എ​ട​ത്വ: സു​നു​വും സൗ​മ്യ​യും പി​ഞ്ചു​കു​ട്ടി​ക​ളു​മാ​യി അ​ന്ത്യ​യാ​ത്ര പ​റ​ഞ്ഞ​ത് ഒ​രു ചി​ത​യി​ല്‍. ക​ണ്ണീ​ര​ട​ക്കാ​ന്‍ ക​ഴി​യാ​തെ ത​ല​വ​ടി​ക്കാ​ര്‍ തേ​ങ്ങി. രോ​ഗ​വും സാ​മ്പ​ത്തി​ക പ​രാ​ധീ​ന​ത​യും ത​ള​ര്‍​ത്തി​യ​തോ​ടെ പി​ഞ്ചു​കു​ട്ടി​ക​ളെ കൊ​ന്ന് ദ​മ്പ​തി​ക​ള്‍ ജീ​വ​നൊ​ടു​ക്കി​യ കു​ടും​ബം ഒ​രു ചി​ത​യി​ലാ​ണ് അ​ന്ത്യ​യാ​ത്ര പ​റ​ഞ്ഞ​ത്.

ത​ല​വ​ടി പ​ഞ്ചാ​യ​ത്ത് ഒ​ന്‍​പ​താം വാ​ര്‍​ഡി​ല്‍ ച​ക്കു​ളം മൂ​ലേ​പ്പ​റ​മ്പ് വീ​ട്ടി​ല്‍ സു​നു (36), ഭാ​ര്യ സൗ​മ്യ (31), ഇ​ര​ട്ടക്കുട്ടി​ക​ളാ​യ ആ​ദി, ആ​ദില്‍ (മൂ​ന്ന​ര) എ​ന്നി​വ​രു​ടെ മൃ​ത​ദേ​ഹ​മാ​ണ് ഒരു ചി​ത​യി​ല്‍ അ​ട​ക്കി​യ​ത്. മൃ​ത​ദേ​ഹം എ​ട​ത്വ​യി​ലെ സ്വ​കാ​ര്യ ആ​ശു​പ​ത്രി മോ​ര്‍​ച്ച​റി​യി​ല്‍നി​ന്ന് പു​റ​ത്തേ​ക്ക് കൊ​ണ്ടു​വ​ന്ന​പ്പോ​ള്‍ മു​ത​ല്‍ നൂ​റു​ക​ണ​ക്കി​ന് ആ​ളു​ക​ളാ​ണ് ആ​ശു​പ​ത്രി​യി​ലും വ​ഴി​യി​ലു​മാ​യി ഒ​രു നോ​ക്കു കാ​ണാ​ന്‍ ത​ടി​ച്ചുകൂ​ടി​യ​ത്.

തി​ര​ക്ക് മൂ​ലം മ​ണി​ക്കൂ​റു​ക​ള്‍ താ​മ​സി​ച്ചാ​ണ് മൃ​ത​ദേ​ഹ​ങ്ങ​ള്‍ വീ​ട്ടി​ല്‍ എ​ത്തി​ച്ച​ത്. ത​ങ്ങ​ളു​ടെ പ്രി​യ​പ്പെ​ട്ട​വ​രെ അ​വ​സാ​ന​മാ​യി ഒ​രു​നോ​ക്കു കാ​ണാ​ന്‍ ആ​യി​ര​ക്ക​ണ​ക്കി​നാ​ളു​ക​ള്‍ വീ​ട്ടി​ലും എ​ത്തി​യി​രു​ന്നു.
ക​ഴി​ഞ്ഞ വ്യാ​ഴാ​ഴ്ച വ​രെ ആ​ദി​യു​ടെ​യും ആദിലി​ന്‍റെ യും ക​ളി​ചി​രി​ക​ള്‍ മു​ഴ​ങ്ങി​യ വീ​ട്ടി​ല്‍ തേ​ങ്ങ​ലും നെ​ടു​വീ​ര്‍​പ്പു​ക​ളും ഉ​യ​ര്‍​ന്നു. മൃ​ത​ദേ​ഹം പൊ​തു​ദ​ര്‍​ശ​ന​ത്തി​നാ​യി തൊ​ട്ട​ടു​ത്തു​ള്ള കു​ടും​ബ വീ​ട്ടി​ല്‍ ഒ​രേ നി​റ​മു​ള്ള വ​സ്ത്രം ധ​രി​പ്പി​ച്ച് നി​ര​ത്തി കി​ട​ത്തി​യ​പ്പോ​ള്‍ ഒ​രു​നോ​ക്ക് കാ​ണാ​നുള്ള ആ​ളു​ക​ളു​ടെ തി​ര​ക്ക് നി​യ​ന്ത്ര​ണാ​തീത​മാ​യി.

ഇ​നി സു​നു​വും കു​ടും​ബ​വും ത​ങ്ങ​ള്‍​ക്കൊ​പ്പമി​ല്ലെ​ന്ന് വി​ശ്വ​സ​ിക്കാ​ന്‍ ക​ഴി​യാ​തെ സു​ഹൃ​ത്തു​ക്ക​ള്‍ വി​തു​മ്പി.ഇ​ന്ന​ലെ വൈ​കി​ട്ട് 3.30 ഓ​ടെ സം​സ്‌​കാ​ര ച​ട​ങ്ങു​ക​ള്‍ ആ​രം​ഭി​ച്ചു. തു​ട​ര്‍​ന്ന് നാ​ലോടെ ആ​ദ്യം പി​താ​വാ​യ സു​നു​വി​ന്‍റെയും തു​ട​ര്‍​ന്ന് മ​ക്ക​ളാ​യ ആ​ദി​യു​ടെ​യും ആദിലി​ന്‍റെ യും അ​വ​സാ​നം അമ്മ സൗ​മ്യ​യു​ടെ​യും മൃ​ത​ദേ​ഹം ചി​ത​യി​ല്‍ കി​ട​ത്തി. സു​നു​വി​ന്‍റെ സ​ഹോ​ദ​ര​ന്‍ സു​ജി​ത്തി​ന്‍റെ മ​ക​ന്‍ സൂ​ര്യ​ന്‍ ചി​തയ്ക്ക് തീ ​കൊ​ളു​ത്തി.

ആ​റു വ​ര്‍​ഷ​ത്തെ കാ​ത്തി​രി​പ്പി​നൊ​ടു​വി​ല്‍ കി​ട്ടി​യ ആ​ദി​യു​ടേ​യും ആദിലി​ന്‍റെയും മൃ​ത​ദേ​ഹം ചി​ത​യി​ല്‍ ല​യി​ച്ച് ഇ​ല്ലാ​താ​കു​ന്ന​ത് കാ​ണാ​ന്‍ ക​ഴി​യാ​തെ സ്ത്രീ​ക​ള്‍ വാ​വി​ട്ട് ക​ര​ഞ്ഞു. ബാ​ങ്ക് ലോ​ണ്‍ എ​ടു​ത്തും ക​ടം വാ​ങ്ങി​യും പ​ടു​ത്തു​യ​ര്‍​ത്തി​യ വീ​ടി​നു മു​ന്നി​ല്‍ ര​ണ്ടു കു​ഞ്ഞു സൈ​ക്കി​ളു​ക​ളും ക​ളി​പ്പാ​ട്ട​ങ്ങ​ളും അ​നാ​ഥ​മാ​യി തീ​ര്‍​ന്നു.