എ​രു​മേ​ലി വ​ലി​യ​തോ​ട് അ​ഴു​ക്കു​ചാ​ലാ​യി മാ​റു​ന്നു
Monday, July 1, 2024 10:28 PM IST
എ​രു​മേ​ലി: ശ​ബ​രി​മ​ല ഭ​ക്ത​ർ ആ​ശ്ര​യി​ക്കു​ന്ന എ​രു​മേ​ലി വ​ലി​യ​തോ​ട് അ​ഴു​ക്കു​ചാ​ലാ​യി മാ​റു​ന്നു. മ​ലീ​മ​സ​മാ​യ തോ​ടാ​യി​ട്ടും അ​ധി​കൃ​ത​ർ മു​ന്നി​ട്ടി​റ​ങ്ങി ജ​ന​പ​ങ്കാ​ളി​ത്ത​ത്തോ​ടെ ക​ർ​ശ​ന ന​ട​പ​ടി​ക​ൾ സ്വീ​ക​രി​ക്കു​ന്നി​ല്ലെ​ന്ന പ​രാ​തി നി​ല​നി​ൽ​ക്കു​ന്നു.

പി.​സി. ജോ​ർ​ജ് എം​എ​ൽ​എ​യാ​യി​രി​ക്കേ വ​ലി​യ​തോ​ട് പ​വി​ത്ര​മാ​ക്കാ​ൻ ഒ​രു കോ​ടി രൂ​പ​യു​ടെ പ​ദ്ധ​തി സം​സ്ഥാ​ന സ​ർ​ക്കാ​ർ ആ​വി​ഷ്ക​രി​ച്ച് എ​സ്റ്റി​മേ​റ്റ് വ​രെ ത​യാ​റാ​യ​താ​ണ്. മാ​ലി​ന്യ​ങ്ങ​ൾ തോ​ട്ടി​ൽ പ​തി​ക്കാ​തി​രി​ക്കാ​ൻ സം​ര​ക്ഷ​ണ ക​വ​ച​ങ്ങ​ൾ വ​രെ പ​ദ്ധ​തി​യി​ലു​ണ്ടാ​യി​രു​ന്നു. തോ​ടി​ന്‍റെ തീ​ര​ങ്ങ​ളി​ൽ ഒ​ഴി​ഞ്ഞ സ്ഥ​ല​ങ്ങ​ൾ പൂ​ന്തോ​ട്ട​മാ​ക്കു​ന്ന​തും അ​യ്യ​പ്പ ഭ​ക്ത​ർ സ്നാ​നം ന​ട​ത്തു​ന്ന വ​ലി​യ​മ്പ​ല ചെ​ക്ക്ഡാ​മി​ന് അ​ര കി​ലോ​മീ​റ്റ​ർ മു​മ്പ് ചെ​ക്ക്ഡാം നി​ർ​മി​ക്കാ​നും ഇ​വി​ടെ പെ​ഡ​ൽ ബോ​ട്ടിം​ഗ് സ​വാ​രി​ക്കു സൗ​ക​ര്യം ഒ​രു​ക്കാ​നും ഭ​ക്ത​രു​ടെ കു​ളി​ക്ക​ട​വി​ൽ ക​ൽ​പ്പ​ട​വു​ക​ൾ നി​ർ​മി​ക്കാ​നും എ​സ്റ്റി​മേ​റ്റി​ലു​ണ്ടാ​യി​രുന്നു.

ഈ ​പ​ദ്ധ​തി​ക്കു പു​റ​മേ സം​സ്ഥാ​ന നി​യ​മ​സ​ഭാ പ​രി​സ്ഥി​തി സ​മി​തി​യു​ടെ ശി​പാ​ർ​ശ​യാ​യി വ​ലി​യ​മ്പ​ല ചെ​ക്ക് ഡാ​മി​ൽ ജ​ല​ശു​ദ്ധീ​ക​ര​ണ​ത്തി​നു മി​നി പ്ലാ​ന്‍റി​ന് നി​ർ​ദേ​ശ​മു​ണ്ടാ​യി​രു​ന്നു. എ​ന്നാ​ൽ, ഇ​തൊ​ന്നും ന​ട​പ്പി​ലാ​യി​ല്ല. തോ​ട് മാ​ലി​ന്യ​ങ്ങ​ളു​ടെ അ​ഴു​ക്കു​ചാ​ലാ​യി മാ​റു​ന്ന കാ​ഴ്ച​യാ​ണ് പ​തി​വാ​യി​രി​ക്കു​ന്ന​ത്. വേ​ന​ലാ​യാ​ൽ വെ​ള്ളം കു​റ​യു​മ്പോ​ൾ ഈ ​കാ​ഴ്ച വ്യ​ക്ത​മാ​ണ്.

വെ​ള്ളം നി​റ​ഞ്ഞൊ​ഴു​കു​ന്ന മ​ഴ​ക്കാ​ല​ത്ത് മാ​ലി​ന്യ​ങ്ങ​ൾ ഒ​ഴു​ക്കി​വി​ടാ​നു​ള്ള അ​വ​സ​ര​മാ​യാ​ണ് ചി​ല​ർ കാ​ണു​ന്ന​ത്. വാ​ണി​ജ്യാ​ടി​സ്ഥാ​ന​ത്തി​ൽ പ്ര​വ​ർ​ത്തി​ക്കു​ന്ന ടൗ​ണി​ലെ ശൗ​ചാ​ല​യ സ​മു​ച്ച​യ​ങ്ങ​ൾ തോ​ടി​ന്‍റെ തീ​ര​ത്താണ്.

വെ​ള്ള​പ്പൊ​ക്ക​മാ​കു​മ്പോ​ൾ ശൗ​ചാ​ല​യ​ങ്ങ​ളി​ൽ​നി​ന്ന് മാ​ലി​ന്യ​ങ്ങ​ൾ വ​ൻ​തോ​തി​ൽ തോ​ട്ടി​ലേ​ക്ക് ഒ​ഴു​കും. വ​ലി​യ തോ​ടി​ന്‍റെ ശാ​ഖ​യാ​യ കൊ​ച്ചു​തോ​ട്ടി​ലും വ​ൻ​തോ​തി​ലാ​ണ് മാ​ലി​ന്യ​ങ്ങ​ൾ ഉ​ള്ള​ത്. ര​ണ്ടു തോ​ടു​ക​ളി​ലെ​യും മാ​ലി​ന്യ​ങ്ങ​ൾ എ​ത്തു​ന്ന​തു മ​ണി​മ​ല​യാ​റി​ലാ​ണ്. തോ​ടു​ക​ളു​ടെ പ​രി​സ​ര​ങ്ങ​ളി​ൽ താ​മ​സി​ക്കു​ന്ന​വ​ർ​ക്കു പ​രി​പാ​ല​ന ചു​മ​ത​ല ന​ൽ​കി ന​വീ​ക​ര​ണം ന​ട​ത്താ​ൻ പ​ഞ്ചാ​യ​ത്ത്‌ ത​യാ​റാ​യാ​ൽ മാ​ലി​ന്യ​ങ്ങ​ൾ ഇ​ല്ലാ​ത്ത നി​ല​യി​ലേ​ക്കു തോ​ടു​ക​ളെ മാ​റ്റാ​നാ​കും.

മാ​ലി​ന്യ​ങ്ങ​ൾ ഇ​ടു​ന്ന​വ​രെ പി​ടി​കൂ​ടാ​നു​ള്ള ക​ർ​ശ​ന ശി​ക്ഷാ​ന​ട​പ​ടി​ക​ളും നി​രീ​ക്ഷ​ണ കാ​മ​റ സം​വി​ധാ​ന​വും അ​നി​വാ​ര്യ​മാണ്.
Copyright @ 2018 , Rashtra Deepika Ltd.