കൃ​ഷി​യി​ട​ങ്ങ​ളിൽ ഇനി ഡ്രോ​ൺ വസന്തം
Wednesday, November 29, 2023 7:56 AM IST
ചെ​റു​പു​ഴ: കൃ​ഷി​യി​ലെ ആ​ധു​നി​ക​വ​ത്ക​ര​ണം എ​ല്ലാ മേ​ഖ​ല​ക​ളി​ലു​മെ​ത്തു​ക​യാ​ണ്. തെ​ങ്ങു​ക​യ​റ്റു​ന്ന യ​ന്ത്ര​മാ​യി​രു​ന്നു ആ​ദ്യ​മെ​ങ്കി​ൽ പി​ന്നീ​ട് കാ​ടു​വെ​ട്ടു​ന്ന മെ​ഷീ​നും മ​രം മു​റി​ക്കു​ന്ന യ​ന്ത്ര​വും തോ​ട്ടി​യും വി​വി​ധ​യി​നം സ്പ്രെ​യ​റു​ക​ളും രം​ഗ​ത്തെ​ത്തി. ഇ​പ്പോ​ൾ കൃ​ഷി​യി​ട​ത്തി​ൽ ഡ്രോ​ണു​ക​ളാ​ണ് താ​രം.

ദ്രാ​വ​ക​രൂ​പ​ത്തി​ലു​ള്ള വ​ള​ങ്ങ​ളും കീ​ട​നാ​ശി​നി​ക​ളും ചെ​ടി​ക​ളി​ലും മ​ര​ങ്ങ​ളി​ലും ത​ളി​ക്കു​ന്ന​തി​നാ​ണ് ഡ്രോ​ണു​ക​ൾ ഉ​പ​യോ​ഗി​ക്കു​ന്ന​ത്. സ​മ​യ​ലാ​ഭം, ത​ളി​ക്കു​ന്ന ദ്രാ​വ​ക​ളു​ടെ അ​ള​വ് ലാ​ഭം, തൊ​ഴി​ലാ​ളി​ക​ൾ നാ​മ​മാ​ത്രം മ​തി തു​ട​ങ്ങി​യ നി​ര​വ​ധി ഗു​ണ​ങ്ങ​ളാ​ണ് ഡ്രോ​ണു​ക​ൾ​ക്കു​ള്ള​ത്.

മ​ല​യോ​ര മേ​ഖ​ല​ക​ളി​ൽ ഡ്രോ​ൺ ഉ​പ​യോ​ഗം കാ​ർ​ഷി​ക മേ​ഖ​ല​യി​ൽ കു​റ​വാ​ണെ​ങ്കി​ലും വ​യ​നാ​ട് പോ​ലു​ള്ള ജി​ല്ല​ക​ളി​ൽ നെ​ൽ​പ്പാ​ട​ങ്ങ​ളി​ലും മ​റ്റ് കൃ​ഷി​ക​ൾ​ക്കും ഡ്രോ​ൺ ഉ​പ​യോ​ഗി​ക്കു​ന്ന​ത് വ്യാ​പ​ക​മാ​ണ്. ഡ്രോ​ൺ ഉ​പ​യോ​ഗി​ച്ച് 10 ലി​റ്റ​ർ ദ്രാ​വ​കം കൊ​ണ്ട് ഒ​രു ഹെ​ക്ട​ർ സ്ഥ​ല​ത്ത് സ്പ്രേ ​ചെ​യ്യാം. കാ​ർ​ഷി​ക ഡ്രോ​ണു​ക​ൾ 15 മീ​റ്റ​ർ ഉ​യ​ര​ത്തി​ൽ ലോ​ക്ക് ചെ​യ്തി​രി​ക്കു​ന്ന​തി​നാ​ൽ 15 മീ​റ്റ​റി​ൽ താ​ഴെ ഉ​യ​ര​മു​ള്ള ക്യ​ഷി​ക​ൾ​ക്ക് മ​രു​ന്നും വ​ള​വും ത​ളി​ക്കാ​ൻ ഡ്രോ​ണു​ക​ൾ കൊ​ണ്ട് ക​ഴി​യും.

ക​മു​കി​ന് മ​രു​ന്നു ത​ളി​ക്കു​വാ​ൻ ഡ്രോ​ണു​ക​ൾ കൊ​ണ്ട് ക​ഴി​യി​ല്ല. റ​ബ​ർ, നെ​ല്ല്, പ​ച്ച​ക്ക​റി​ത്തോ​ട്ട​ങ്ങ​ൾ എ​ന്നി​വ​യ്ക്ക് ഡ്രോ​ൺ ഉ​പ​യോ​ഗി​ക്കാം. ചെ​റു​പു​ഴ​യി​ൽ വി​ക​സി​ത് ഭാ​ര​ത് സ​ങ്ക​ല്പ് യാ​ത്ര​യു​ടെ ഭാ​ഗ​മാ​യാ​ണ് ഡ്രോ​ണി​ന്‍റെ ഉ​പ​യോ​ഗം ക​ർ​ഷ​ക​ർ​ക്ക് പ​രി​ച​യ​പ്പെ​ടു​ത്തി​യ​ത്.


ഏ​ബ്ര​ഹാം ചെ​മ്മ​നാം​ത​ട​ത്തി​ലി​ന്‍റെ കൃ​ഷി​യി​ട​ത്തി​ലാ​യി​രുന്നു ഡ്രോ​ണി​ന്‍റെ പ​രീ​ക്ഷ​ണ​പ്പ​റ​ക്ക​ൽ നടത്തിയത്. ചെ​റു​പു​ഴ കൃ​ഷി ഓ​ഫീ​സ​ർ പി. ​അ​ഞ്ജു​വി​ന്‍റെ നേ​തൃ​ത്വ​ത്തി​ൽ കൃ​ഷി​ഭ​വ​ൻ ജീ​വ​ന​ക്കാ​രും ധാ​രാ​ളം ക​ർ​ഷ​ക​രും ഡ്രോ​ണി​ന്‍റെ പ്ര​വ​ർ​ത്ത​നം കാ​ണു​വാ​നെ​ത്തി​യി​രു​ന്നു. വ​യ​നാ​ട്ടി​ൽ നി​ന്നു​മെ​ത്തി​യ വി.​ജെ. ഷാ​ജി​യാ​ണ് ഡ്രോ​ണി​ന്‍റെ പ്ര​വ​ർ​ത്ത​ന​ങ്ങ​ൾ ക​ർ​ഷ​ക​ർ​ക്ക് വി​ശ​ദീ​ക​രി​ച്ചു ന​ൽ​കി​യ​ത്.

ഇ​പ്പോ​ൾ എ​ഫ്പി​ഒ പോ​ലു​ള്ള ക​ർ​ഷ​ക സം​ഘ​ട​ന​ക​ൾ​ക്കാ​ണ് ഡ്രോ​ണു​ക​ൾ സ​ബ്സി​ഡി​യോ​ടെ ന​ൽ​കു​ന്ന​ത്. സ​ബ്സി​ഡി​യു​ള്ള ഡ്രോ​ണി​ന് 10 ല​ക്ഷം രൂ​പ​യാ​ണു വി​ല. സ​ബ്സി​ഡി​യി​ല്ലാ​തെ ആ​റു​ല​ക്ഷം രൂ​പ മു​ത​ൽ ല​ഭി​ക്കും. ഡ്രോ​ൺ ഉ​പ​യോ​ഗി​ക്കു​മ്പോ​ൾ ഒ​രു പ്ര​ദേ​ശ​ത്തെ ക​ർ​ഷ​ക​രു​ടെ കൃ​ഷി​യി​ട​ങ്ങ​ളി​ൽ ഒ​ന്നി​ച്ച് സ്പ്രേ ​ചെ​യ്യു​ന്ന​താ​ണ് ന​ല്ല​ത്. ചെ​ല​വും കു​റ​യും. വ​രും നാ​ളു​ക​ളി​ൽ കൃ​ഷി​യി​ട​ങ്ങ​ൾ ഡ്രോ​ണു​ക​ൾ കൈ​യട​ക്കു​ക ത​ന്നെ ചെ​യ്യും. രൂ​പ​വും ഭാ​വ​വും മാ​റി ഉ​പ​യോ​ഗ​ത്തി​ലും മാ​റ്റ​ങ്ങ​ളോ​ടെ ആ​യി​രി​ക്കും ഡ്രോ​ണു​ക​ൾ കൃ​ഷി​യി​ട​ങ്ങ​ളി​ലെ​ത്തു​ക.

Copyright @ 2022 , Rashtra Deepika Ltd.