അ​മ്പ​ല​പ്പു​ഴ: വി​ത്ത് വി​ത​ച്ച​തി​നു പി​ന്നാ​ലെ പാ​ട​ശേ​ഖ​ര​ത്ത് മ​ട​വീ​ഴ്ച. വി​ത്ത് കി​ളിർ​ത്ത് ഞാ​റാ​കാ​ൻ തു​ട​ങ്ങു​ന്ന​തി​നു മു​മ്പു​ള്ള മ​ട​വീ​ഴ്ച​യി​ൽ ല​ക്ഷ​ങ്ങ​ളു‌​ടെ ന​ഷ്ടം. അ​മ്പ​ല​പ്പു​ഴ തെ​ക്ക് പ​ഞ്ചാ​യ​ത്ത് അ​ഞ്ചാം വാ​ർ​ഡ് ക​രു​മാ​ടി വി​ള​ക്കു​മ​ര​ത്തി​ന് സ​മീ​പം 11 ഏ​ക്ക​റു​ള്ള ചെ​മ്പി​ൽ പാ​ട​ശേ​ഖ​ര​ത്താ​ണ് ശ​നി​യാ​ഴ്ച പു​ല​ർ​ച്ചെ മ​ട​വീ​ണ​ത്.

ഈ ​മാ​സം 15നാ​യി​രു​ന്നു ഡി ​വ​ൺ ഉ​മ വി​ത്ത് വി​ത​ച്ച​ത്. ചൊ​വ്വാ​ഴ്ച ക​ള​നാ​ശി​നി പ്ര​യോ​ഗം ചെ​യ്യാ​നി​രി​ക്കെ​യാ​ണ് പു​ല​ർ​ച്ചെ മ​ട​വീ​ണ് കൃ​ഷി ന​ശി​ച്ച​ത്. ഏ​ക​ദേ​ശം രണ്ടു ല​ക്ഷം രൂ​പ​യു​ടെ ന​ഷ്ടം സം​ഭ​വി​ച്ച​താ​യി ക​ർ​ഷ​ക​ൻ അ​പ്പു പ​റ​ഞ്ഞു.

പ​ത്ത​നം​തി​ട്ട ജി​ല്ല​യി​ൽ തോ​രാ​തെ പെ​യ്യു​ന്ന മ​ഴ മൂ​ലം പ​മ്പ​യാ​റി​ന്‍റെ കൈ​വ​ഴി​യാ​യ പൂ​ക്കൈ​ത​യാ​റ് ക​ര​ക​വി​ഞ്ഞ​താ​ണ് ​പാ​ട​ശേ​ഖ​ര​ത്ത് മ​ട വീ​ഴ്ച​യു​ണ്ടാ​കാ​ൻ കാ​ര​ണ​മാ​യ​ത്. ഇ​നി മ​ട​യ​ട​യ്ക്കാ​നാ​യി ല​ക്ഷ​ങ്ങ​ൾ ചെ​ല​വി​ടേ​ണ്ട അ​വ​സ്ഥ​യി​ലാ​ണ് ക​ർ​ഷ​ക​ർ.

പൂ​ക്കൈ​ത​യാ​റി​ൽനി​ന്നു വെ​ള്ളം ക​യ​റി പാ​ട​ശേ​ഖ​രം ക​ര​ക​വി​ഞ്ഞു. കൃ​ഷി ഭ​വ​നി​ൽനി​ന്ന് ല​ഭി​ച്ച വി​ത്തി​ന് മു​ള​പ്പ് കു​റ​വാ​യ​തി​നാ​ൽ 15,000 രൂ​പ​യോ​ളം ചെ​ല​വ​ഴി​ച്ച് ര​ണ്ട​ര ക്വി​ന്‍റൽ വി​ത്ത് പു​റംവി​പ​ണി​യി​ൽനി​ന്ന് വാ​ങ്ങി​യാ​ണ് വി​ത​ച്ച​ത്. ഇ​താ​ണ് മ​ട വീ​ഴ്ച​യി​ൽ നശിച്ച​ത്. മ​ട​വീ​ഴ്ച​യു​ണ്ടാ​യ​പ്പോ​ൾ​ത്ത​ന്നെ കു​റ്റി നി​റ​ച്ച് മ​ട​വീ​ഴ്ച ത​ട​യാ​ൻ ശ്ര​മി​ച്ചെ​ങ്കി​ലും കു​ത്തൊ​ഴു​ക്കി​ൽ സാധിച്ചില്ല.