മ​ങ്കൊ​മ്പ്: കാ​ല​വ​ർ​ഷ​വും പു​തി​യ അ​ധ്യ​യ​ന വ​ർ​ഷ​വും പ​ടി​വാ​തി​ൽ​ക്ക​ലെ​ത്തി​യി​ട്ടും ന​ന്നാ​വാ​തെ കാ​വാ​ല​ത്തെ റോ​ഡു​ക​ൾ. പ​ള്ളി​ക്കൂ​ട്ടു​മ്മ- നീ​ലം​പേ​രൂ​ർ റോ​ഡി​ന്‍റെ ഭാ​ഗ​മാ​യ കൈ​ന​ടി-കാ​വാ​ലം റോ​ഡി​ന്‍റെ പ​ലേ​ട​ത്തും ടാ​റിം​ഗ് ഇ​ള​കി വ​ലി​യ കു​ഴി​ക​ൾ രൂ​പ​പ്പെ​ട്ടി​രി​ക്കു​ക​യാ​ണ്. കോ​ട്ട​യം, ച​ങ്ങ​നാ​ശേ​രി എ​ന്നി​വി​ട​ങ്ങ​ളി​ലേ​ക്കു നി​ര​വ​ധി കെ​എ​സ്ആ​ർ​ടി​സി ബ​സു​ക​ളാ​ണ് ഇ​തു​വ​ഴി ദി​വ​സേ​ന സ​ർ​വീ​സ് ന​ട​ത്തു​ന്ന​ത്. ച​ങ്ങ​നാ​ശേ​രി, ചി​ങ്ങ​വ​നം, കോ​ട്ട​യം തു​ട​ങ്ങി​യ പ്ര​ദേ​ശ​ങ്ങ​ളി​ൽ​നി​ന്നു​ള്ള നി​ര​വ​ധി സ്‌​കൂ​ൾ ബ​സു​ക​ളും ഇ​തു​വ​ഴി സ​ർ​വീ​സ് ന​ട​ത്തു​ന്നു​ണ്ട്.

വേ​ന​ൽ​മ​ഴ ആ​രം​ഭി​ച്ച​തോ​ടെ കു​ഴി​ക​ളി​ൽ വെ​ള്ള​ക്കെ​ട്ടു രൂ​പ​പ്പെ​ട്ട് അ​പ​ക​ട​ങ്ങ​ളും തു​ട​ർ​ക്ക​ഥ​യാ​യി. ഇ​രു​ച​ക്ര വാ​ഹ​ന​യാ​ത്രി​ക​രു​ടെ കാ​ര്യ​മാ​ണ് ഏ​റെ ക​ഷ്ടം. വ​ലി​യ വാ​ഹ​ന​ങ്ങ​ൾ വെ​ള്ള​ക്കെ​ട്ടി​ലൂ​ടെ ക​ട​ന്നു​പോ​കു​മ്പോ​ൾ സ​മീ​പ​ത്തു​ള്ള കാ​ൽ​ന​ട​യാ​ത്ര​ക്കാ​രു​ടെ വ​സ്ത്ര​ങ്ങ​ളി​ലും മ​റ്റും ചെ​ളി​വെ​ള്ളം പ​തി​ക്കു​ന്നു.

കാ​വാ​ലം ബ​സ് സ്റ്റാ​ൻ​ഡി​നു സ​മീ​പം, എ​സ്ബി​ഐ ജം​ഗ്ഷ​നു സ​മീ​പം എ​ന്നി​വി​ട​ങ്ങ​ളി​ലാ​ണ് ഏ​റ്റ​വു​മ​ധി​കം അ​പ​ക​ടാ​വ​സ്ഥി​തി​യു​ള്ള​ത്. നി​ര​വ​ധി വി​ദ്യാ​ല​യ​ങ്ങ​ൾ, ബാ​ങ്കു​ക​ൾ, ആ​രാ​ധ​നാ​ല​യ​ങ്ങ​ൾ, വി​വി​ധ സ​ർ​ക്കാ​ർ ഓ​ഫീ​സു​ക​ൾ തു​ട​ങ്ങി​യ ഇ​ട​ങ്ങ​ളി​ലേ​ക്കെ​ല്ലാം ആ​ളു​ക​ൾ​ക്കെ​ത്താ​നു​ള്ള റോ​ഡാ​ണ് മാ​സ​ങ്ങ​ളാ​യി ത​ക​ർ​ന്നു കി​ട​ക്കു​ന്ന​ത്. ആ​ല​പ്പു​ഴ- കോ​ട്ട​യം റൂ​ട്ടി​ലെ ഹ്രസ്വ​ദൂ​ര പാ​ത​യാ​യ​തി​നാ​ൽ ജി​ല്ല​യ്ക്കു പു​റ​മെ​നി​ന്നു​ള്ള നൂ​റു​ക​ണ​ക്കി​നു വാ​ഹ​ന​ങ്ങ​ളും ദി​വ​സേ​ന ഇ​തു​വ​ഴി ക​ട​ന്നു​പോ​കു​ന്നു​ണ്ട്.

പ​റ​ഞ്ഞു​മ​ടു​ത്തു

റോ​ഡി​ന്‍റെ ശോ​ച​നീ​യാ​വ​സ്ഥ പ​ല​വ​ട്ടം നാ​ട്ടു​കാ​ർ പൊ​തു​മ​രാ​മ​ത്ത് അ​ധി​കൃ​ത​രെ​യും ജ​ന​പ്ര​തി​നി​ധി​ക​ളെ​യും അ​റി​യി​ച്ചെ​ങ്കി​ലും ഒ​രു ന​ട​പ​ടി​യു​മു​ണ്ടാ​യി​ല്ല. ഇ​തു നാ​ട്ടു​കാ​രു​ടെ ക​ടു​ത്ത പ്ര​തി​ഷേ​ധ​ത്തി​നും ഇ​ട​യാ​ക്കി​യി​ട്ടു​ണ്ട്. ക​ഴി​ഞ്ഞ ദി​വ​സം സ്ഥ​ല​ത്തെ​ത്തി​യ എം​എ​ൽ​എ​യ്ക്കു സൂ​ര്യ​യു​വ​ജ​ന ക്ഷേ​മ​കേ​ന്ദ്ര​ത്തി​ന്‍റെ നേ​തൃ​ത്വ​ത്തി​ൽ നി​വേ​ദ​നം ന​ൽ​കി​യി​രു​ന്നു. റോ​ഡ് ന​ന്നാ​ക്കാ​ൻ അ​ടി​യ​ന്ത​ര ന​ട​പ​ടി സ്വീ​ക​രി​ക്കു​മെ​ന്ന് ഉ​റ​പ്പു ല​ഭി​ച്ചെ​ങ്കി​ലും മു​ൻ​കാ​ല അ​നു​ഭ​വം പ്ര​തീ​ക്ഷ​യ്ക്കു വ​ക ന​ൽ​കു​ന്നി​ല്ലെ​ന്നാ​ണ് നാ​ട്ടു​കാ​രു​ടെ ആ​ക്ഷേ​പം.