ചേ​ര്‍​ത്ത​ല: ശ​ബ്ദ​സം​വി​ധാ​നം താ​റു​മാ​റാ​യ​ത് മ​ത്സ​രാ​ര്‍​ഥി​ക​ളെ വ​ല്ലാ​തെ വ​ല​ച്ചു. പ​ത്താം വേ​ദി​യി​ല്‍ ര​ണ്ടു​മ​ണി​ക്കൂ​റോ​ളം മ​ത്സ​ര​ങ്ങ​ള്‍ നി​ര്‍​ത്തി​വ​ച്ചു. ഇ​ന്ന​ലെ വീ​ണ, വ​യ​ലി​ന്‍, മൃ​ദം​ഗം, ത​ബ​ല തു​ട​ങ്ങി​യ മ​ത്സ​ര​ങ്ങ​ളാ​ണ് പ​ത്താം​വേ​ദി​യി​ല്‍ ഉ​ണ്ടാ​യി​രു​ന്ന​ത്. ഇ​തി​നാ​ക​ട്ടെ മൈ​ക്ക് സം​വി​ധാ​ന​വും ഒ​രു പ്ര​ധാ​ന ഘ​ട​ക​വും.

എ​ന്നാ​ല്‍, ശ​ബ്ദ​സം​വി​ധാ​നം ത​ക​രാ​റാ​യ​തി​നാ​ല്‍ രാ​വി​ലെ തു​ട​ങ്ങേ​ണ്ട വീ​ണ​വാ​യ​ന മ​ത്സ​രം ഇ​തോ​ടെ ഒ​ന്ന​ര​മ​ണി​ക്കൂ​റോ​ളം നീ​ട്ടി​വെ​ച്ചു. വീ​ണ​വാ​യ​ന​യി​ല്‍ പ​ങ്കെ​ടു​ക്കു​ന്ന മ​ത്സ​രാ​ര്‍​ഥി അ​ഞ്ജ​നാ അ​ജി​തി​ന് അ​ടു​ത്തു​ള്ള വേ​ദി​യി​ല്‍ മാ​ര്‍​ഗം​ക​ള​യി​ലും മ​ത്സ​രി​ക്കാ​ന്‍ പ​ങ്കെ​ടു​ക്ക​ണ​മാ​യി​രു​ന്നു.

ഇതേത്തുട​ര്‍​ന്ന് അ​ഞ്ജ​ന​യു​ടെ പി​താ​വ് അ​ജി​ത് വീ​ട്ടി​ല്‍നി​ന്നു കൊ​ണ്ടു​വ​ന്ന സ്പീ​ക്ക​ര്‍ സം​വി​ധാ​നം പ്ര​വ​ര്‍​ത്തി​പ്പി​ച്ചാ​ണ് മ​ത്സ​രം ന​ട​ത്തി​യ​ത്. തൊ​ട്ട​ടു​ത്തു​ള്ള പ്ര​ധാ​ന വേ​ദി​യി​ല്‍ നി​ന്നു​ള​ള ശ​ബ്ദ​കോ​ലാ​ഹ​ലം ഉ​ണ്ടാ​യി​രു​ന്ന​തി​നാ​ല്‍ പ​ത്താം വേ​ദി​യി​ല്‍ ന​ട​ക്കു​ന്ന പ​രി​പാ​ടി​ക​ള്‍ വ്യ​ക്ത​മാ​യി കേ​ള്‍​ക്കു​ന്നു​മു​ണ്ടാ​യി​രു​ന്നി​ല്ല. എ​ങ്ങ​നെ​യെ​ങ്കി​ലും പ​രി​പാ​ടി ന​ട​ത്തി അ​വ​സാ​നം സം​ഘാ​ട​ക​ര്‍ ത​ടി​ത​പ്പി​യെ​ന്നു​വേ​ണം പ​റ​യാ​ന്‍.