കണ്ണൂർ: നിയുക്ത കണ്ണൂർ രൂപത സഹായമെത്രാൻ മോണ്. ഡോ. ഡെന്നിസ് കുറുപ്പശേരിയുടെ മെത്രാഭിഷേക ചടങ്ങിനുള്ള സംഘാടകസമിതി യോഗം കയ്റോസ് ഹാളിൽ നടന്നു. കണ്ണൂർ രൂപത ബിഷപ് ഡോ. അലക്സ് വടക്കുംതല അധ്യക്ഷത വഹിച്ചു. സംഘാടകസമിതി ചെയർമാൻ മോണ്. ക്ലാരൻസ് പാലിയത്ത് മെത്രാഭിഷേക ദിനത്തിൽ ഒരുക്കേണ്ട ക്രമീകരണങ്ങളെക്കുറിച്ച് സംസാരിച്ചു.
നവംബർ 10 ന് ഉച്ചകഴിഞ്ഞ് മൂന്നിന് കണ്ണൂർ രൂപത ഭദ്രാസന ദേവാലയമായ ഹോളി ട്രിനിറ്റി കത്തീഡ്രൽ അങ്കണത്തിൽ ഒരുക്കുന്ന പന്തലിലാണു മെത്രാഭിഷേക ചടങ്ങുകൾ നടക്കുക. 12 ഓളം വിവിധ കമ്മിറ്റികളുടെ നേതൃത്വത്തിൽ നടത്തിയ പ്രവർത്തനങ്ങളെ യോഗത്തിൽ അവതരിപ്പിച്ചു കൊണ്ട് കണ്‍വീനർമാരായ ഫാ. ജോർജ് പൈനാടത്ത്, ഫാ. രാജൻ ഫൌസ്തോ, ഫാ. മാർട്ടിൻ രായപ്പൻ, ഫാ. ആൻസിൽ പീറ്റർ, ഫാ. മാത്യു തൈക്കൻ, ഫാ. ജോമോൻ ചെന്പകശേരി, ഫാ. റോയ് നെടുന്താനം, ഫാ. സുദീപ് മുണ്ടക്കൽ, ഫാ. പ്ലാറ്റോ ഡിസിൽവ, ഫാ. ആഷ്‌‌ലി കളത്തിൽ, ഫാ. റോണി, സിസ്റ്റർ വീണ പണങ്ങാട്ട്, സിസ്റ്റർ സുനി ജോർജ്, രതീഷ് ആന്‍റണി, ആന്‍റണി നൊറോണ, ഗോഡ്സണ് ഡിക്രൂസ്, ജെറി പൗലോസ്, ഫെബിന എന്നിവർ പ്രസംഗിച്ചു.
യോഗത്തിൽ സന്നിഹിതനായിരുന്ന നിയുക്ത സഹായ മെത്രാൻ മോണ്. ഡെന്നിസ് കുറുപ്പശേരി ഇതുവരെ നടത്തിയ ഒരുക്കങ്ങൾക്ക് യോഗത്തിൽ നന്ദി പറഞ്ഞു.