ക​രു​വ​ഞ്ചാ​ൽ: മ​ല​യോ​ര ഹൈ​വേ​യി​ലെ​യും ടി​സി​ബി റോ​ഡി​ലെ​യും പ്ര​ധാ​ന പ​ട്ട​ണ​ങ്ങ​ളി​ൽ ഒ​ന്നാ​യ ക​രു​വ​ഞ്ചാ​ലി​ൽ ഗ​താ​ഗ​ത​ക്കു​രു​ക്ക് രൂ​ക്ഷ​മാ​വു​ക​യാ​ണ്. ഇ​ത് പ​ല​പ്പോ​ഴും വ​ലി​യ അ​പ​ക​ട​ങ്ങ​ൾ​ക്ക് ത​ന്നെ കാ​ര​ണ​മാ​കു​ന്നു. ടൗ​ണി​ലെ ഏ​റ്റ​വും തി​ര​ക്കേ​റി​യ സെ​ൻ​ട്ര​ൽ ജം​ഗ്ഷ​നി​ൽ ആ​ണ് ഗ​താ​ഗ​ത​ക്കു​രു​ക്ക് കൂ​ടു​ത​ൽ അ​നു​ഭ​വ​പ്പെ​ടു​ന്ന​ത്. ആ​ല​ക്കോ​ട്, ചെ​റു​പു​ഴ, ത​ളി​പ്പ​റ​മ്പ്, വെ​ള്ളാ​ട് ഭാ​ഗ​ങ്ങ​ളി​ലേ​ക്ക് തി​രി​യു​ന്ന പ്ര​ധാ​ന ജം​ഗ്ഷ​നും പ്ര​ധാ​ന ബ​സ്‌​സ്റ്റോ​പ്പും ഇ​വി​ടെ​യാ​ണ് സ്ഥി​തി ചെ​യ്യു​ന്ന​ത്.

അ​തി​നാ​ൽ ത​ന്നെ ഗ​താ​ഗ​ത കു​രു​ക്കി​ന്‍റെ പി​ടി​യി​ലാ​ണ് ക​രു​വ​ഞ്ചാ​ൽ. കാ​ല​പ്പ​ഴ​ക്കം​ചെ​ന്ന ക​രു​വ​ഞ്ചാ​ൽ പാ​ല​ത്തി​ൽ അ​നു​ഭ​വ​പ്പെ​ടു​ന്ന ഗ​താ​ഗ​ത​ക്കു​രു​ക്കാ​ണ് പാ​ല​ത്തി​ന്‍റെ ഇ​രു​ഭാ​ഗ​ത്തെ ടൗ​ണു​ക​ളെ​യും വാ​ഹ​ന​ങ്ങ​ൾ കൊ​ണ്ട് വീ​ർ​പ്പു​മു​ട്ടി​ക്കു​ന്ന​ത്. മ​ണി​ക്കൂ​റു​ക​ളോ​ളം തു​ട​രു​ന്ന ഗ​താ​ഗ​ത​ക്കു​രു​ക്ക് ടൗ​ണി​ലും ന്യൂ ​ബ​സാ​റി​ലു​മാ​യി നി​ത്യ​സം​ഭ​വ​വു​മാ​യി മാ​റി​യി​രി​ക്കു​ക​യാ​ണ്. ഇ​തി​നി​ടെ അ​പ​ക​ട​ങ്ങ​ളും പ​തി​വാ​യി​രി​ക്കു​ന്നു.

സെ​ൻ​ട്ര​ൽ ജം​ഗ്ഷ​നി​ൽ വെ​ള്ളാ​ട് റോ​ഡ് തി​രി​യു​ന്ന ഭാ​ഗ​ത്ത് നേ​ര​ത്തെ സ്ഥാ​പി​ച്ചി​രു​ന്ന പോ​ലീ​സ് എ​യ്ഡ് പോ​സ്റ്റ് ടൗ​ണി​ലെ അ​പ​ക​ട​ങ്ങ​ൾ വ​ർ​ധി​പ്പി​ക്കു​ന്ന​തി​ന് കാ​ര​ണ​മാ​കു​ന്ന​താ​യി ടാ​ക്സി ജീ​വ​ന​ക്കാ​രും ചു​മ​ട്ടു​തൊ​ഴി​ലാ​ളി​ക​ളും വ്യാ​പാ​രി​ക​ളും നാ​ട്ടു​കാ​രും പ​രാ​തി​പ്പെ​ടു​ന്നു. പ്ര​വ​ർ​ത്ത​നം ഇ​ല്ലാ​ത്ത നോ​ക്കു​കു​ത്തി​യാ​യ അ​വ​സ്ഥ​യി​ലാ​ണ് ഈ ​എ​യ്ഡ് പോ​സ്റ്റ്. മെ​യി​ൻ റോ​ഡി​ന്‍റെ​യും വെ​ള്ളാ​ട് റോ​ഡി​ന്‍റെ​യും ഇ​ട​യി​ലാ​ണ് ഇ​ത് സ്ഥാ​പി​ച്ചി​രി​ക്കു​ന്ന​ത്.

ഇ​രു​ഭാ​ഗ​ത്തു​നി​ന്നും ഉ​ള്ള റോ​ഡ് മ​റ​ക്കു​ന്ന വി​ധ​ത്തി​ലാ​ണ് എ​യ്ഡ് പോ​സ്റ്റ് സ്ഥി​തി ചെ​യ്യു​ന്ന​ത്. ഇ​തും അ​പ​ക​ടാ​വ​സ്ഥ ഉ​യ​ർ​ത്തു​ന്നു. ക​ഴി​ഞ്ഞ ദി​വ​സ​ങ്ങ​ളി​ൽ ഇ​തി​നു സ​മീ​പ​ത്താ​യി നി​ര​വ​ധി വാ​ഹ​നാ​പ​ക​ട​ങ്ങ​ൾ ഉ​ണ്ടാ​യി​ട്ടു​ണ്ട്. ഇ​വി​ടു​ത്തെ അ​പ​ക​ട​ത്തെ തു​ട​ർ​ന്ന് ഇ​പ്പോ​ഴും ചി​കി​ത്സ​യി​ൽ ക​ഴി​യു​ന്ന​വ​രും ഉ​ണ്ട്. മെ​യി​ൻ റോ​ഡും വെ​ള്ളാ​ട് റോ​ഡും മ​റ​ക്കു​ന്ന വി​ധ​ത്തി​ലാ​ണ് എ​യ്ഡ്പോ​സ്റ്റ് സ്ഥി​തി ചെ​യ്യു​ന്ന​ത്. ഉ​പ​യോ​ഗ​ശൂ​ന്യ​മാ​യ എ​യ്ഡ്പോ​സ്റ്റ് പൊ​ളി​ച്ചു​നീ​ക്കി അ​പ​ക​ടം ഒ​ഴി​വാ​ക്കാ​ൻ അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​ണ്.

ഇ​തോ​ടൊ​പ്പം ക​രു​വ​ഞ്ചാ​ൽ പാ​ല​ത്തി​ന്‍റെ പ്ര​വൃ​ത്തി എ​ത്ര​യും വേ​ഗം പൂ​ർ​ത്തീ​ക​രി​ച്ച് തു​റ​ന്നു​കൊ​ടു​ക്ക​ണ​മെ​ന്ന ആ​വ​ശ്യ​വും ജ​ന​ങ്ങ​ൾ ഉ​ന്ന​യി​ക്കു​ന്നു. പാ​ല​ത്തി​ന്‍റെ പ്ര​വൃ​ത്തി പൂ​ർ​ത്തീ​ക​രി​ച്ചാ​ൽ ഗ​താ​ഗ​ത​ക്കു​രു​ക്കി​ന് ഒ​രു​പ​രി​ധി​വ​രെ പ​രി​ഹാ​ര​മാ​കും.

2022 ഡി​സം​ബ​റി​ൽ ആ​ണ് പൊ​തു​മ​രാ​മ​ത്ത് മ​ന്ത്രി പി.​എ. മു​ഹ​മ്മ​ദ് റി​യാ​സ് പാ​ലം പ്ര​വൃ​ത്തി ഉ​ദ്ഘാ​ട​നം ചെ​യ്ത​ത്. തു​ട​ക്ക​ത്തി​ൽ പാ​ല​ത്തി​ന്‍റെ പ്ര​വൃ​ത്തി വേ​ഗ​ത്തി​ൽ ആ​യി​രു​ന്നെ​ങ്കി​ലും പി​ന്നീ​ട് നി​ർ​ജീ​വ​മാ​യി. നി​ല​വി​ലു​ള്ള പാ​ല​ത്തോ​ട് ചേ​ർ​ന്ന് നി​ർ​മി​ക്കു​ന്ന പാ​ല​ത്തി​ന്‍റെ ബീ​മി​ന്‍റെ പ്ര​വ​ർ​ത്തി​ക​ളാ​ണ് ഇ​പ്പോ​ൾ ന​ട​ന്നു​കൊ​ണ്ടി​രി​ക്കു​ന്ന​ത്. മേ​യ് അ​വ​സാ​ന​ത്തോ​ടു​കൂ​ടി മെ​യി​ൻ സ്ലാ​ബി​ന്‍റെ പ​ണി പൂ​ർ​ത്തീ​ക​രി​ക്കാ​നും ജൂ​ണി​ൽ പാ​ലം തു​റ​ന്നു കൊ​ടു​ക്കാ​നും ക​ഴി​യു​മെ​ന്നാ​ണ് കോ​ൺ​ട്രാ​ക്ട​ർ അ​ബ്ദു​ള്ള പ​റ​യു​ന്ന​ത്.