അ​മ്പ​ല​പ്പു​ഴ: അ​റ്റ​കു​റ്റ​പ്പ​ണി​ക്കു​ശേ​ഷം റെ​യി​ൽ​വേ ഗേ​റ്റ് തു​റ​ന്നു കൊ​ടു​ത്തെ​ങ്കി​ലും വ​ലി​യ ദു​ര​ന്ത​മു​ണ്ടാ​കു​മെ​ന്ന ആ​ശ​ങ്ക​യി​ൽ യാ​ത്ര​ക്കാ​ർ.

അ​മ്പ​ല​പ്പു​ഴ തി​രു​വ​ല്ല സം​സ്ഥാ​ന പാ​ത​യി​ൽ ത​ക​ഴി റെ​യി​ൽ​വേ ക്രോ​സി​ലൂ​ടെ​യു​ള്ള യാ​ത്ര​യാ​ണ് ന​ടു​വൊ​ടി​ക്കു​ന്ന​ത്. ന​വം​ബ​ർ 23 നാ​ണ് അ​ഞ്ചു ദി​വ​സ​ത്തെ അ​റ്റ​കു​റ്റ​പ്പ​ണി​ക്കാ​യി ഇ​വി​ടെ റെ​യി​ൽ​വേ ഗേ​റ്റ​ട​ച്ച​ത്. എ​ന്നാ​ൽ ച​ക്കു​ള​ത്ത് കാ​വ് പൊ​ങ്കാ​ല ക​ണ​ക്കി​ലെ​ടു​ത്ത് നേ​ര​ത്തെ ത​ന്നെ ഗേ​റ്റ് തു​റ​ന്നു കൊ​ടു​ത്തു.

ഇ​തോ​ടെ​യാ​ണ് ഈ ​റൂ​ട്ടി​നെ ആ​ശ്ര​യി​ക്കു​ന്ന ആ​യി​ര​ക്ക​ണ​ക്കി​നു യാ​ത്ര​ക്കാ​ർ ദു​രി​ത​ത്തി​ലാ​യ​ത്. അ​റ്റ​കു​റ്റ​പ്പ​ണി പാ​തി​വ​ഴി​യി​ലാ​യ​തോ​ടെ കൂ​റ്റ​ൻ ക​ല്ലു​ക​ൾ റോ​ഡി​നു മു​ക​ളി​ൽ പൊ​ങ്ങി നി​ൽ​ക്കു​ക​യാ​ണ്. ഇ​ത് ഇ​തി​ലൂ​ടെ പോ​കു​ന്ന ഇ​രു​ച​ക്ര​വാ​ഹ​ന​ക്കാ​രു​ടെ ന​ടു​വൊ​ടി​ക്കു​ക​യാ​ണ്. പ്ര​ത്യേ​കി​ച്ചും ഇ​രു​ച​ക്ര​വാ​ഹ​ന​ങ്ങ​ളി​ലെ​ത്തു​ന്ന സ്ത്രീ​ക​ളാ​ണ് വ​ല​യു​ന്ന​ത്.

കൂ​ടു​ത​ൽ ഇ​രു​ച​ക്ര​വാ​ഹ​ന​ങ്ങ​ളും റോ​ഡി​ൽ ഉ​യ​ർ​ന്നു നി​ൽ​ക്കു​ന്ന കൂ​റ്റ​ൻ ക​ല്ലു​ക​ളി​ൽ​ത്ത​ട്ടി നി​യ​ന്ത്ര​ണം വി​ടു​ന്ന​തും വാ​ഹ​ന​ങ്ങ​ൾ റോ​ഡി​നു ന​ടു​ക്ക് നി​ന്നു​പോ​കു​ന്ന​തും പ​തി​വ് കാ​ഴ്ച​യാ​ണ്. ഇ​തു വ​ലി​യ അ​പ​ക​ട​ങ്ങ​ൾ​ക്കും കാ​ര​ണ​മാ​കു​മെ​ന്ന ആ​ശ​ങ്ക​യു​യ​ർ​ത്തി​യി​ട്ടു​ണ്ട്.

ചെ​റു​വാ​ഹ​ന​ങ്ങ​ളും ഇ​തി​ന്‍റെ ദു​രി​ത​മ​നു​ഭ​വി​ക്കു​ക​യാ​ണ്. പ്ര​തി ദി​നം ദീ​ർ​ഘ​ദൂ​ര കെ​എ​സ്ആ​ർ​ടി​സി ബ​സു​ക​ളും ച​ര​ക്കു ലോ​റി​ക​ളു​മു​ൾ​പ്പെ​ടെ നൂ​റു​ക​ണ​ക്കി​നു വാ​ഹ​ന​ങ്ങ​ളാ​ണ് ഈ ​സം​സ്ഥാ​ന പാ​ത​യെ ആ​ശ്ര​യി​ക്കു​ന്ന​ത്. എ​ന്നി​ട്ടും യാ​ത്ര​ക്കാ​രു​ടെ ദു​രി​തം ക​ണ്ടി​ല്ലെ​ന്നു ന​ടി​ക്കു​ക​യാ​ണ് റെ​യി​ൽ​വേ.

കൂ​റ്റ​ൻ ക​ല്ലു​ക​ൾ ഇ​ങ്ങ​നെ കി​ട​ക്കു​ന്ന​ത് ഇ​വി​ടെ പ്ര​ത്യേ​കി​ച്ചും രാ​ത്രി​കാ​ല​ങ്ങ​ളി​ൽ വ​ലി​യ ദു​ര​ന്ത​ത്തി​ന് വ​ഴി​വ​യ്ക്കു​മെ​ന്ന ആ​ശ​ങ്ക​യി​ലാ​ണ് യാ​ത്ര​ക്കാ​ർ.