കൊച്ചി: ജില്ലയില്‍ ഭൂമി തരംമാറ്റലുമായി ബന്ധപ്പെട്ട് ഏഴു താലൂക്കുകളിലായി നടത്തിയ അദാലത്തില്‍ 9,486 അപേക്ഷകൾ തീര്‍പ്പാക്കി. സംസ്ഥാനത്ത് ഏറ്റവും കൂടുതല്‍ അപേക്ഷകള്‍ തീര്‍പ്പാക്കിയത് കണയന്നൂര്‍ താലൂക്കിലാണ്. അദാലത്ത് ദിനത്തില്‍ ലഭിച്ച 103 അപേക്ഷകള്‍ ഉള്‍പ്പെടെ ഇവിടെ മാത്രം 2,606 അപേക്ഷകളാണ് തീര്‍പ്പാക്കിയത്. ഏഴ് താലൂക്കുകളിലായി കഴിഞ്ഞ ഏഴ് മുതല്‍ ഇന്നലെ വരെ നടന്ന താലൂക്ക്തല അദാലത്തുകളില്‍ മൂവാറ്റുപുഴ-1143, കോതമംഗലം-636, കൊച്ചി-868, കുന്നത്തുനാട്-1292, ആലുവ-1357, പറവൂര്‍-1584, കണയന്നൂര്‍-2606 എന്നിങ്ങനെയാണ് തീർപ്പാക്കിയ അപേക്ഷകളുടെ എണ്ണം.
ജില്ലാ കളക്ടര്‍ എന്‍.എസ്.കെ. ഉമേഷിന്‍റെ നേതൃത്വത്തില്‍ നടത്തിയ അദാലത്തുകളില്‍ ഫോര്‍ട്ടുകൊച്ചി സബ് കളക്ടര്‍ കെ. മീര, ആര്‍ഡിഒ പി.എന്‍. അനി, എഡിഎം വിനോദ് രാജ്, അസിസ്റ്റന്‍റ് കളക്ടര്‍ അഞ്ജീത് സിംഗ്, ഡെപ്യൂട്ടി കളക്ടര്‍മാര്‍, തഹസില്‍ദാര്‍മാര്‍, ഭൂരേഖ തഹസില്‍ദാര്‍മാര്‍, കൃഷി ഓഫീസര്‍മാര്‍, വില്ലേജ് ഓഫീസര്‍മാര്‍ ഉള്‍പ്പെടെയുള്ള റവന്യൂ ഉദ്യോഗസ്ഥര് പങ്കെടുത്തു. ശേഷിക്കുന്ന അപേക്ഷകള്‍ വേഗത്തില്‍ തീര്‍പ്പാക്കുന്നതിന് വേണ്ട നടപടികള്‍ സ്വീകരിക്കാന്‍ ബന്ധപ്പെട്ട ഉദ്യോഗസ്ഥര്ക്ക് ജില്ലാ കളക്ടര്‍ നിര്‍ദേശം നല്‍കി.