ആ​ല​പ്പു​ഴ: ആ​ല​പ്പു​ഴ മെ​ഡി​ക്ക​ൽ കോ​ള​ജി​ലെ​ത്തു​ന്ന രോ​ഗി​ക​ൾ മ​രു​ന്നി​ല്ലാ​തെ നെ​ട്ടോ​ട്ട​ത്തി​ൽ. രോ​ഗി​ക​ളു​ടെ അ​ടി​സ്ഥാ​ന സൗ​ക​ര്യ​ങ്ങ​ൾ​ക്കും മ​റ്റു മെ​ച്ച​പ്പെ​ട്ട ചി​കി​ത്സ​യ്ക്കു​മാ​യി കേ​ന്ദ്ര, സം​സ്ഥാ​ന സ​ർ​ക്കാ​രു​ക​ൾ കോ​ടി​ക​ളാ​ണ് ചെ​ല​വ​ഴി​ക്കു​ന്ന​ത്. ഇ​തെ​ല്ലാം കെ​ട്ടി​ട​ങ്ങ​ളു​ടെ നി​ർ​മാ​ണ​ത്തി​നാ​ണെ​ന്നു മാ​ത്ര​മേ​യു​ള്ളൂ.​ഇ​പ്പോ​ഴും നി​ർ​മാ​ണം ന​ട​ന്നു​കൊ​ണ്ടി​രി​ക്കു​ന്നു.

എ​ന്നാ​ൽ ആ​ശു​പ​ത്രി​യി​ലെ​ത്തു​ന്ന രോ​ഗി​ക​ൾ​ക്ക് അ​വ​ശ്യ​മ​രു​ന്നു​ക​ൾ ഇ​പ്പോ​ഴും ല​ഭ്യ​മ​ല്ല. സൗ​ജ​ന്യ​മാ​യി മ​രു​ന്നു ന​ൽ​കു​ന്ന ഫാ​ർ​മ​സി​യി​ലും കു​റ​ഞ്ഞ നി​ര​ക്കി​ൽ മ​രു​ന്നു​ക​ൾ ന​ൽ​കു​ന്ന കാ​രു​ണ്യ​യി​ലും ഭൂ​രി​ഭാ​ഗം മ​രു​ന്നു​ക​ളും ല​ഭ്യ​മ​ല്ല. കാ​ൻ​സ​ർ, വൃ​ക്ക രോ​ഗി​ക​ൾ​ക്കാ​വ​ശ്യ​മാ​യ കൂടി​യ നി​ര​ക്കി​ലു​ള്ള അ​വ​ശ്യ​മ​രു​ന്നു​ക​ൾ ആ​ശു​പ​ത്രി​യി​ൽ ഇ​ല്ലാ​ത്ത​തി​നാ​ൽ സ്വ​കാ​ര്യ മെ​ഡി​ക്ക​ൽ സ്‌​റ്റോ​റു​ക​ളി​ൽ നി​ന്നാ​ണ് രോ​ഗി​ക​ൾ മ​രു​ന്നു​ക​ൾ വാ​ങ്ങു​ന്ന​ത്.

ക​ഴി​ഞ്ഞ​ദി​വ​സം ക​രു​നാ​ഗ​പ്പ​ള്ളി സ്വ​ദേ​ശി​യാ​യ ഒ​രു രോ​ഗി​ക്ക് ഓ​ർ​ത്തോ വി​ഭാ​ഗ​ത്തി​ൽ​നി​ന്ന് മ​രു​ന്നി​നാ​യി കു​റി​ച്ചു​കൊ​ടു​ത്തി​രു​ന്നു. എ​ന്നാ​ൽ ഫാ​ർ​മ​സി​യി​ലും കാ​രു​ണ്യ​യി​ലും മ​രു​ന്നി​ല്ലാ​തി​രു​ന്ന​തി​നാ​ൽ 470 രൂ​പ മു​ട​ക്കി സ്വ​കാ​ര്യ മെ​ഡി​ക്ക​ൽ സ്‌​റ്റോ​റി​ൽ നി​ന്നാ​ണ് മ​രു​ന്നു വാ​ങ്ങേ​ണ്ടിവ​ന്ന​ത്.

ആ​ശു​പ​ത്രി​യി​ൽ നി​സാ​ര വി​ല​യു​ള്ള മ​രു​ന്നു​ക​ൾ പോ​ലു​മി​ല്ലെ​ങ്കി​ലും എ​ല്ലാ​വി​ധ മ​രു​ന്നു​ക​ളും സ​മീ​പ​ത്തെ സ്വ​കാ​ര്യ മെ​ഡി​ക്ക​ൽ സ്റ്റോ​റു​ക​ളി​ൽ ല​ഭ്യ​മാ​ണ്. ക​ഴി​ഞ്ഞ കു​റേ മാ​സ​ങ്ങ​ളാ​യി ആ​ശു​പ​ത്രി​യി​ൽ​നി​ന്ന് അ​വ​ശ്യ​മ​രു​ന്നു​ക​ൾ ല​ഭി​ക്കാ​ത്ത സ്ഥി​തി​യാ​ണ്. തി​ര​ക്കു​ള്ള സ​മ​യം ഏ​റെ നേ​രം ക്യൂ​നി​ന്ന് ഫാ​ർ​മ​സി കൗ​ണ്ട​റി​നു മു​ന്നി​ലെ​ത്തു​മ്പോ​ഴാ​ണ് മ​രു​ന്നി​ല്ലെ​ന്ന വി​വ​ര​മ​റി​യു​ന്ന​ത്. ആ​ശു​പ​ത്രി​യി​ലേ​ക്കു മ​രു​ന്നു വി​ത​ര​ണം ചെ​യ്യു​ന്ന മെ​ഡി​ക്ക​ൽ സ​ർ​വീ​സ് കോ​ർ​പറേ​ഷ​നു മ​രു​ന്നു​ക​ൾ വാ​ങ്ങി​യ ഇ​ന​ത്തി​ൽ കോ​ടി​ക​ൾ ന​ൽ​കാ​നു​ള്ള​തു കൊ​ണ്ട് മ​രു​ന്നു​ക​ൾ വി​ത​ര​ണം ചെ​യ്യാ​ത്ത​താ​ണ് പ്ര​തി​സ​ന്ധി​ക്ക് കാ​ര​ണ​മാ​യ​ത്. ഡോ​ക്ട​ർ​മാ​ർ അ​ഞ്ചു മ​രു​ന്നു​ക​ൾ കു​റി​ച്ചു കൊ​ടു​ത്താ​ൽ നാ​ലു​മ​രു​ന്നും ആ​ശു​പ​ത്രി​യി​ൽ കാ​ണാ​റി​ല്ല.

ഇ​തി​ന്‍റെ ദു​രി​ത​മ​നു​ഭ​വി​ക്കു​ന്ന​ത് ഇ​വി​ടെ ചി​കി​ത്സ​യ്ക്കെ​ത്തു​ന്ന നി​ർ​ധ​ന​രാ​യ രോ​ഗി​ക​ളാ​ണ്. കൂ​ടി​യ നി​ര​ക്കി​ൽ സ്വ​കാ​ര്യ മെ​ഡി​ക്ക​ൽ സ്‌​റ്റോ​റു​ക​ളി​ൽ നി​ന്ന് അ​വ​ശ്യ മ​രു​ന്നു​ക​ൾ വാ​ങ്ങാ​ൻ രോ​ഗി​ക​ൾ​ക്കു ക​ഴി​യാ​റി​ല്ല. സ്വ​കാ​ര്യ മെ​ഡി​ക്ക​ൽ സ്റ്റോ​റു​കാ​രെ സ​ഹാ​യി​ക്കു​ന്ന നി​ല​പാ​ടാ​ണ് സ​ർ​ക്കാ​ർ സ്വീ​ക​രി​ക്കു​ന്ന​തെ​ന്ന ആ​ക്ഷേ​പ​മു​ണ്ട്.