അ​മ്പ​ല​പ്പു​ഴ: കി​ട​പ്പു​രോ​ഗി​ക​ളെ തേ​ടി ക​രു​ണ്യം നി​റ​ഞ്ഞ മ​ന​സും മ​രു​ന്നു​മാ​യി ഡോ​ക്ട​റു​ടെ നേ​തൃ​ത്വ​ത്തി​ൽ ആ​രോ​ഗ്യ പ്ര​വ​ർ​ത്ത​ക​രു​ടെ സം​ഘ​മെ​ത്തു​ന്ന പു​തി​യ പ​ദ്ധ​തി​ക്ക് തു​ട​ക്ക​മാ​യി. പു​റ​ക്കാ​ട് പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ന്‍റെ നേ​തൃ​ത്വ​ത്തി​ലാ​ണ് ചി​കി​ത്സ വീ​ട്ടു​പ​ടി​ക്ക​ലെ​ത്തു​ന്ന ‘വീ​ട്ടി​ലെ​ത്തും ആ​രോ​ഗ്യം’ എ​ന്ന പു​തി​യ പ​ദ്ധ​തി​ക്ക് തു​ട​ക്ക​മാ​യ​ത്.

ആ​ഴ്ച​യി​ൽ ഒ​രു ദി​വ​സം രണ്ടു വാ​ർ​ഡു​ക​ളി​ലെ കി​ട​പ്പു​രോ​ഗി​ക​ളെ ഡോ​ക്ട​റു​ടെ നേ​തൃ​ത്വ​ത്തി​ലു​ള്ള മെ​ഡി​ക്ക​ൽ സം​ഘം വീ​ടു​ക​ളി​ലെ​ത്തി പ​രി​ശോ​ധിച്ച് കൃ​ത്യ​മാ​യ ചി​കി​ത്സ ഉ​റ​പ്പാ​ക്കു​മെ​ന്ന് മെ​ഡി​ക്ക​ൽ ഓ​ഫീ​സ​ർ ഡോ. ​ഷി​ബു സു​കു​മാ​ര​ൻ പ​റ​ഞ്ഞു.

ഇ​തോ​ടെ കി​ട​പ്പു​രോ​ഗി​ക​ളു​ടെ ബ​ന്ധു​ക്ക​ൾ മ​രു​ന്നി​നാ​യി ആ​ശു​പ​ത്രി​യി​ൽ വ​രു​ന്ന​ത് ഒ​ഴി​വാ​ക്കാ​നും ക​ഴി​യും. ഇ​തി​നി​ട​യി​ൽ എ​ന്തെ​ങ്കി​ലും ബു​ദ്ധി​മു​ട്ട് കി​ട​പ്പു​രോ​ഗി​ക്കു​ണ്ടാ​യാ​ൽ വീ​ഡി​യോ കോ​ൾ മു​ഖേ​ന വി​വ​ര​ങ്ങ​ൾ കൈ​മാ​റു​മെ​ന്നും മെ​ഡി​ക്ക​ൽ ഓ​ഫീ​സ​ർ പ​റ​ഞ്ഞു.

എം​എ​ൽ​എ​സ്പി ​ന​ഴ്സ് ആ​മി​ന, പാ​ലി​യേ​റ്റീ​വ് ന​ഴ്സ് ഷീ​ല, ആ​ശാ പ്ര​വ​ർ​ത്ത​ക​രാ​യ സു​ധ, വി​ഭ, സു​ധ​മോ​ൾ എ​ന്നി​വ​ര​ട​ങ്ങു​ന്ന സം​ഘ​മാ​ണ് ഡോ​ക്ട​റെ​ക്കൂ​ടാ​തെ മെ​ഡി​ക്ക​ൽ സം​ഘ​ത്തി​ലു​ള്ള​ത്.