ആ​ല​ക്കോ​ട്: വ​യ​നാ​ട്ടി​ലെ ദു​ര​ന്ത ഭൂ​മി​യി​ലെ ഹൃ​ദ​യ​ഭേ​ദ​ക​മാ​യ കാ​ഴ്ച​ക​ൾ​ക്ക് സാ​ക്ഷ്യം വ​ഹി​ച്ചു ത​ങ്ങ​ളു​ടെ ക​ർ​മ മ​ണ്ഡ​ല​ങ്ങ​ളി​ൽ രാ​ത്രി​യെ​ന്നോ പ​ക​ലെ​ന്നോ വ്യ​ത്യാ​സ​മി​ല്ലാ​തെ നേ​വി അ​ട​ക്ക​മു​ള്ള സം​വി​ധാ​ന​ങ്ങ​ളോ​ടു ചേ​ർ​ന്നു പ്ര​വ​ർ​ത്തി​ച്ച​വ​രാ​ണ് ആ​ല​ക്കോ​ട് സ്വ​ദേ​ശി​ക​ളാ​യ സി.​പി. ബി​ജു​മോ​നും വി​നോ​ദും ര​ഞ്ജി​ത്ത് കൃ​ഷ്ണ​നും. ആ​റു ദി​വ​സ​മാ​ണ് ഇ​വ​ർ ഈ ​പ്ര​ദേ​ശ​ത്ത് ക​ഠി​നാ​ധ്വാ​നം ചെ​യ്ത​ത്.

സി.​പി. ബി​ജു​മോ​ൻ ത​ന്‍റെ ജാ​ക്കി ഹാ​മ​ർ എ​യ​ർ കം​പ്ര​സ​ർ ഉ​പ​യോ​ഗി​ച്ച് ദു​ര​ന്ത​സ്ഥ​ല​ത്ത് ക​ല്ലു​ക​ൾ​ക്കി​ട​യി​ൽ കു​ടു​ങ്ങി​യ​വ​രെ പു​റ​ത്തെ​ടു​ത്ത​പ്പോ​ൾ ര​ഞ്ജി​ത്ത് ആ​ല​ക്കോ​ട് സ​ഹ​ക​ര​ണ ആ​ശു​പ​ത്രി​യു​ടെ ആം​ബു​ല​ൻ​സി​ൽ പ​രി​ക്കു പ​റ്റി​യ​വ​രെ​യും മ​രി​ച്ച​വ​രെ​യും ആ​ശു​പ​ത്രി​യി​ൽ എ​ത്തി​ക്കു​ക​യാ​യി​രു​ന്നു. ആ​ല​ക്കോ​ട് എ​സ്ഐ വി​ളി​ച്ച​തി​ന്‍റെ അ​ടി​സ്ഥാ​ന​ത്തി​ൽ ദു​ര​ന്തം ഉ​ണ്ടാ​യ​തി​ന്‍റെ അ​ടു​ത്ത രാ​ത്രി​യി​ൽ കി​ലോ​മീ​റ്റ​റോ​ളം സ​ഞ്ച​രി​ച്ചാ​ണ് ബി​ജു​മോ​ൻ ചൂ​ര​ൽ​മ​ല​യി​ലേ​ക്കു പോ​യ​ത്. ദു​ര​ന്തം അ​റി​ഞ്ഞ​പ്പോ​ൾ ത​ന്നെ മ​ന​സു​കൊ​ണ്ട് ആ​ഗ്ര​ഹി​ച്ച​താ​ണ് അ​വി​ടെ എ​ത്തി ര​ക്ഷാ​പ്ര​വ​ർ​ത്ത​ന​ത്തി​ൽ പ​ങ്കെ​ടു​ക്ക​ണ​മെ​ന്ന്.

സ​ഹാ​യി വി​നോ​ദും ര​ക്ഷാ​പ്ര​വ​ർ​ത്ത​ന​ത്തി​ൽ ബി​ജു​വി​നൊ​പ്പം ഉ​ണ്ടാ​യി​രു​ന്നു. ചൂ​ര​ൽ മ​ല​യി​ൽ എ​ൻ​ഡി​ആ​ർ​എ​ഫ് സം​ഘ​ത്തി​നൊ​പ്പം ഉ​രു​ൾ​പൊ​ട്ട​ലി​ൽ വ​ന്ന​ടി​ഞ്ഞ കൂ​റ്റ​ൻ പാ​റ​ക​ളും ത​ക​ർ​ന്ന​ടി​ഞ്ഞ കോ​ൺ​ക്രീ​റ്റ് കെ​ട്ടി​ട​ങ്ങ​ളും പൊ​ട്ടി​ച്ചു നീ​ക്കു​ന്ന ക​ഠി​ന​മാ​യ പ്ര​വൃ​ത്തി​യാ​ണ് ബി​ജു ന​ട​ത്തി​യ​ത്.

ക​ള​ക്ട​റു​ടെ അ​ഭ്യ​ർ​ഥ​ന​പ്ര​കാ​രം ജൂ​ലൈ 30 നാ​യി​രു​ന്നു ആ​ല​ക്കോ​ട് പി. ​ആ​ർ. രാ​മ​വ​ർ​മ​രാ​ജ സ​ഹ​ക​ര​ണ ആ​ശു​പ​ത്രി​യു​ടെ ആം​ബു​ല​ൻ​സു​മാ​യി അ​ര​ങ്ങം സ്വ​ദേ​ശി​യാ​യ ര​ഞ്ജി​ത്ത് കൃ​ഷ്ണ​ൻ ചൂ​ര​ൽ​മ​ല​യി​ലേ​ക്കു പോ​യ​ത്.

ദു​ര​ന്ത​ത്തി​ൽ പ​രി​ക്കേ​റ്റ​വ​രെ ആ​ശു​പ​ത്രി​യി​ൽ എ​ത്തി​ച്ചും മ​രി​ച്ച​വ​രു​ടെ മൃ​ത​ദേ​ഹ​ങ്ങ​ൾ അ​വി​ടെ​നി​ന്നു നീ​ക്കം ചെ​യ്തും അ​ദ്ദേ​ഹ​വും ര​ക്ഷാ​പ്ര​വ​ർ​ത്ത​ന​ത്തി​ൽ പ​ങ്കാ​ളി​യാ​യി. മ​ന​സും ശ​രീ​ര​വും ത​ള​ർ​ത്തു​ന്ന ഭ​യാ​ന​ക കാ​ഴ്ച​ക​ൾ ഇ​തു​വ​രെ വി​ട്ടു​മാ​റി​യി​ട്ടി​ല്ലെ​ന്ന് ബി​ജു​മോ​നും വി​നോ​ദും ര​ഞ്ജി​ത്തും പ​റ​യു​ന്നു.