വ്യക്തിപരിചയം
Sunday, November 24, 2024 1:23 AM IST
രാഹുൽ മാങ്കൂട്ടത്തിൽ
1989 നവംബർ 12ന് പത്തനംതിട്ട അടൂർ മുണ്ടപ്പിള്ളി ആറ്റുവിളാകത്തു വീട്ടിൽ രാജേന്ദ്രക്കുറുപ്പിന്‍റെയും ബീന ആർ. കുറുപ്പിന്‍റെയും മകനായി ജനനം. യൂത്ത് കോണ്ഗ്രസ് സംസ്ഥാന അധ്യക്ഷൻ.
2006ൽ പത്തനംതിട്ട കാതോലിക്കേറ്റ് കോളജിൽ പഠിക്കുന്പോൾ കെഎസ്‌യുവിലൂടെ വിദ്യാർഥിരാഷ്‌ട്രീയത്തിലെത്തി. 2009-2017 കാലയളവിൽ കെഎസ്‌യു പത്തനംതിട്ട ജില്ലാ ജനറൽ സെക്രട്ടറി, 2017 ൽ ജില്ലാ പ്രസിഡന്‍റ്, 2017-18ൽ സംസ്ഥാന ജനറൽ സെക്രട്ടറി എന്നീ സ്ഥാനങ്ങൾ വഹിച്ചു. 2018-2021 ൽ എൻഎസ്‌യു ദേശീയ സെക്രട്ടറിയായി. 2020 ൽ കെപിസിസി അംഗം, പിന്നീട് സംസ്ഥാന കോണ്ഗ്രസിന്റെ പ്രധാന വക്താവായി.
ഡൽഹി സെന്‍റ് സ്റ്റീഫൻസ് കോളജിൽനിന്ന് എംഎ ഹിസ്റ്ററി, ഇഗ്നോയിൽനിന്ന് എംഎ ഇംഗ്ലീഷ് ബിരുദങ്ങൾ കരസ്ഥമാക്കി. നിലവിൽ എംജി യൂണിവേഴ്സിറ്റിയിൽ ഗവേഷണം ചെയ്യുന്നു.
യു.ആർ. പ്രദീപ്
സിപിഎം ചേലക്കര എരിയാ കമ്മിറ്റി അംഗം. ദേശമംഗലം പഞ്ചായത്ത് വൈസ് പ്രസിഡന്‍റ്, ദേശമംഗലം കോ-ഓപ്പറേറ്റീവ് ബാങ്ക് പ്രസിഡന്‍റ്, ദേശമംഗലം സിപിഎം ലോക്കൽ കമ്മിറ്റി സെക്രട്ടറി, പട്ടികജാതി ക്ഷേമസമിതി ജില്ലാ കമ്മിറ്റിയംഗം, കെ എസ്കെടിയു ചേലക്കര ഏരിയ കമ്മിറ്റി വൈസ് പ്രസിഡന്‍റ്, ചേലക്കര മുൻ നിയമസഭാംഗം. ബിബിഎ ബിരുദധാരി. ദേശമംഗലം പല്ലൂർ തെക്കേപുരയ്ക്കൽ രാമന്‍റെയും ശാന്തയുടെയും മകൻ. ഭാര്യ: പ്രവിഷ. മക്കൾ: കീർത്തന, കാർത്തിക്.