പോലീസ് സ്റ്റേഷനിൽനിന്നു രക്ഷപ്പെട്ട് പുഴയിൽ ചാടിയ പ്രതി മുങ്ങി മരിച്ചു : Deepika.com Kerala News |

Click here for detailed news of all items

പോലീസ് സ്റ്റേഷനിൽനിന്നു രക്ഷപ്പെട്ട് പുഴയിൽ ചാടിയ പ്രതി മുങ്ങി മരിച്ചു

Saturday, December 4, 2021 12:59 AM IST

തൊടുപുഴ: സ്റ്റേഷനിലെ ലോക്കപ്പിൽനിന്ന് പോലീസിനെ വെട്ടിച്ച് പുഴയിൽ ചാടി രക്ഷപ്പെടാൻ ശ്രമിച്ച പ്രതി മുങ്ങി മരിച്ചു. കോലാനി പാറക്കടവ് കുളങ്ങാട്ട് ഷാഫി കെ. ഇബ്രാഹിം(29)ആണ് മരിച്ചത്. ഇന്നലെ രാവിലെ ഒൻപതോടെയായിരുന്നു സംഭവം. കഴിഞ്ഞ 30ന് നഗരത്തിലെ ബാറിലെ സെക്യൂരിറ്റി ജീവനക്കാരനെ മർദിച്ച കേസിലാണ് ഇന്നലെ രാവിലെ പോലീസ് ഇയാളെ കസ്റ്റഡിയിലെടുത്തത്.

കസ്റ്റഡിയിലെടുത്ത് സ്റ്റേഷനിലെത്തിച്ച ഷാഫിയെ സെല്ലിലിട്ടെങ്കിലും താഴിട്ട് പൂട്ടിയിരുന്നില്ല. ഇതിനിടെ അകത്തുനിന്നും സെല്ലിന്‍റെ വാതിൽ തുറന്ന് ഇയാൾ ഓടുകയായിരുന്നുവെന്നാണ് പോലീസ് പറയുന്നത്. പോലീസുകാർ പിന്നാലെ ഓടിയെത്തിയെങ്കിലും പോലീസ് ക്വാർട്ടേഴ്സിന് സമീപത്ത് നിന്ന് ഇയാൾ തൊടുപുഴയാറ്റിലേക്ക് ചാടുകയായിരുന്നു.

കല്ലൂർക്കാട് നിന്നെത്തിയ സ്കൂബാ ടീം മലങ്കര ഡാമിന്‍റെ ഷട്ടറുകൾ താഴ്ത്തി വെള്ളമൊഴുക്ക് നിയന്ത്രിച്ചു നടത്തിയ തെരച്ചിലിൽ മൃതദേഹം കണ്ടെത്തുകയായിരുന്നു. സംഭവത്തിൽ പോലീസുകാർക്ക് ശ്രദ്ധക്കുറവുണ്ടായെന്നും നടപടിയെടുക്കുമെന്നും ജില്ലാ പോലീസ് മേധാവി ആർ. കറുപ്പസ്വാമി പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.