ചാ​രും​മൂ​ട്: ചു​ന​ക്ക​ര കോ​മ​ല്ലൂ​രി​ൽ ദ​മ്പ​തി​ക​ളെ ആ​ക്ര​മി​ച്ച് വീ​ടി​നു​ള്ളി​ൽ സൂ​ക്ഷി​ച്ചി​രു​ന്ന ര​ണ്ടു​ല​ക്ഷ​ം രൂപയും 38 ഗ്രാം ​സ്വ​ർ​ണ​വും ക​വ​ർ​ന്ന സം​ഭ​വ​ത്തി​ൽ പോ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി. പ്ര​ദേ​ശ​ത്തെ സി​സി​ടിവി​ക​ൾ കേ​ന്ദ്രീ​ക​രി​ച്ചാ​ണ് പ്ര​ധാ​ന​മാ​യും അ​ന്വേ​ഷ​ണം ന​ട​ത്തു​ന്ന​ത്.

പി​ടി​കൂ​ടാ​നു​ള്ള ശ്ര​മ​ത്തി​നി​ടെ ദ​മ്പ​തി​ക​ളെ വെ​ട്ടു​ക​ത്തി ഉ​പ​യോ​ഗി​ച്ച് വെ​ട്ടിപ്പരി​ക്കേ​ൽ​പ്പി​ച്ച ശേ​ഷം മോ​ഷ്ടാ​വ് ഓ​ടി ര​ക്ഷ​പ്പെ​ടു​ക​യാ​യി​രു​ന്നു. ചു​ന​ക്ക​ര കോ​മ​ല്ലൂ​ർ ഈ​രി​ക്ക​ൽ പു​ത്ത​ൻ​വീ​ട്ടി​ൽ അ​ന്ന​മ്മ ജോ​ണി​ന്‍റെ വീ​ട്ടി​ലാ​യി​രു​ന്നു ക​ഴി​ഞ്ഞദി​വ​സം ക​വ​ർ​ച്ച ന​ട​ന്ന​ത്.

ഇ​വ​രു​ടെ ര​ണ്ടാ​മ​ത്തെ മ​ക​ൾ ലീ​ന​യു​ടെ ശ​സ്ത്ര​ക്രി​യ​യ്ക്കാ​യി ക​രു​തി​വ​ച്ച പ​ണ​മാ​ണ് ക​വ​ർ​ന്ന​ത്. ക​ഴി​ഞ്ഞദി​വ​സം പു​ല​ർ​ച്ചെ യായി​രു​ന്നു സം​ഭ​വം. വീ​ടി​നെ​ക്കു​റി​ച്ച് വ്യ​ക്ത​മാ​യി അ​റി​യാ​വു​ന്ന​വ​രാ​വാം മോ​ഷ​ണം ന​ട​ത്തി​യ​തെ​ന്ന സം​ശ​യ​ത്തി​ലാ​ണ് പോ​ലീ​സ്. മാ​ത്ര​മ​ല്ല മോ​ഷ്ടാ​വ് സ​ന്ധ്യ​ക്ക് മു​മ്പുത​ന്നെ വീ​ടി​നു​ള്ളി​ൽ ക​യ​റി ഒ​ളി​ച്ചി​രു​ന്ന​താ​കാ​മെ​ന്നും പോ​ലീ​സ് ക​രു​തു​ന്നു.

മോ​ഷ​ണസ​മ​യ​ത്തെ മൊ​ബൈ​ൽ ഫോ​ൺ ട​വ​ർ ലൊ​ക്കേ​ഷ​നു​ക​ൾ കേ​ന്ദ്രീ​ക​രി​ച്ചും പോ​ലീ​സ് അ​ന്വേ​ഷ​ണം ന​ട​ത്തു​ന്നു​ണ്ട്. അ​ന്ന​മ്മ​യു​ടെ ര​ണ്ടാ​മ​ത്തെ മ​ക​ളാ​യ ലീ​ന തി​രു​വ​ന​ന്ത​പു​ര​ത്താ​ണ് താ​മ​സം. ലീ​ന​യ്ക്ക് തി​രു​വ​ല്ല​യി​ലെ സ്വ​കാ​ര്യ ആ​ശു​പ​തി​യി​ൽ ഉ​ദ​ര സം​ബ​ന്ധ​മാ​യ ഒ​രു ശ​സ്ത്ര​ക്രി​യ ന​ട​ത്താ​ൻ ക​ഴി​ഞ്ഞ ദി​വ​സ​മാ​ണ് ലീ​ന​യും ഭ​ർ​ത്താ​വ് സു​ജി​ത് ഡാ​നി​യേ​ലും കോ​മ​ല്ലൂ​രി​ൽ എ​ത്തി​യ​ത്. ക​ഴി​ഞ്ഞദി​വ​സം ആ​ശു​പ​ത്രി​യി​ൽ പോ​കാ​നി​രി​ക്ക​വേ​യാ​ണ് മോ​ഷ​ണം ന​ട​ന്ന​ത്.

മോ​ഷ്‍​ടാ​വി​ന്‍റെ ആ​ക്ര​മ​ണ​ത്തി​ൽ ലീ​ന (44), ഭ​ർ​ത്താ​വ് സു​ജി​ത് ഡാ​നി​യേ​ൽ (51 ) എ​ന്നി​വ​ർ​ക്ക് പ​രി​ക്കേ​റ്റി​രു​ന്നു. സു​ജി​ത്തി​ന് ത​ല​യ്ക്കും ലീ​ന​യ്ക്ക് കൈവി​ര​ലി​നു​മാ​ണു പ​രി​ക്കേ​റ്റ​ത്. പ്ര​തി​യെക്കുറി​ച്ച് ഇ​തു​വ​രെ സൂ​ച​ന ല​ഭി​ച്ചി​ട്ടി​ല്ലെ​ന്നും അ​ന്വേ​ഷ​ണം ഊ​ർ​ജി​ത​മാ​ക്കി വ​രി​ക​യാ​ണെ​ന്നും കു​റ​ത്തി​കാ​ട് പോ​ലീ​സ് പ​റ​ഞ്ഞു.