​ഗ​ര​സ​ഭ​യി​ലാ​ണ് ഏ​റ്റ​വും കൂ​ടു​ത​ൽ പേ​ർ പ​രീ​ക്ഷ എ​ഴു​തി​യ​ത് (191). ചേ​ർ​ത്ത​ല ന​ഗ​ര​സ​ഭ​യി​ൽ 181 പേ​രും പാ​ണാ​വ​ള്ളി പ​ഞ്ചാ​യ​ത്തി​ൽ 177 പേ​രും പ​രീ​ക്ഷ എ​ഴു​തി. മി​ക​വു​ത്സ​വം എ​ന്ന പേ​രി​ൽ പ​ഠി​താ​ക്ക​ൾ​ക്ക് ആ​ശ​ങ്ക​യി​ല്ലാ​തെ ഉ​ത്സ​വ​ച്ഛാ​യ​യി​ലാ​ണ് പ​രീ​ക്ഷ ന​ട​ത്തി​യ​ത്. ശാ​രീ​രി​ക ബു​ദ്ധി​മു​ട്ടു​ള്ള​വ​ർ​ക്ക് പ​രീ​ക്ഷാ​കേ​ന്ദ്ര​ത്തി​ലേ​ക്കെ​ത്താ​ൻ പ്ര​ത്യേ​ക സൗ​ക​ര്യ​ങ്ങ​ൾ ഒ​രു​ക്കി. വാ​ചി​കം, എ​ഴു​ത്ത്, ഗ​ണി​തം എ​ന്നി​ങ്ങ​നെ ഭാ​ഗ​ങ്ങ​ളി​ലാ​ണ് പ​രീ​ക്ഷ ക്ര​മീ​ക​രി​ച്ച​ത്. 150 മാ​ർ​ക്കി​ന്‍റെ ചോ​ദ്യ​ങ്ങ​ൾ. 45 മാ​ർ​ക്കാ​ണ് ജ​യി​ക്കാ​ൻ വേ​ണ്ട​ത്. മൂ​ല്യ​നി​ർ​ണയ​വും ഫ​ല​പ്ര​ഖ്യാ​പ​ന​വും ജ​നു​വ​രി​യി​ൽ ന​ട​ക്കും.

ജി​ല്ല​യി​ൽ 187 വോ​ള​ണ്ട​റി ടീ​ച്ച​ർ​മാ​രാ​ണ് സാ​ക്ഷ​ര​താ ക്ലാ​സു​ക​ൾ ന​യി​ച്ച​ത്. സാ​ക്ഷ​ര​താ പാ​ഠ​വ​ലി​ക്കുപു​റ​മേ ഡി​ജി​റ്റ​ൽ മെ​റ്റീ​രി​യ​ലു​ക​ളും പ​ഠ​ന​ത്തി​നുപ​യോ​ഗി​ച്ചു. ജ​ന​പ്ര​തി​നി​ധി​ക​ൾ പ​രീ​ക്ഷാ കേ​ന്ദ്ര​ങ്ങ​ൾ സ​ന്ദ​ർ​ശി​ച്ചു. പ​ഠി​താ​ക്ക​ൾ​ക്ക് ചാ​യ​യും ഭ​ക്ഷ​ണ​വും ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ നേ​തൃ​ത്വ​ത്തി​ൽ ന​ൽ​കി.