മാ​ന്നാ​ർ: കാ​ത്തി​രി​പ്പി​നു വി​രാ​മ​മി​ട്ട് മാ​ന്നാ​ർ സ​ബ്ട്ര​ഷ​റി തു​റ​ന്നു. ഏ​ഴുവ​ർ​ഷ​മാ​യി ന​ട​ന്ന നി​ർ​മാ ണ​പ്ര​വ​ർ​ത്ത​ന​ങ്ങ​ൾ​ക്കും പ​ല ത​വ​ണ മാ​റ്റിവ​ച്ച ഉ​ദ്‌​ഘാ​ട​ന കാ​ത്തി​രി​പ്പി​നും വി​രാ​മം കു​റി​ച്ച് മാ​ന്നാ​ർ സ​ബ് ട്ര​ഷ​റി​യു​ടെ പു​തി​യ ബ​ഹു​നി​ല​ക്കെ​ട്ടി​ടം മ​ന്ത്രി സ​ജി ചെ​റി​യാ​ൻ ഉ​ദ്‌​ഘാ​ട​നം ചെ​യ്തു.

കൊ​ടി​ക്കു​ന്നി​ൽ സു​രേ​ഷ് എം​പി മു​ഖ്യ സാ​ന്നി​ധ്യം വ​ഹി​ച്ചു. മാ​ന്നാ​ർ ബ​സ് സ്റ്റാ​ൻ​ഡി​നു പു​റ​കി​ലാ​യി പ​ഞ്ചാ​യ​ത്ത് ന​ൽ​കി​യ സ്ഥ​ല​ത്താ​ണ് സ​ബ് ട്ര​ഷ​റി​ക്കു​ള്ള ബ​ഹു​നി​ല​കെ​ട്ടി​ടം നി​ർ​മി​ച്ചി​രി​ക്കു​ന്ന​ത്. ഏ​ഴുവ​ർ​ഷം കൊ​ണ്ട് നി​ർ​മാ​ണം പൂ​ർ​ത്തി​യാ​യ കെ​ട്ടി​ട​ത്തി​ന്‍റെ ഉ​ദ്‌​ഘാ​ട​ന​ത്തി​നാ​യി ആ​റു​മാ​സ​ത്തെ കാ​ത്തി​രിപ്പാ​യി​രു​ന്നു. ക​ഴി​ഞ്ഞ ഏ​ഴി​ന് തീ​രു​മാ​നി​ച്ച ഉ​ദ്‌​ഘാ​ട​നം മ​ന്ത്രി​മാ​രു​ടെ അ​സൗ​ക​ര്യ​ത്താ​ൽ ഇ​ന്ന​ല​ത്തേ​ക്ക് നി​ശ്ച​യി​ക്കു​ക​യാ​യി​രു​ന്നു. ധ​ന മ​ന്ത്രി കെ.​എ​ൻ. ബാ​ല​ഗോ​പാ​ൽ ഉ​ദ്‌​ഘാ​ട​ക​നാ​യി എ​ത്തു​മെ​ന്ന് അ​റി​യി​ച്ചി​രു​ന്നു​വെ​ങ്കി​ലും അ​ടി​യ​ന്തര സാ​ഹ​ച​ര്യ​ത്തി​ൽ അ​ദ്ദേ​ഹ​ത്തി​ന് എ​ത്താ​ൻ ക​ഴി​യാ​തെ വ​ന്ന​തോ​ടെ മ​ന്ത്രി സ​ജി ചെ​റി​യാ​ൻ ഉ​ദ്‌​ഘാ​ട​നം ചെ​യ്യു​ക​യാ​യി​രു​ന്നു.

മാ​വേ​ലി​ക്ക​ര ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് ഇ​ന്ദി​രാ ദാ​സ് അ​ധ്യക്ഷ​ത വ​ഹി​ച്ചു. മാ​ന്നാ​ർ പ​ഞ്ചാ​യ​ത്ത് പ്ര​സി​ഡ​ന്‍റ് ടി.​വി. ര​ത്ന​കു​മാ​രി, ട്ര​ഷ​റി ഡ​യ​റ​ക്ട​ർ വി.​ സാ​ജ​ൻ, ജി​ല്ലാ പ​ഞ്ചാ​യ​ത്ത് സ്ഥി​രം​സ​മി​തി അ​ധ്യക്ഷ വ​ത്സ​ല മോ​ഹ​ൻ, ജി​ല്ലാ​പ​ഞ്ചാ​യ​ത്തം​ഗം ആ​തി​ര.​ജി, ബ്ലോ​ക്ക് പ​ഞ്ചാ​യ​ത്ത് സ്ഥി​രം​സ​മി​തി അ​ധ്യക്ഷ​ൻ ബി.​കെ പ്ര​സാ​ദ് എ​ന്നി​വ​ർ പ്ര​സം​ഗി​ച്ചു.

സാ​ങ്കേ​തി​ക ക്ര​മീ​ക​ര​ണ​ങ്ങ​ൾ കൂ​ടി പൂ​ർ​ത്തി​യാ​കു​ന്ന​തോ​ടെ ഒ​രാ​ഴ്ച​ക്കു​ള്ളി​ൽ സ​ബ് ട്ര​ഷ​റി പു​തി​യ കെ​ട്ടി​ട​ത്തി​ൽ പ്ര​വ​ർ​ത്തി​ച്ച് തു​ട​ങ്ങു​മെ​ന്ന് ട്ര​ഷ​റി ഡ​യ​റ​ക്ട​ർ വി.​ സാ​ജ​ൻ മ​ന്ത്രി സ​ജി ചെ​റി​യാ​ന് ഉ​റ​പ്പു ന​ൽ​കി.

മു​ൻ​നി​ര​യി​ൽ ഇ​രി​പ്പി​ടം കി​ട്ടാ​തെ ട്ര​ഷ​റി ഡ​യ​റ​ക്ട​ർ

മാ​ന്നാ​ർ: മാ​ന്നാ​ർ സ​ബ് ട്ര​ഷ​റി​യു​ടെ ഉദ്ഘാ​ട​നച്ച​ട​ങ്ങി​ൽ ട്ര​ഷ​റി ഡ​യ​റ​ക്ട​ർ​ക്കു മു​ൻ​നി​ര​യി​ൽ ഇ​രി​പ്പി​ട​മി​ല്ല. പി​ന്നെ മ​ന്ത്രി ഇ​ട​പെ​ട്ട​തി​നെത്തുട​ർ​ന്ന് ട്ര​ഷ​റി ഡ​യ​റ​ക്ട​ർ​ക്കു മു​ൻ​നി​ര​യി​ൽ സീ​റ്റ് ല​ഭി​ച്ചു. മാ​ന്നാ​ർ സ​ബ് ട്ര​ഷ​റി​യു​ടെ ഉ​ദ്ഘാ​ട​ന ച​ട​ങ്ങി​ലാ​ണ് നാ​ട​കീ​യ രം​ഗ​ങ്ങ​ളി​ലൂ​ടെ സീ​റ്റ് മാ​റ​ൽ അ​ര​ങ്ങേ​റി​യ​ത്.

മ​ന്ത്രി സ​ജി ചെ​റി​യാ​ൻ ഉ​ദ്ഘാ​ട​ന പ്ര​സം​ഗം ന​ട​ത്തു​ന്ന​തി​നി​ട​യി​ൽ സ​ബ് ട്ര​ഷ​റി​യു​ടെ പ്ര​വ​ർ​ത്ത​നം ഒ​ന്നി​നു തു​ട​ങ്ങ​ണ​മെ​ന്ന് ഉ​ദ്യോ​ഗ​സ്ഥ​രോ​ട് നി​ർ​ദേശി​ച്ചു. ഇ​തി​നി​ട​യി​ലാ​ണ് ട്ര​ഷ​റി ഡ​യ​റ​ക്ട​ർ വി.​ സാ​ജ​നെ അ​ന്വേ​ഷി​ച്ച​ത്.

മു​ൻനി​ര​യി​ൽ കാ​ണ​ത്ത​തി​നാ​ൽ പി​ന്നി​ലേ​ക്കു നോ​ക്കി​യ​പ്പോ​ൾ ഏ​റ്റ​വും പി​ന്നി​ലാ​യി ഇ​രു​ന്ന ഡ​യ​റ​ക്ട​റെ​ മ​ന്ത്രി ക​ണ്ട​ത്. മു​ൻ​നി​ര സീ​റ്റു​ക​ളെ​ല്ലാം രാ​ഷ്ട്രീ​യ​ക്കാ​ർ കൈ​യ​ട​ക്കി​യി​രി​ക്കു​ക​യാ​യി​രു​ന്നു. വീ​ട്ടു​കാ​ർ​ക്ക് സ്വ​ന്തം വീ​ട്ടി​ൽ സ്ഥാ​ന​മി​ല്ലാ​ത്ത പോലെയാണ് ട്ര​ഷ​റി ഉ​ദ്ഘാ​ട​ന​ത്തി​ന് ഡ​യ​റ​ക്ട​ർ​ക്ക് സീ​റ്റ് ഇ​ല്ലാ​ത്ത അ​വ​സ്ഥ​യെ​ന്ന് മ​ന്ത്രി പ​രി​ഹ​സി​ക്കു​ക​യും ചെ​യ്തു. മു​ൻ​നി​ര​യി​ൽ ഒ​രു സീ​റ്റ് ഇ​ട്ടു കൊ​ടു​ക്കു​വാ​ൻ മ​ന്ത്രി നി​ർ​ദേ​ശി​ക്കു​ക​യും ചെ​യ്തു. പു​തി​യ ക​സേ​ര മു​ൻനി​ര​യി​ൽ ഇ​ട്ട​പ്പോ​ഴേ​ക്കും സി ​പി​എം ഏ​രി​യാ സെ​ക്ര​ട്ട​റി പ്ര​ഫ.​ പി.​ഡി.​ ശ​ശി​ധ​ര​ൻ എ​ഴു​ന്നേ​റ്റ് സീ​റ്റ് ഡ​യ​റ​ക്ട​ർ​ക്കാ​യി ഒ​ഴി​ഞ്ഞുകൊ​ടു​ത്ത് പ്ര​ശ്നം പ​രി​ഹ​രി​ക്കു​ക​യും ചെ​യ്തു.