ഉ​പ്പു​ത​റ​യി​ലെ ഹൗ​സിം​ഗ് കോ​ള​നി​യി​ൽ ചോ​ർ​ന്നൊ​ലി​ക്കു​ന്ന കൂ​ര​യ്ക്കു കീ​ഴി​ൽ ഭീതിയോടെ നി​ർ​ധ​ന കു​ടു​ംബ​ങ്ങ​ൾ
Sunday, June 30, 2024 3:28 AM IST
ഉപ്പു​ത​റ: ചോ​ർ​ന്നൊ​ലി​ക്കു​ന്ന മേ​ൽ​ക്കൂ​ര​യ്ക്ക് കീ​ഴി​ൽ ദു​രി​തം പേ​റി ക​ഴി​യു​ക​യാ​ണ് ഉ​പ്പു​ത​റ രാ​ജീ​വ് ഗാ​ന്ധി ഹൗ​സിം​ഗ് കോ​ള​നി​യി​ലെ 50 കു​ടും​ബ​ങ്ങ​ൾ. കാ​ല​പ്പ​ഴ​ക്ക​വും നി​ർ​മാ​ണ​ത്തി​ലെ അ​പാ​ക​ത​യും മൂ​ലം കോ​ള​നി​യി​ലെ ഒ​രു വീ​ടും വാ​സ​യോ​ഗ്യ​മ​ല്ല. കോ​ൺ​ക്രീ​റ്റ് പാ​ളി​ക​ൾ അ​ട​ർ​ന്നും വി​ള്ള​ൽ വീ​ണും വീ​ടി​ന്‍റെ മേ​ൽ​ക്കൂ​ര ചോ​ർ​ന്നൊ​ലി​ക്കു​ക​യാ​ണ്.

ഏ​തു സ​മ​യ​വും ത​ക​ർ​ന്നുവീ​ഴാ​നു​ള്ള സാ​ധ്യ​ത​യേ​റെ​യാ​ണ്. മ​ഴവെ​ള്ളം ഉ​ള്ളി​ൽ വീ​ഴാ​തി​രി​ക്കാ​ൻ വീ​ടി​നു മു​ക​ളി​ൽ പ്ലാ​സ്റ്റി​ക് പ​ടു​ത വ​ലി​ച്ചു കെ​ട്ടി​യാ​ണ് ചോ​ർ​ച്ച ത​ട​യു​ന്ന​ത്. അ​തി​നി​ടെ മ​ണ്ണി​ടി​ച്ചി​ൽ ഉ​ണ്ടാ​കു​ന്ന​തും സം​ര​ക്ഷ​ണ ഭി​ത്തി ത​ക​ർ​ന്നു വീ​ഴു​ന്ന​തും ഇ​വ​രു​ടെ ഉ​റ​ക്കം കെ​ടു​ത്തു​ക​യാ​ണ്.

ക​ഴി​ഞ്ഞ ദി​വ​സം സം​ര​ക്ഷ​ണഭി​ത്തി ത​ക​ർ​ന്ന് മൂ​ന്നു വീ​ടു​ക​ൾ അ​പ​ക​ടാ​വ​സ്ഥ​യി​ലാ​യി. സ്ഥ​ല​വും വീ​ടും ഇ​ല്ലാ​ത്ത പാ​വ​പ്പെ​ട്ട 50 കു​ടും​ബ​ങ്ങ​ൾ​ക്ക് സം​സ്ഥാ​ന ഹൗ​സിം​ഗ് ബോ​ർ​ഡാ​ണ് 1995ൽ ​വീ​ടു നി​ർ​മി​ച്ചു ന​ൽ​കി​യ​ത്. 2.14 ഏ​ക്ക​ർ പ​ട്ട​യ ഭൂ​മി വി​ല​യ്ക്കു വാ​ങ്ങി​യാ​ണ് വീ​ട് വ​ച്ച​ത്.

ഭൂ​മി​യു​ടെ​യും വീ​ടി​​ന്‍റെയും മു​ട​ക്കുമു​ത​ൽ പ​ലി​ശ സ​ഹി​തം ഗ​ഡു​ക്ക​ളാ​യി ഇ​വ​രി​ൽനി​ന്നു 10 വ​ർ​ഷം കൊ​ണ്ട് ഹൗ​സിം​ഗ് ബോ​ർ​ഡ് തി​രി​ച്ചു പി​ടി​ക്കു​ക​യും ചെ​യ്തു. ഇ​തി​നു ശേ​ഷം ഓ​രോ​രു​ത്ത​രു​ടേ​യും പേ​രി​ൽ ആ​ധാ​രം ന​ൽ​കാ​നാ​യി​രു​ന്നു തീ​രു​മാ​നം.

എ​ന്നാ​ൽ, ഇ​തി​ലെ സാ​ങ്കേ​തി​ക പ്ര​ശ്ന​ങ്ങ​ൾ കാ​ര​ണം അ​തു​ണ്ടാ​യി​ല്ല. വീ​ടും സ്ഥ​ല​വും കൈ​വ​ശ​മി​രി​ക്കു​ന്ന​വ​ർ പ​ട്ട​യ​ത്തി​ന് അ​പേ​ക്ഷ ന​ൽ​കി​യെ​ങ്കി​ലും ന​ട​പ​ടി ഉ​ണ്ടാ​യി​ല്ല. ഇ​തി​നു ശേ​ഷം മൂ​ന്നു പ​ട്ട​യ​മേ​ള​ക​ൾ ന​ട​ന്നു. ഇ​തി​ലൊ​ന്നും രാ​ജീ​വ് ഗാ​ന്ധി കോ​ള​നി​യി​ലെ ഒ​രു കു​ടും​ബ​വും ഉ​ൾ​പ്പെ​ട്ടി​ല്ല. രാ​ജ​മാ​ണി​ക്യം ക​മ്മീ​ഷ​ൻ റി​പ്പോ​ർ​ട്ടി​ൽ ഉ​ൾ​പ്പെ​ട്ട 338 സ​ർ​വേ ന​മ്പ​റി​ൽ ഉ​ൾ​പ്പെ​ട്ട​താ​ണ് കോ​ള​നി എ​ന്ന​താ​ണ് പ​ട്ട​യം നി​ഷേ​ധി​ക്കാ​ൻ കാ​ര​ണ​മെ​ന്ന് സൂ​ച​ന​യു​ണ്ട്.

എ​ന്നാ​ൽ, കോ​ള​നി​ക​ൾ​ക്ക് ഇ​ത് ബാ​ധ​ക​മെ​ല്ലെ​ന്ന സ​ർ​ക്കാ​ർ ഉ​ത്ത​ര​വു​ണ്ട്. എ​ന്നി​ട്ടും പ​ട്ട​യം ന​ൽ​കാ​ൻ റ​വ​ന്യുവ​കു​പ്പ് ഇ​തു​വ​രെ ത​യാ​റാ​യി​ട്ടി​ല്ല. സ​ർ​ക്കാ​രി​​ന്‍റെ വ്യ​ക്ത​മാ​യ ഉ​ത്ത​ര​വി​ല്ലാ​തെ പ​ട്ട​യം ന​ൽ​കാ​ൻ ഉ​ദ്യോഗസ്ഥ​ർ ത​യാ​റ​ല്ല. ഇ​വി​ടു​ത്തെ കാ​ര്യം പ്ര​ത്യേ​കം പ​രാ​മ​ർ​ശി​ക്കാ​ത്ത​താ​ണ് പ്ര​ശ്നം.

ഇ​പ്പോ​ഴും വി​ല്ലേ​ജി​ൽ ഭൂ ​നി​കു​തി ന​ൽ​കു​ന്നത് ഹൗ​സിം​ഗ് ബോ​ർ​ഡാ​ണ്. കോ​ള​നി​യി​ൽ താ​മ​സി​ക്കു​ന്ന​വ​ർ എ​ല്ലാ​വ​രും കൂലി​പ്പ​ണി​ക്കാ​രാ​ണ്. ഇ​വ​ർ​ക്കാ​ർ​ക്കും വീ​ട് പു​തു​ക്കി പ​ണി​യാ​നോ ബ​ല​ക്ഷ​യം പ​രി​ഹ​രി​ക്കാ​നോ സാ​ന്പ​ത്തി​ക ശേ​ഷി​യി​ല്ല. റ​വ​ന്യു വ​കു​പ്പ് പ​ട്ട​യം ന​ൽ​കു​ക​യും പു​തി​യ വീ​ട് ന​ൽ​കാ​ൻ പ​ഞ്ചാ​യ​ത്ത് ത​യാ​റാ​കു​ക​യും ചെ​യ്താ​ലേ കോ​ള​നി​യി​ലെ 50 കു​ടും​ബ​ങ്ങ​ളു​ടെ പ്ര​ശ്ന​ത്തി​ന് ശാ​ശ്വ​ത പ​രി​ഹാ​രം ഉ​ണ്ടാ​കു​ക​യു​ള്ളൂ.
Copyright @ 2018 , Rashtra Deepika Ltd.