മാന്നാ​ർ: പ​ഞ്ചാ​യ​ത്ത് പ്ര​സി​ഡ​ന്‍റി​നെ​തി​രേ യു​ഡി​എ​ഫ് അം​ഗ​ങ്ങ​ൾ അ​വി​ശ്വാ​സ​ത്തി​ന് നോ​ട്ടീ​സ് ന​ൽ​കി. മാ​ന്നാ​ർ പ​ഞ്ചാ​യ​ത്തി​ലെ പ​ദ്ധ​തി പ്ര​വ​ർ​ത്ത​ന​ങ്ങ​ളി​ൽ അ​ഴി​മ​തി​യും സ്വ​ജ​ന​പ​ക്ഷ​പാ​ത​വും കാ​ണി​ക്കു​ന്ന പ​ഞ്ചാ​യ​ത്ത് പ്ര​സി​ഡ​ന്‍റ് ടി.​വി. ര​ത്ന​കു​മാ​രി​യു​ടെ ന​ട​പ​ടി​ക്കെ​തി​രേയാ​ണ് യു​ഡി​എ​ഫ് അം​ഗ​ങ്ങ​ൾ അ​വി​ശ്വാ​സ​ത്തി​ന് നോ​ട്ടീ​സ് ന​ൽ​കി​യ​ത്.

മാ​വേ​ലി​ക്ക​ര ബ്ലോ​ക്ക് പ​ഞ്ചാ​യ​ത്ത് സെ​ക്ര​ട്ട​റി മു​മ്പാ​കെ​യാ​ണ് അ​വി​ശ്വാ​സ പ്ര​മേ​യ​ത്തി​ന് നോ​ട്ടീ​സ് ന​ൽ​കി​യി​രി​ക്കു​ന്ന​ത്. സു​ജി​ത്ത് ശ്രീ​രം​ഗം പ്ര​മേ​യ അ​വ​താ​ര​ക​നും അ​ജി​ത്ത് പ​ഴ​വൂ​ർ അ​നു​വാ​ദ​ക​നു​മാ​യു​ള്ള അ​വി​ശ്വാ​സ പ്ര​മേ​യ നോ​ട്ടീ​സി​ൽ യു​ഡി​എ​ഫി​ന്‍റെ മ​റ്റ് പ​ഞ്ചാ​യ​ത്തം​ഗ​ങ്ങ​ളാ​യ മ​ധു പു​ഴ​യോ​രം, വി.​കെ. ഉ​ണ്ണി​കൃ​ഷ്ണ​ൻ, വ​ത്സ​ല ബാ​ല​കൃ​ഷ്ണ​ൻ, രാ​ധാ​മ​ണി ശ​ശീ​ന്ദ്ര​ൻ, ഷൈ​ന ന​വാ​സ്, കെ. സി. ​പു​ഷ്പ​ല​ത എ​ന്നി​വ​ർ ഒ​പ്പി​ട്ടി​ട്ടു​മു​ണ്ട്.

18 അം​ഗ ഭ​ര​ണ​സ​മ​തി​യി​ൽ എ​ൽ​ഡി​എ​ഫ് ഒ​ൻ​പ​ത്, യു​ഡി​എ​ഫ് എ​ട്ട്, ബി​ജെ​പി ഒ​ന്ന് എ​ന്ന ത​ര​ത്തി​ലാ​യി​രു​ന്നു ക​ക്ഷി​നി​ല. കോ​ൺ​ഗ്ര​സി​ൽനി​ന്ന് കൂ​റു​മാ​റി എ​ൽ​ഡി​എ​ഫി​ൽ എ​ത്തി വൈ​സ് പ്ര​സി​ഡ​ന്‍റായ സു​നി​ൽ ശ്ര​ദ്ധേ​യ​ത്തെ ക​ഴി​ഞ്ഞ ആ​ഴ്ച​യി​ൽ ഇ​ല​ക്ഷ​ൻ ക​മ്മീ​ഷ​ൻ അ​യോ​ഗ്യ​നാ​യി പ്ര​ഖ്യാ​പി​ച്ചി​രു​ന്നു.

ഇ​തോ​ടെ​യാ​ണ് മാ​ന്നാ​റി​ൽ അ​വി​ശ്വാ​സ​ത്തി​ന് ക​ള​മൊ​രു​ങ്ങി​യ​ത്. നി​ല​വി​ൽ എ​ൽ​ഡി​എ​ഫ് എ​ട്ട്, യു​ഡി​എ​ഫ് എ​ട്ട്, ബി​ജെ​പി ഒ​ന്ന് എ​ന്ന രീ​തി​യി​ലാ​ണ് ക​ക്ഷി​നി​ല. ബി​ജെ​പി​യും അ​വി​ശ്വാ​സ​ത്തെ പി​ൻ​തു​ണ​യ്ക്കു​മെ​ന്നാ​ണ് അ​റി​യു​ന്ന​ത്.