ഹാത്രസ് ദുരന്തം: ആറു പേർ അറസ്റ്റിൽ : Deepika.com National News |

Click here for detailed news of all items

ഹാത്രസ് ദുരന്തം: ആറു പേർ അറസ്റ്റിൽ

Friday, July 5, 2024 2:05 AM IST

ഹാത്രസ്: ഉത്തർപ്രദേശിലെ ഹാത്രസിൽ പ്രാർഥനായോഗത്തിനിടെ തിക്കിലും തിരക്കിലും 121 പേർ മരിച്ച അപകടത്തിൽ ആറു പേരെ യുപി പോലീസ് അറസ്റ്റ് ചെയ്തു. പ്രാർഥനായോഗത്തിന്‍റെ സംഘാടനസമിതി അംഗങ്ങളാണ് അറസ്റ്റിലായവർ. ഇവരിൽ രണ്ടു പേർ സ്ത്രീകളാണ്.

മുഖ്യപ്രതി ദേവ്പ്രകാശ് മധുകറിനെക്കുറിച്ച് വിവരം നല്കുന്നവർക്ക് ഒരു ലക്ഷം രൂപ പാരിതോഷികം പ്രഖ്യാപിച്ചു. മധുകറിനെതിരേ ജാമ്യമില്ലാ വാറന്‍റ് പുറപ്പെടുവിച്ചിട്ടുണ്ട്. അറസ്റ്റിലായവർ ക്രൗഡ് മാനേജ്മെന്‍റിന്‍റെ ചുമതലയുള്ള വോളന്‍റിയർമാരാണെന്നു പോലീസ് അറിയിച്ചു. പരിപാടികളിൽ ഇവരാണ് ആൾക്കൂട്ടത്തെ പൂർണമായും നിയന്ത്രിച്ചിരുന്നത്.

ആവശ്യമെങ്കിൽ, ആൾദൈവം ഭോലെ ബാബയെ ചോദ്യം ചെയ്യുമെന്ന് പോലീസ് അറിയിച്ചു.ഭോലെ ബാബയുടെ മെയിൻപുരിയിലെ ആശ്രമത്തിൽ ഇന്നലെ പോലീസ് എത്തിയിരുന്നു. ഈ സമയം ബാബ അവിടെയില്ലായിരുന്നു.

സുരക്ഷാ ക്രമീകരണങ്ങൾ വിലയിരുത്താനാണ് ആശ്രമത്തിലെത്തിയതെന്ന് പോലീസ് അറിയിച്ചു. അപകടശേഷം ആശ്രമത്തിൽ പോലീസ് സംഘത്തെ വിന്യസിച്ചിരുന്നു. ഭോലെ ബാബയ്ക്കെതിരേ ഇതുവരെ പോലീസ് കേസെടുത്തിട്ടില്ല.

അപകടത്തിൽ മരിച്ചവരെയെല്ലാം തിരിച്ചറിഞ്ഞു. ഇവരുടെ മൃതദേഹം കുടുംബാംഗങ്ങൾക്കു വിട്ടുനല്കിയെന്ന് ജില്ലാ കളക്ടർ ആശിഷ്കുമാർ പറഞ്ഞു.

ലോക്സഭാ പ്രതിപക്ഷനേതാവ് രാഹുൽ ഗാന്ധി ഇന്ന് ഹാത്രസ് സന്ദർശിക്കും. അപകടത്തിൽ മരിച്ചവരുടെ കുടുംബാംഗങ്ങളുമായ രാഹുൽ കൂ‌‌ടിക്കാഴ്ച നടത്തും. എഐസിസി ജനറൽ സെക്രട്ടറി കെ.സി. വേണുഗോപാൽ ആണ് ഇക്കാര്യം അറിയിച്ചത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.