ചാ​രും​മൂ​ട്: ചു​ന​ക്ക​ര കോ​മ​ല്ലൂ​രി​ൽ വീ​ടി​നു​ള്ളി​ൽ ക​വ​ർ​ച്ച. അ​ല​മാ​ര​യി​ലും ബാ​ഗി​ലും സൂ​ക്ഷി​ച്ചി​രു​ന്ന ര​ണ്ടു​ല​ക്ഷ​ം രൂപയും 38 ഗ്രാം ​സ്വ​ർ​ണ​വും ക​വ​ർ​ന്നു. പി​ടി​കൂ​ടാ​നു​ള്ള ശ്ര​മ​ത്തി​നി​ടെ ദ​മ്പ​തി​ക​ളെ വെ​ട്ടി പ​രി​ക്കേ​ൽ​പ്പി​ച്ച ശേ​ഷം മോ​ഷ്ടാ​വ് ഓ​ടി ര​ക്ഷ​പ്പെ​ട്ടു. ചു​ന​ക്ക​ര കോ​മ​ല്ലൂ​ർ ഈ​രി​ക്ക​ൽ പു​ത്ത​ൻ​വീ​ട്ടി​ൽ അ​ന്ന​മ്മ ജോ​ണി​ന്‍റെ വീ​ട്ടി​ലാ​യി​രു​ന്നു ക​വ​ർ​ച്ച. ഇ​വ​രു​ടെ ര​ണ്ടാ​മ​ത്തെ മ​ക​ൾ ലീ​ന​യു​ടെ ശ​സ്ത്ര​ക്രി​യ​യ്ക്കാ​യി ക​രു​തി​വ​ച്ച പ​ണ​മാ​ണ് ക​വ​ർ​ന്ന​ത്.

ഇ​ന്ന​ലെ പു​ല​ർ​ച്ചെ മൂ​ന്നി​നാ​യി​രു​ന്നു സം​ഭ​വം. വീ​ട്ടു​കാ​ർ ശ​ബ്ദം കേ​ട്ട് ഉ​ണ​ർ​ന്ന് ലൈ​റ്റി​ട്ട​പ്പോ​ൾ മു​റി​ക്കു​ള്ളി​ൽ നി​ൽ​ക്കു​ന്ന മോ​ഷ്ടാ​വി​നെ ക​ണ്ടു. ഉ​ട​ൻ​ത​ന്നെ ലീ​ന​യും ഭ​ർ​ത്താ​വ് സു​ജി​ത് ഡാ​നി​യേ​ലും ചേ​ർ​ന്ന് മോ​ഷ്ടാ​വി​നെ പി​ടി​ക്കൂ​ടാ​ൻ ശ്ര​മി​ച്ചെ​ങ്കി​ലും കൈ​യി​ലു​ണ്ടാ​യി​രു​ന്ന വെ​ട്ടു​ക​ത്തി ഉ​പ​യോ​ഗി​ച്ച് വെ​ട്ടി​പ്പ​രി​ക്കേ​ൽ​പ്പി​ച്ച ശേ​ഷം മോ​ഷ്ടാ​വ് ര​ക്ഷ​പ്പെ​ടു​ക​യാ​യി​രു​ന്നു. അ​ന്ന​മ്മ ജോ​ൺ ഒ​റ്റ​യ്ക്കാ​ണ് താ​മ​സം. ഇ​വ​ർ​ക്ക് മൂ​ന്നു പെ​ൺ​മ​ക്ക​ളാ​ണ്. മൂ​ന്നു​മ​ക്ക​ളെ​യും വി​വാ​ഹം ചെ​യ്ത് അ​യ​ച്ചു. ര​ണ്ടാ​മ​ത്തെ മ​ക​ൾ ലീ​ന തി​രു​വ​ന​ന്ത​പു​ര​ത്താ​ണ് താ​മ​സം.

ലീ​ന​യ്ക്ക് തി​രു​വ​ല്ല​യി​ലെ സ്വ​കാ​ര്യ ആ​ശു​പ​തി​യി​ൽ ഉ​ദ​രസം​ബ​ന്ധ​മാ​യ ഒ​രു ശ​സ്ത്ര​ക്രി​യ ന​ട​ത്താ​ൻ ക​ഴി​ഞ്ഞ ദി​വ​സ​മാ​ണ് ഭ​ർ​ത്താ​വ് സു​ജി​ത് ഡാ​നി​യേ​ലു​മാ​യി കോ​മ​ല്ലൂ​രി​ൽ എ​ത്തി​യ​ത്.

ഇ​ന്ന​ലെ ആ​ശു​പ​ത്രി​യി​ൽ പോ​കാ​നി​രി​ക്ക​വെ​യാ​ണ് മോ​ഷ​ണം ന​ട​ന്ന​ത്. പ​രി​ക്കേ​റ്റ ലീ​ന (44), ഭ​ർ​ത്താ​വ് സു​ജി​ത് ഡാ​നി​യേ​ൽ (51) എ​ന്നി​വ​രെ ക​റ്റാ​ന​ത്തെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. സു​ജി​ത്തി​ന് ത​ല​യ്ക്കും ലീ​ന​യ്ക്ക് കൈ ​വി​ര​ലി​നു​മാ​ണ് പ​രി​ക്കേ​റ്റ​ത്. കു​റ​ത്തി​കാ​ട് പോ​ലീ​സും ആ​ല​പ്പു​ഴ​യി​ൽ നി​ന്നെ​ത്തി​യ വി​ര​ല​ട​യാ​ള വി​ദ​ഗ്ധ​രും ഡോ​ഗ് സ്‌​ക്വാ​ഡും സ്ഥ​ലെ​ത്തി പ​രി​ശോ​ധ​ന ന​ട​ത്തി. കു​റ​ത്തി​കാ​ട് പോ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി.