ഡോ. ​ശ്രീ​ക്കു​ട്ടി​യു​ടെ ജാ​മ്യാ​പേ​ക്ഷ​യി​ല്‍ വാ​ദം പൂ​ര്‍​ത്തി​യാ​യി
Sunday, September 29, 2024 6:24 AM IST
കൊ​ല്ലം: മൈ​നാ​ഗ​പ്പ​ള്ളി ആ​നൂ​ര്‍​ക്കാ​വി​ല്‍ കാ​ര്‍ ക​യ​റ്റി മൈ​നാ​ഗ​പ്പ​ള്ളി പ​ഞ്ഞി​പു​ല്ലും​വി​ള​യി​ല്‍ കു​ഞ്ഞു​മോ(47)​ളെ കൊ​ല​പ്പെ​ടു​ത്തി​യ കേ​സി​ല്‍ ര​ണ്ടാം​പ്ര​തി നെ​യ്യാ​റ്റി​ന്‍​ക​ര സ്വ​ദേ​ശി ഡോ. ​ശ്രീ​ക്കു​ട്ടി​യു​ടെ ജാ​മ്യാ​പേ​ക്ഷ​യി​ല്‍ വാ​ദം പൂ​ര്‍​ത്തി​യാ​യി. തി​ങ്ക​ളാ​ഴ്ച വി​ധി പ​റ​യും. പ്രി​ന്‍​സി​പ്പ​ല്‍ സെ​ഷ​ന്‍​സ് ജ​ഡ്ജി ജി. ​ഗോ​പ​കു​മാ​റാ​ണ് കേ​സ് പ​രി​ഗ​ണി​ക്കു​ന്ന​ത്. കോ​ട​തി​യു​ടെ ആ​വ​ശ്യ​പ്ര​കാ​രം പോ​ലീ​സ് ഇ​ന്ന​ലെ കേ​സ് ഡ​യ​റി ഹാ​ജ​രാ​ക്കി.

ന​ര​ഹ​ത്യാ​കു​റ്റം ശ്രീ​ക്കു​ട്ടി​ക്ക് എ​തി​രെ നി​ല​നി​ല്‍​ക്കു​ന്ന​ത​ല്ലെ​ന്ന് പ്ര​തി​ഭാ​ഗം കോ​ട​തി​യി​ല്‍ വാ​ദി​ച്ചു. കാ​റി​ന്‍റെ പി​ന്‍​സീ​റ്റി​ലാ​യി​രു​ന്ന ശ്രീ​ക്കു​ട്ടി ഒ​രു ത​ര​ത്തി​ലു​മു​ള്ള പ്രേ​ര​ണ​യും ചെ​യ്തി​ട്ടി​ല്ലെ​ന്നും ഒ​ന്നാം പ്ര​തി മു​ഹ​മ്മ​ദ് അ​ജ്മ​ല്‍ സ്വ​യം കാ​ര്‍ മു​ന്നോ​ട്ട് എ​ടു​ത്ത​താ​ണെ​ന്നും പ്ര​തി​ഭാ​ഗം വാ​ദി​ച്ചു.

എ​ന്നാ​ല്‍ ജാ​മ്യാ​പേ​ക്ഷ​യെ ശ​ക്ത​മാ​യി എ​തി​ര്‍​ത്ത പ്രോ​സി​ക്യൂ​ഷ​ന്‍ പ്ര​തി​ക​ള്‍ മ​ദ്യ​പി​ച്ച​തി​ന്‍റെ വൈ​ദ്യ​പ​രി​ശോ​ധ​ന റി​പ്പോ​ര്‍​ട്ട് കോ​ട​തി​യി​ല്‍ ഹാ​ജ​രാ​ക്കി. അ​പ​ക​ട​ത്തെ ര​ണ്ടാ​യി കാ​ണ​ണ​മെ​ന്ന് പ്രോ​സി​ക്യൂ​ഷ​ന്‍ കോ​ട​തി​യെ അ​റി​യി​ച്ചു. ആ​ദ്യ​ത്തേ​ത് വാ​ഹ​നാ​പ​ക​ട​മാ​ണ്.

എ​ന്നാ​ല്‍ ഇ​തി​നു ശേ​ഷം കാ​ര്‍ ശ​ക്ത​മാ​യി മു​ന്നോ​ട്ട് എ​ടു​ത്ത​താ​ണ് കു​ഞ്ഞു​മോ​ള്‍ മ​രി​യ്ക്കാ​ന്‍ കാ​ര​ണം. ശ്രീ​ക്കു​ട്ടി​യു​ടെ പ്രേ​ര​ണ​യി​ലാ​ണ് ഒ​ന്നാം പ്ര​തി കാ​ര്‍ മു​ന്നോ​ട്ട് എ​ടു​ത്തെ​തെ​ന്നും പ്രോ​സി​ക്യൂ​ഷ​ൻ കോ​ട​തി​യെ അ​റി​യി​ച്ചു. കൊ​ല്ല​പ്പെ​ട്ട കു​ഞ്ഞു​മോ​ളു​ടെ വീ​ട്ടു​കാ​ര്‍​ക്കാ​യി ഹാ​ജ​രാ​യ അ​ഭി​ഭാ​ഷ​ക​നും ശ്രീ​ക്കു​ട്ടി​ക്ക് ജാ​മ്യം ന​ൽ​കു​ന്ന​തി​നെ എ​തി​ര്‍​ത്തു.

പ്രോ​സി​ക്യൂ​ഷ​ന് വേ​ണ്ടി അ​ഡീ​ഷ​ണ​ല്‍ ഗ​വ. പ്ലീ​ഡ​ര്‍ നി​യാ​സും പ്ര​തി​ക്കു​വേ​ണ്ടി അ​ഭി​ഭാ​ഷ​ക​രാ​യ സി. ​സ​ജീ​ന്ദ്ര​കു​മാ​ര്‍, ലി​ഞ്ജു സി. ​ഈ​പ്പ​ന്‍, സി​നി പ്ര​ദീ​പ്, അ​തി​ര കൃ​ഷ്ണ​ന്‍, വി​ഷ്ണു​പ്രി​യ, ല​ക്ഷ​മി കൃ​ഷ്ണ, ആ​ര്യ കൃ​ഷ്ണ​ന്‍ എ​ന്നി​വ​രും കു​ഞ്ഞു​മോ​ളു​ടെ വീ​ട്ടു​കാ​ര്‍​ക്കു വേ​ണ്ടി അ​നു​പ് കെ ​ബ​ഷീ​ര്‍, സു​രേ​ഷ് ക​ണി​ച്ചേ​രി എ​ന്നി​വ​രും ഹാ​ജ​രാ​യി.

15 ന് ​വൈ​കു​ന്നേ​രം 5.45-ന് ​മൈ​നാ​ഗ​പ്പ​ള്ളി ആ​നൂ​ര്‍​ക്കാ​വി​ലാ​യി​രു​ന്നു അ​പ​ക​ടം. ഇ​ട​ക്കു​ള​ങ്ങ​ര പു​ന്ത​ല തെ​ക്ക​തി​ല്‍ മു​ഹ​മ്മ​ദ് അ​ജ്മ​ല്‍ ആ​ണ് ഒ​ന്നാം പ്ര​തി. അ​ജ്മ​ലി​ന്‍റെ ജാ​മ്യാ​പേ​ക്ഷ ശാ​സ്താം​കോ​ട്ട ജു​ഡീ​ഷ്യ​ല്‍ ഫ​സ്റ്റ് ക്ലാ​സ് കോ​ട​തി ക​ഴി​ഞ്ഞ ദി​വ​സം ത​ള്ളി​യി​രു​ന്നു. മ​ന:​പൂ​ര്‍​വ​മാ​യ ന​ര​ഹ​ത്യ​ക്കാ​ണ് ഇ​രു​വ​ര്‍​ക്കും എ​തി​രെ കേ​സ് എ​ടു​ത്തി​രി​ക്കു​ന്ന​ത്.
Copyright @ 2018 , Rashtra Deepika Ltd.