എ.കെ. ആന്‍റണിയുടെ സഹോദരന്‍ അന്തരിച്ചു
Tuesday, July 15, 2025 1:40 AM IST
ചേര്‍ത്തല: മുതിർന്ന കോൺഗ്രസ് നേതാവും മുന്‍ മുഖ്യമന്ത്രിയുമായ എ.കെ. ആന്‍റണിയുടെ സഹോദരന്‍ ചേര്‍ത്തല അറക്കപറമ്പില്‍ അഡ്വ.എ.കെ.ജോണ്‍ (75) അന്തരിച്ചു.
കേരള ഹൈക്കോടതി ഗവ. പ്ലീഡര്‍, കെഎസ്എഫ്ഇ, കാത്തലിക് സിറിയന്‍ ബാങ്ക് എന്നിവയുടെ സ്റ്റാന്‍ഡിംഗ് കൗണ്‍സില്‍ അംഗം, മുട്ടം സഹകരണ ബാങ്ക് ഭരണസമിതി അംഗം എന്നി പദവികള്‍ വഹിച്ചിട്ടുണ്ട്.
രണ്ടാഴ്ചയ്ക്ക് മുമ്പ് ഹൃദയസംബന്ധമായ അസുഖത്തെ തുടര്‍ന്ന് ചേര്‍ത്തലയിലെ സ്വകാര്യ ആശുപത്രിയിലും തുടര്‍ന്ന് വണ്ടാനം മെഡിക്കല്‍ കോളജിലും ചികിത്സയിലിരിക്കേ ഞായറാഴ്ച രാത്രി 12നായിരുന്നു അന്ത്യം.
സംസ്‌കാരം ഇന്ന് മൂന്നിന് ചേര്‍ത്തല മുട്ടം സെന്‍റ് മേരീസ് ഫൊറോനാ പള്ളിയില്‍. ഭാര്യ: ജേര്‍ളി ജോണ്‍. മറ്റു സഹോദരങ്ങള്‍: എ.കെ. തോമസ് (റിട്ട. സഹകരണ രജിസ്റ്റാര്‍), മേരിക്കുട്ടി ദേവസ്യ, എ.കെ. ജോസ് (റിട്ട. എക്‌സിക്യൂട്ടീവ് എന്‍ജിനിയര്‍ മഹാരാഷ്ട്ര ഇലക്ട്രിസിറ്റി ബോര്‍ഡ്), പരേതയായ സിസ്റ്റര്‍ ഇന്‍ഫന്‍റ് ട്രീസ (എഫ്‌സിസി കോണ്‍വെന്‍റ്), റോസമ്മ കുര്യന്‍ കോളുതറ, കൊച്ചുറാണി തോമസ്.