കാ​ഴ്ച​പ​രി​മി​തി നേ​രി​ടു​ന്ന ന​ടേ​ശ​ന് ക​രു​ത​ലി​ന്‍റെ ക​ണ്ണാ​യി അ​ദാ​ല​ത്ത്
Monday, May 29, 2023 9:44 PM IST
ചേ​ർ​ത്ത​ല: കൈ​യി​ല്‍ കി​ട്ടി​യ റേ​ഷ​ന്‍ കാ​ര്‍​ഡി​ല്‍ എ​ഴു​തി​യി​രി​ക്കു​ന്ന​ത് കാ​ണാ​നോ വാ​യി​ക്കാ​നോ ന​ടേ​ശ​ന് ക​ഴി​യി​ല്ല. എ​ങ്കി​ലും ത​ന്‍റെ ഏ​റെ നാ​ള​ത്തെ കാ​ത്തി​രി​പ്പി​ന് സ​ന്തോ​ഷ​ത്തി​ന്‍റെ പ​ര്യ​വ​സാ​നം ത​ന്ന സ​ര്‍​ക്കാ​രി​നോ​ട് ന​ന്ദി പ​റ​യു​ക​യാ​ണ് ഈ ​അ​മ്പ​തി​യാ​റു​കാ​ര​ന്‍.
സം​സ്ഥാ​ന സ​ര്‍​ക്കാ​രി​ന്‍റെ ര​ണ്ടാം വാ​ര്‍​ഷി​ക​വു​മാ​യി ബ​ന്ധ​പ്പെ​ട്ട് മ​ന്ത്രി​മാ​രാ​യ പി.​ പ്ര​സാ​ദ്, സ​ജി ചെ​റി​യാ​ൻ എ​ന്നി​വ​രു​ടെ നേ​തൃ​ത്വ​ത്തി​ൽ ന​ട​ത്തു​ന്ന ക​രു​ത​ലും കൈ​ത്താ​ങ്ങും ചേ​ര്‍​ത്ത​ല താ​ലൂ​ക്ക് ത​ല പ​രാ​തി പ​രി​ഹാ​ര അ​ദാ​ല​ത്തി​ലാ​ണ് അ​രൂ​ര്‍ പ​ഞ്ചാ​യ​ത്ത് ആ​റാം വാ​ര്‍​ഡ് ച​ന്ദ്രി​ക നി​വാ​സി​ല്‍ താ​മ​സി​ക്കു​ന്ന കെ.​എ​ന്‍. ന​ടേ​ശ​ന്‍റെ മു​ന്‍​ഗ​ണ​ന വി​ഭാ​ഗ​ത്തി​ലാ​യി​രു​ന്ന റേ​ഷ​ന്‍ കാ​ര്‍​ഡ് എഎവൈ ​വി​ഭാ​ഗ​ത്തി​ലേ​ക്ക് ത​രം മാ​റ്റി ന​ല്‍​കി​യ​ത്.
നൂ​റുശ​ത​മാ​ന​വും കാ​ഴ്ച പ​രി​മി​തി നേ​രി​ടു​ന്ന ന​ടേ​ശ​ന്‍ ഭാ​ര്യ​യു​മൊ​ത്ത് മൂ​ന്ന് സെ​ന്‍റ് ഭൂ​മി​യി​ല്‍ സ​ര്‍​ക്കാ​ര്‍ അ​നു​വ​ദി​ച്ച വീ​ട്ടി​ലാ​ണ് താ​മ​സം. തെ​ങ്ങ് ക​യ​റ്റ തൊ​ഴി​ലാ​ളിയായി​രു​ന്ന അ​ദ്ദേ​ഹ​ത്തി​ന് 26 കൊ​ല്ല​മാ​യി കാ​ഴ്ച ശ​ക്തി ന​ഷ്ട​പ്പെ​ട്ടി​ട്ട്.
ചെ​മീ​ന്‍ പീ​ലിം​ഗ്‌ തൊ​ഴി​ലാ​ളി​യാ​യ ഭാ​ര്യ​ക്ക് ല​ഭി​ക്കു​ന്ന ചെ​റി​യ കൂ​ലി മാ​ത്ര​മാ​ണ് വ​രു​മാ​ന​മാ​ര്‍​ഗം. മു​ന്‍​ഗ​ണ​ന റേ​ഷ​ന്‍ കാ​ര്‍​ഡ് ആ​യ​തി​നാ​ല്‍ വ​ര്‍​ഷ​ങ്ങ​ളാ​യി കു​ടും​ബ​ത്തി​ന് സ​ര്‍​ക്കാ​ര്‍ അ​നു​വ​ദി​ച്ചു ന​ല്‍​കി​യി​രു​ന്ന സൗ​ജ​ന്യ ഭ​ക്ഷ്യ​ധാ​ന്യ​ങ്ങ​ളും മ​റ്റ് സ​ഹാ​യ​ങ്ങ​ളും ല​ഭി​ച്ചി​രു​ന്നി​ല്ല.

Copyright @ 2022 , Rashtra Deepika Ltd.