മുണ്ടക്കയം: ഉപജില്ലാ മത്സരങ്ങളിൽ മിന്നുന്ന വിജയം കരസ്ഥമാക്കി മുണ്ടക്കയം സെന്‍റ് ആന്‍റണീസ് ഇംഗ്ലീഷ് മീഡിയം എൽപി സ്കൂൾ. ഏലപ്പാറയിൽ നടന്ന പീരുമേട് ഉപജില്ലാ സയൻസ് ക്വിസിൽ അഭിമന്യു മനു ഫസ്റ്റ് എ ഗ്രേഡ് കരസ്ഥമാക്കി.
കുമളി അമരാവതിയിൽ നടന്ന ഗണിതശാസ്ത്രമേളയിൽ അഭിമന്യു മനു, അൻസു ടി. അനിൽ, അഡോണ സോജൻ എന്നിവർ എ ഗ്രേഡ് നേടി. ഉപ്പുതറയിൽ നടന്ന പീരുമേട് ഉപജില്ലാ കലോത്സവത്തിൽ അഡോണ സോജൻ,
ഐമ ജോസഫ്, റ്റെസിൻ തെരേസ് തോമസ്, റ്റെസ മരിയ റിനോഷ്, ദിയ ഫാത്തിമ, എറിക് ആന്‍റണി, മിൻഷ ജോയ്സ്, മിൽന ജോയ്സ്, എൽദ ജെയ്മോൻ, റിയ റെമി, നിവേദ്യ മനു, റോസിലിൻ റിനോഷ് എന്നിവർ പങ്കെടുത്ത എല്ലാ മത്സരങ്ങളിലും എ ഗ്രേഡ് കരസ്ഥമാക്കി. 53 സ്കൂളുകൾ അണിനിരന്ന മത്സരത്തിൽ സ്കൂൾ മൂന്നാം സ്ഥാനം കരസ്ഥമാക്കി.
മികച്ച വിജയം നേടിയ വിദ്യാർഥികളെ മാനേജർ റവ.ഡോ. ജയിംസ് മുത്തനാട്ട്, അധ്യാപകർ, പിടിഎ അംഗങ്ങൾ എന്നിവർ അനുമോദിച്ചു.